الصديقه الصدوقه
صديقتي الغاليه
(ل)
لو ابتعدنا ولو الدنيااشغلتنا عن بعض تظلين في حياتي الصديقه الاقرب الى قلبي
الله لا يفرقنا من شر
ومثل ما دايما نقول لبعض
اننا راح نكبر ونخرف مع بعض ودايما اقول لها الله يعينني
على حنتج لي خرفتي وتبدي النجره بيني وبينها
(ل)
لو ابتعدنا ولو الدنيااشغلتنا عن بعض تظلين في حياتي الصديقه الاقرب الى قلبي
الله لا يفرقنا من شر
ومثل ما دايما نقول لبعض
اننا راح نكبر ونخرف مع بعض ودايما اقول لها الله يعينني
على حنتج لي خرفتي وتبدي النجره بيني وبينها
**********
بداية تعارفنا كان من زمن بعيد وكنت اعرف انها فلانه ولا اكثر
وصار لي معاها موقف انبطت جبدي منها وخذيت منها موقف
وتدور الايام ونلتقي في السفر وبالصدفه تلاقينا في يمعه عند صديقه مشتركه
سولفنا وضحكنا واكتشفت انها شخصيه غير اللي كانت في بالي
اكتشفت انها خفيفة طينه خدومه نصوحه رقيقه وانا كنت اظن العكس
كنا نقعد في الساعات نتكلم مع بعض كل وحده تبي تتعرف على الثانيه اكثر واول مكالمه طلبت اني اقول لها سر من اسراري وكانت تتغشمر وطبعا كانت متوقعه امتنع او اقول لها شي عادي
لكن قلت لها اقوى اسراري واللي ما بحت فيه لاحد غيرها
لا تتسائلون ليش بس هالانسانه حسيت ان صداقتي لها راح تكون صداقة عمر
ومن 10 سنوات ( ماشاء الله )واحنا اصدقاء والله لا يغير علينا ويبعد عيون الحساد عنا
*********
طبعا "غلاتي" وهذا اسم الدلع اللي اناديها فيه
انصدمت وما توقعت اني راح ابوح لها بشي واستانست اني عطيتها ثقتي وهي فعلا تستحق هذي الثقه
وهي الشخص الوحيد اللي لحد اليوم ابوح لها بكل اسراري وانا كلي ثقه بقدرتها على حفظها
كانت تشاركني افراحي وتواسيني في اتراحي وبدينا نتعرف اكثر واكثر وبديت اتعرف على عائلتها المكونه من زوجها وولديها الحلوين وعرفتها على عائلتي
وصارت علاقتنا اقوى واحلى وصارت كل وحده منا تعتمد على الثانيه نتشاور تقريبا في كل الاشياء اللي نسويها او راح نسويهاوكنا نطلع مع عايلاتنا ونتجمع مع بعض وكنا نخصص لنا ايام نطلع فيها مع بعض بدون العايله
وكان يوم تعارفنا يوم نحتفل فيه كل سنه
********
وبعد كم سنه من عمر صداقتنا مريت بفتره صعبه جدا وكان علي اختيار قرار مصيري في حياتي ولولا وجود هالانسانه الغاليه جدا على قلبي لما قدرت اني اتخذالقرار الصح اللي اتخذته بعقل وتفكير بمساعدتها ووقوفها يمي وكانت تقنعني بدون ضغط وكانت تعطيني الدعم والقوه لحد ما قدرت اتجاوز هالفتره العصيبه
بنصايحها الهاديه المقنعه المفيده
************
هذي صديقتي العزيزه على قلبي
شرايكم تستحق لقب الصديقه الصدوقه ؟؟؟
وللحديث عن صداقتنا بمواقفها الحلوه والمره وذكرياتها تكمله في زمن قل فيه الوفاء واصبحت الصداقات صداقات مصالح ومالها استمراريه
************
16 comments:
الصديق الوفي عملة نادرة في هذا الوقت فحافظي على صديقتج والله لا يفرق بينكم ان شاء الله
fuzzy:
------
ايه والله يا فزي احمد ربي ان عندي هالصديقه لما اشوف صداقات هالايام
شفتي اشلون القلوب شواهد
مشكورة على مرورج الطيب عندي ودعوتج
الحلوة
وانا بعد اقوللج الله لايحرمكم
من بعض ولايفرق بينكم
سالفة قلب:
----------
ايه والله القلوب شواهد والشكر لج على الزياره
والله يديم المحبه بين الاصدقاء ولا يفرقهم من شر
kitty:
------
اللهم آمين وحلت دنياج
اشرايج كيتي اطرش لج اغنيه اثريه ثانيه توسع صدرج
عسى الله يخليكم حق بعض :)
وفعلا وجود شخص بهالصداقةشئ نادر :)
صعب الواحد يلقى صديق وفي..ومثلما قالوا في الامثال ..المستحيلات ثلاثة الغول والعنقاء والخل الوفي
فإن رأتي حصلتي على المستحيل الثالث فعضي عليه بالنواجذ لاو تتركيها فلإنها عمله نادره جدا
والله يوفقكم
mishari:
-------
اللهم آمين وفعلا الصداقه صارت عمله نادره وصارت المصالح هي اللي تحرك معظم الناس
krakatao:
---------
أولا حياك الله وانشاء الله مو آخر مره تشاركنا في اراءك الحلوه
فعلا الصديق الوفي المحب النصوح صار شي من المستحيل واحنا الثنتين مهما نختلف تحاول الوحده منا انها تحافظ على مشاعر الثانيه ونرجع نتعاتب بهدوء وننسى خلافاتنا حتى لا نخسر بعض
الوفاء خصلة نادره هالايام....في زمن المصالح..!!
الله يخليكم لبعض ان شاء الله....حلوا سم غاليتي عجيب...^___*
نتمنى نشوفها في عالم البلوقات ونتعرف على اللي امحليه ايامج...^___*
Q8ya:
------
ايييه والله نادر نادر نادر
يا رب ما نفترق من شر
وغلاتي اسم وايد تستاهله
انشاء الله نوصلها الرساله والدعوه لعالم البلوقات
والله يحلي دنياج مع الاهل والاصدقاء الاوفياء
عسى الله لايحرمج منها
واهم شي بالاخوة والصداقة .. الصـراحه ، قد ماتقدرون لايكون شي في قلوبكم على بعض
+
إن سمعتي شي يقولون لج عنه انها قالته .. روحي سأليها وتأكدي قبل لاتصدقين اللي قال
يمكن كل وحده عارفه طبع الثانيه ومثل ماتقولين 10 سنين يعني عشرة عمر .. بس كنوع من التذكير :)))
الله يتمم عليكم صداقتكم، وصج الصديق الوفى عملة نادرة والواحد مو بكثر الناس اللى يعرفهم لكن بالصديق المخلص اللى ينصح وينتقد صديقه بما ينفعة، ومثل ما قال المثل الصديق عند الضيق
relaaax:
--------
مشكوره حبيبتي على الزياره وعلى النصيحه والله لا يحرمنا من طلتج علينا
العين الساهرة:
-------------
اللهم آمين وفعلا يا العين الاصدقاء ليس بكثرتهم ولكن بالصديق النصوح الوفي اللي يعتبرج مثل نفسه ويحافظ على اسرارج
أدام الله عليكما طيب الصداقة سيدتي
فلتتمسكا ببعضكما، ترى هذا النوع من التواؤم والارتباط لا يحدث الا نادراً بين البشر
الله يخليكم لبعض
وخليلنا شيئ من قلبك يا سيدتي، والا ما نستاهل؟ :)
white wings:
-------------
هلا هلا والله وين هالغيبه والله لج وحشه
مشكوره والله يديم المحبه بين الاهل والاصدقاء
والله يا حبيبتي تستاهلين واكثر والله يعلم ان لج مكانه في قلبي بدون لا تطلبين
الله يديم الوصل بيننا
Post a Comment