انه زلزال

أمس الصبح بالليل يعني الساعة الواحدة والنصف بالليل- الفجر

(انتوا عاد فججوها وفهموها)

وعيت من نومي لاني غفيت وانا اطالع التلفزيون والليتات مشبوبة

(ما دروا عني حملة ترشيد المالقه)

وما اخذت دواي ولا غسلت اسناني ولا لبست لبس النوم ولا صليت الشفع والوتر

و انا في وضع الاستعداد لعمل ما ذكرت اعلاه علشان ارجع انام

الا الفراش يهتز فيني ؟؟ هزاااات خفيفه بس حسيت فيها

هاااااااااااااااااااااااا شنو هذا ؟؟؟؟؟؟؟؟

وبحركة سريعة نقزت من الفراش مثل "الغزال الشارد" واطل تحت

السرير ماكو شي !!! وارجع اقعد على الفراش لاستعيد توازني وأفكر في الموضوع

ويرجع السرير يهتز .... لاااا الموضوع فيه انّ.... ولكنّ بعد

طبعا اشتغلت افلام الطفوله علي والخيال الواسع ...... وتذكرت فيلم

The Exsorcest

ما ادري شفتوه ولا لأ؟؟؟؟

كان فيه مقطع السرير فيه أرواح شريرة الله يبعدهم عنا وعنكم

ما أدري الممثله اللي فيها الروح الشريره؟؟

المهم إن السرير يشيل ويشدخ في الممثله

وطبعا انا شايفته وانا ياهل ورسخ في عقلي الباطن ههههههه

وعينكم ما تشوف الا النوووور ... انا قلت صارت بعد ما يبيلها تفكير

ما بقى آية ولا سورة في القرآن حافظتهم الا وقريتها على نفسي وتعوذت من ابليس

(حسبي الله عليه لعب بحسبتي )

وقمت وغسلت اسناني اللوليه وتجددت وصليت الشفع والوتر ولبست لباس النوم

ورجعت فراشي وخليت الليت طبعا طبعا وأكيد وبدون مناقشة مفتوح

عناد في حملة ترشيد المالقة مو خوف من شي كلش ملش

(فجوا الليت احنا في الكويت)

ونمت نومه هنية نومة الغزلان في البريه نومة الفيران بالكنجيه

(ههههههه حلوة الفيران بالكنجيه)

قمت من النوم ورحت الصاله اشرب القهوة واقرا الجرايد

ولا اشوف ...... ترا تا تا تا

(هذي الموسيقى التصويريه)

زلزال في الكويت؟؟؟!!!؟؟؟

واصرخ بصوتٍ عالي جدا جدااااا

اشواااااااااااااااااااااااااااااااااا

امي من غرفتها :عسى ما شر مملوحة شفيج تصرخين ؟؟؟؟

قلت لها: اشوا زلزال في الكويت!!!؟

امي: ينتيتي اشوا زلزال ؟؟؟؟

انا: اي اشوا زلزال خفيف مو ينانوه في داري

ههههههههههههههههههههههههه

في احد حس نفس احساسي العجيييييب ؟؟؟؟؟؟

مصيبه اخف من مصيبه ولا شراااايكم ؟؟!!؟؟