خلصت الاجازه
بعد غياب شهرين في رحله سياحيه .... ولهت على الكويت
ولهت على بيتنا
وغرفتي . ولهت على اصدقائي وعلى سيارتي على الجمعيه
والزحمه . ولهت على كل
شيء .. بس مابي ارجع ؟؟؟ ما ابي ارد الكويت !!! شعور
متناقض اول مره أحس فيه؟
حب.. وله.. خوف.. تردد .. بس ما ادري ليش ؟؟؟
الله يسهل الدرب
21 comments:
شعور طبيعي يدل على انك تقدرين نعمة الله
حد يعاف الجو البارد والخضرة والناس الحلوة
لما قلت للناس قبل مدة ياجماعة لا تستعجلون الردة قالوا هذي ديرتنا ونحبها رديت عليكم بالعافية استعجلوا الحر
حياج الله في حلك وترحالك
تردين بالسلامة الجو بدى يتعدل :)
تردين بالسلامة ولا تنسين الصوغة. عاد أكو أحد يوله عالجمعية والزحمة الله يهداج. الناس تبى الفكة من الزحمة ولا الجمعية هاليومين ما تنبقى زحمة عالمكتبة حق الدفاتر اللى يقول ما أدرى التفوق واصل حدة والجمعية ماحاجة تخزين حق مائدة رمضان. واى يالزحمة إنشاء الله ترجعين وتشوفين ماكو شىء راح يفوتج
عاجل:
ايه والله حسافه على الجو وراحة البال بس ما لنا الا ديرتنا الله لا يغير علينا
the simper:
يحييك ويخليك مشكور
mishari:
الله يبشرك بالخير عن تعدل الجو والله يسلمك يا رب
العين الساهره:
تستاهلين الصوغه بس شلون نوصلها لك
ايه والله ولهت على الجمعيه وعلى اسعار جمعياتنا لان جمعباتهم هني اسعار خياليه
اما الزحمه يعني تعبير عن ولهي للبلد بكل احوالها الزينه والشينه (الزحمه) وانشاء الله على ما اوصل تكون خفت الزحمه
شكرا لكم جميعا على الزياره ولا تقاطعونا
السلام عليكم .....
بالعكس مو شعور متناقض ...لكن احاسيسج ما استقرت ....السفر لمدة طويلة يلغي بعض العادات ويصنفها ضمن الذكريات ....شعور جدا طبيعي
تحياتي
bo_sale7:
عليكم السلام ورحمة الله وبركاته
شكرا لتطميني.. لأنه شعور جديد فعلا يمكن لطول المده او لان الرحله كان فيها استراحات نفسيه كثيره ووقفات مع النفس ومراجعه للمواقف
traa 3ady alkel et7ooshaa hal 7alaa traa ethaa 6awal baraa wedaa eyreed oo wag al9ejeyaa laaaaaaaaaa maaabee ared :P 3ady y3nee
bs makoo faydaa makoo 3'air lekwt lazem alwa7ed eyredlahaa ;)
oo yalaa na6rean radech almaymoonaa ;)
الكويــــــت
فعلا الواحد يوله على كل شي فيها حتى حرها
غبارها البنغاليه اللي يتنطرون عند الاشارة و طايح فيك خز يعني افهم قط علي شي
الحمدلله على السلامة
^
^
لووووووووووول
اي والله
يمكن لأن الإنسان بطبيعته يحب يكون له مكان دايما
يردله مهما راح ولف الدنيا..
من غير هالمكان احنا شنكوون؟؟
حمدالله على السلامة
ومنورة
تردين بالسلامةإن شاء الله
اختي
تذكرت اغنية السندباد البحري
:)
بلادهم حلوة حلوة بس الوطن ماله مثيل لو إنا سافرنا الشوق رجعنا حب الوطن غالي والعيشة في جنة
عز الوطن عزنا يعلى ويرفعنا ماننسى افضالة لوحنا بعاعدنا
تحياتي لج وعساج على القوة :)
cosimfree911:
walla for me hathi awal marra i have this feelings. usually 3ogeb 3 weeks start 7anna 3ala elradda and arja3 and leave my family .
thanks o enshallah bacher coming
do u want any thing i bring with me ?
thanx for passing and always do .
enterQ8:
الله يسلمك وايه والله يوله عليها والله لا يغير علينا فييها بس اتصدق البنغاليين ما ولهت عليهم عليهم خزات لا توصف
شكرا جزيلا لمرورك عندنا وانشاء الله دوم
نون النساء:
شكرا ومنوره بمرورك علينا انا اعنقد ان الانسان مهما ابتعد ... عن وطنه ماله غناة .والله يسلمك ولا تقاطعينا
فارس هوى الكويت:
الله يسلمك ويعطيك الف عافيه
فعلا حبه غاااالي وبدون كويتنا ما نسوى شيء
اتصدق ان هالاغنيه كل ما اسمعها وانا بره لازم ابكي واللحين وانا ارد عليك دموعي اربع اربع
شكرا على مرورك ومشاركتك
بالسلامة نقول؟ ولا حمدلله على السلامه؟
وعجبني التصميم والألوان.. لكن معقولة هذا موضوعك الوحيد؟
i_live_in_q8 :
والله يا اخوي عبدالله قول بالسلامه لان الرجعه باكر انشاء الله
اما بالنسبه لموضوع الكتابه انا كنت في رحله راحه واستجمام و مراجعه لحياتي... وبعدين شكرا على الاطراء وهذا من ذوقك الحلو ..واخذت وقت علشان اقدر اختار التصميم والحمدالله انه لاقى الاعجاب
شكرا لزيارتك اللطيفه
بالسلامة ان شالله
ومثل ما قالو الجو بدا يتعدل لاتخافين
^_^
الله يسلمك .. بس الخوف مو من الجو لاني احب جو الكويت مهما كان قاسيومشكوره وايد لاهتمامك
هذي الكويت صل على النبي
أهي ديرتنا وفيها اللي نبي
:)
عسى ربي يسمح دربج وترجعين بالسلامة يارب
estekana:
الله يسلم عمرك ويحفظك
ايه والله اهي ديرتنا و فيها اللي نبي
الله لا يغير علينا
ومشكوره وايد للزياره
ترجعين بالسلامة، دائماً ينتابني هالشعور سواءاً عند المغادرة من الكويت أو عند العودة، أعتقد ان احنا نعتاد الوضع ونكره تغييره، طبيعة بشرية
يلا تعالي، الحين رمضان، الجو العام يصير روعة في الكويت
كلها ساعات وراجعه لح الحين ما صكيت جناطي قاعده اقرا و اعلق وفعلا انا عند السفر ينتابني هالشعور بس الغريب اني هالمره حسيته في الرجعه وهذا ليس من طبعي
نورتي بزيارنك والف شكر للتعليق
لحد=لح
Post a Comment