هل كيف ؟؟!!؟؟
مو معقووول هاللي قاعد يصير بالديره
مو كافينا بلاوي مجلس الامه
والأوضاع المترديه بالبلد
يطلعون لنا هالأشكال ويزيدون مغثتنا
؟؟؟!!!؟؟؟!!!؟؟؟!!!؟؟؟
سايق أختي طالع اليوم الصبح مبكر يوصل أحفادها المدرسه
وهو راجع البيت ولسوء حظه فيه دوار في طريقه
وهو بيدخل الدوار جت المسعده الملكه المتوجه
"في قلة الحيا والأدب "
بتدخل الدوار ولأن الشارع شارع أبوها
والدوار ملك أهلها اللي ما عرفوا للأسف يربونها
مو مسموح للهندي الفقير يدخل الدوار إلا بأمرها
قومي ويكرم القاريء وتفلي عليه وصرخي عليه
قام المقرود وطالعها واشر لها بايده ليش تسوين جذي ؟؟
لأنه ما سوا لها شي يستحق هالحركات
اهوا بطريجه وهي بطريجها
@@
ومشى عنها متجه لبيت اختي
قومي ولحقيه لمنطقتهم وعند اول دوار صفطي عليه ووقفيه
ونزلي وعطيه طراقين ومكرمين مره ثانيه وتفلي عليه
وااااااااااي
شنو هالجرأه والقوه ؟؟؟ انزل ريال وأطقه
@@
الاخت بنت هلك هوجان
؟؟؟؟؟؟؟؟؟؟؟؟
وقولي له انت ما تعرف انا كوىتيه ولازم توقف وتحترمني
اهم شي انج كويتيه
والله انج عار على الكويتيين
رد السايق قال لها انا هندي
وانا انسان مو حيوان علشان تسوين جذي
واذا انا غلطان نادي الشرطه
وقومي وخمطي موبايله وفاتورة المصبغه
@@
أموت وأعرف ليش ماخذه ورقة المصبغه؟؟؟
وقولي له الحقني للمخفر
لحقها الفقير للمخفر
ولانها ملكة الملوك ما نزلت للمخفر
بس نادت الحرس اللي عند الباب وسلمتهم السائق
وقالت انه سابني ومكرمين مره ثالثه تافل علي؟؟
@@
هاااااااااااااو
ضربني وبكى وسبقني واشتكى
انزين نزلي المخفر سوي قضيه
ردت عليهم انا برجع بعد شوي مع المحامي
انزين عطينا بطاقتج المدنيه
ردت والله بوكي مو معاي
شنو اسمج؟
وعطيهم اسم وتلفون الله يعلم اسمها ولا لأ .. رقمها ولا رقم منو ؟
ولي اللحين المخفر يتصلون عليها وما من مجيب
انزين موبايل السائق رديه .. ليش مخليته عندج ؟؟؟؟
والاهم والمهم جدا ورقة المصبغه
ليش للحين معاج ؟؟؟؟؟
صراحه هل كيف ييبون هدوم بنت اختي من المصبغه ؟؟؟؟؟
مشكل والله مشكل
21 comments:
ابتلشنا بهالناس اللي ما يعرفون بتفاهمون و مشوهين سمعة الكويتيين
هالايام كل واحد عباله شارع ابوه و محد يلتزم بالقانون
و يقولون ليش الديره صايره جذي!!
لا بس هذي مو صج ماخذه موبايله و مو رادته.. الحمد لله و الشكر.. شصاير بالدنيا؟؟ عشنا و شفنا والله
وهل كيف اهوا سكت عنها ؟
هالهيلق مادري متى ينقرضون !!!
Hope :
-------
اي والله يا وخيتي ابتلشنا فيهم
تصدقين للحين مو قادرين يوصلون لها
:(
وما ردت الموبايل
؟؟؟!!!؟؟؟
ReLaaaX :
---------
سكت لانه محترم
وقال حق اختي غيب ريال يطق مره
وللاسف هالنوعيات قاعده تتكاثر
مو راضيه تنقرض
الله يعيننا عليهم
:(
في بداية الاسلام مع قدوم الرسول الاكرم صلى الله عليه و آله ، الله سبحانه اعز اقوام كانت ذليلة و أذل أقوام كانت عزيزة
و مرت 1400 سنة و رجعنا الى عصر الجاهلية
لكن ما في شي يمر مرور الكرام
a7mad Nabeel :
--------------
صحيح كلامك يا خوي يا احمد
لكن للاسف هالتصرفات زايده هاليومين
قال تعالى : ( يا أيها الناس إنّا خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم إن الله عليم خبير ) الحجرات/13.
التفاخر في الإسلام بين الناس
بالإيمان والتقوى
مو بقلة الادب
الله يكافينا شرهم يا رب
متاكد سايقكم انها
انثى ؟
ترا وايد هالايام لصوص ...يلبسون احجابات وباركه وهم ذكور
لا تخلونها ...واعرفوها من نوع ولون سيارتها
احقر انسان عندي هو اللي يمد يده
على خادم او خدامه
ومع الاسسف ان الكويت متروسه من هالاشكال الدخيله ..لكن لاتنسين ربج
سوف ينتصر لهذا الفقير اكيييد
ويقطع قلبها بمرض بناتها وابنائها الصغار من دعوة هالهندي
الظلم ظلمات
فمالله
يالله يالله ماتخاف من دعوة المظلوم ..
بصراحه هذي ملكه هيلقيه ..
تذكرت قصة هارون الرشيد لما نادى على خادمهعدة مرات دخل الخادم وقال لهارون الرشيد يا هذا اما يحق للخادم ان ياكل ان ينام ..
ابتسم هارون الرشيد وقال حق اللي عنده
اذا فسدت اخلاقنا صحت اخلاقهم واذا ص2لحت اخلاقنا فسدت اخلاقهم افنفسد اخلاقنا لتصلح اخلاقنا ..
الله يرزقنا حسن خلق واياكم
اجار الدين كشمش :
-----------------
واللهما اقدر اوصف لك
ويه السايق ذاك اليوم
حسبي الله عليها
وربي ينتقم له منها
في أمان الرحمن يا وخيي
ms.sms :
---------
قمه في انحدار الاخلاق والسلوك
الله يكافينا شر هالاشكال
السلام على الجميع
المشكله التربيه معدومه عند البعض
نفس المشكله حصلة سايق الوالدة
مسكه واحد وطاقه بوس على عينه مزرقها وفوق هذا موديه المخفر يقول ياشر لي باصبعه قلت ادب والمخفر طبعآ بيصدقه كونه المشتكي والظاهر من الطبقه المخمليه ههه وقطو المسكين النظاره وطلعة الروح طلعناه بعد حب اخشوم هههه
زمن بالمقلوب
adael :
--------
وعليكم السلام ورحمة الله وبركاته
كلامك صحيح
وللاسف ايضا ان هالاشكال في ازدياد
الله يكافيننا شرهم
ما اقول الا لاحول ولا قوة الابالله
التربيه وحسن الخلق مفقوده عندهم
المسكين السايق
خل عاد يسامحنا
ترا ماكو مثلها الا قليل
اكثرنا نحترم الانسان لانه انسان
واكثرنا متربين .... ونخاف الله
قلبي على ملابس اختج
يابتهم من المصبعه والا الى الحين عندهم
الله يعوضها باحسن منهم
((:
مصخرة بالكويت ، في كويتين الصراحة بأخلاقهم ما يسوون حتى يكونون بشر . شنو يعني كويتي لحد ينسى ان الكويت كانت قبل تتاجر بالهند . باجر لي خلصت فلوس الديرة ولا الله بلانا ، ترى ما ينفع التكبر . الله يحفظ الكويت و يحميها و يحمي راعيها و الأسرة الحاكمة بكبرها بس لحد ينسى ترى الكويت ب4 ساعات طاحت بالغزو ، لحد يعتز بفلوس ولا بشي يزول . احنا الشي اللي حافظنا سمعتنا و اعمال الخير اللي نسويها لغيرنا ولو ان للأسف مرات المفروض نساعد داخل الكويت قبل بره .
و السلام
مثل تلك الأحداث بالرغم من شدة غرابتها للأسف تحدث في كل مكان وليس فقط في الكويت، ولكن لحسن الحظ بندرة. أتصور أن مجتمع مثل الكويت الذي يعاني من مشكلة الطبقية، سوف يجد صعوبة أكبر في الحد من وقوع هذه الأحداث كنتيجة لها. ولايوجد للأسف أمل في معالجتها طالما أن هناك نظرة دونية من بعض الشرائح للمستويات الإجتماعية المتدنية التي يجد بعض البشر أنفسهم محبوسين فيها
مشتاقة كثيراً
:**
السلام عليكم
و صباح الورد
ع المملوحه وايد مشتاقه لج اخيتي
ان شاء الله يارب تكونين بخير و عافيه
و بالنسبه حق هالهيلقيه ربي ينتقم منها ناقصة عقل و تربية و حق هالسايق ما بيضيع عند ربي
لا طولين علينا يا الغاليه و ربي يحفظج
:****
مبارك عليج الشهر وتقبل الله منا ومنكم صالح الاعمال
وكل عام وانت بخير
لول شر البليه ما يظحك
مبارك عليج الشهر مملوحه
استانست يوم شفت ردج عندي
ربي يحفظج و عساج تعودينه
:*****
عيدج مبارك
وتقبل الله طاعتج
كل سنه وانت الى الله اقرب
Post a Comment