مهازل ديوانية مارينا أف أم
امس وانا في السياره الساعه اربع العصر كان في برنامج في الراديو
اسمه الديوانيه (ديوانية المهازل) الاخوان
يظنون نفسهم خفيفين طينه وهم ثقالة دم وقثاثه الله لا يراويكم
ماكو الا تطنز وتمسخر على المتصلين وضحك بطريقه مو محترمه
المهم آخر مهازلهم اليوم عندهم مقابله مع مدير فندق المارينا
السيد انطوان ما ادري شنو الباقي من اسمه واسئله وردود ولا اسخف
المهم واحد من المذيعين يقول انه سوى دعايه للفندق وانه
يبي الكوميشن ... خوش مباديء ؟؟؟؟؟؟؟
ويكملها المذيع الثاني : ايه انتو اللبنانين اللي علمتونا هالطريقه
يا سلام اللبنانين السبب في نشر الكوميشنز في الكويت؟؟؟؟
شفتو اسخف من هالسالفه
ما تصدقون المدير اللبناني شلون رد عليهم باحترام وادب
وهم مستمرين في الكعكعه الهستيريه والسخافه
المشكله انه برنامج على الهواء وصار لي يومين اسمعهم ابي اكتشف
شنو سالفة البرنامج؟
بس عقب اللي سمعته اليوم
استغفرت ربي وصكيت الراديو علشان ما استاثم ويروح صيامي
32 comments:
عاد ذاك اليوم بقيت احرك ضدهم قضية مجاهرة بالافطار ...المذيع الياقوت ومعاه واحد ثاني كل ساع يقولون يبا احنا فطار وما علينا شرهة ومن هالحجي !!
طيب انا ما يهمني انت صايم ولا لأ ...يهمني القانون ...في قانون في الكويت واجب الاحترام ...وهذا اقل دليل على الحضارة والمدنية اللي هو احترام القوانين ...القانون يجرم كل من يجاهر بالافطار ....خلي سالفة مو كل الناس تصوم ومو كل الناس مقتنعة بالشهر ..بس انا علي من القانون وخصوصا انه برنامج ينذاع من محطة لها روادها ومتابعينها ...شنو يعني حضرتك كل ساع تتحدى الوضع وتقول انا فاطر ...شنو الرسالة اللي بتوصلها ؟؟
عاد كنت على طريف وبالليل كان يمي بالديوانية محامي معروف قتله السالفة قال بس ييب لي تسجيل الحوار وتاريخه وانا اعلمك فيه ...
بس تعوذت من ابليس وقلت اللي مو محترم القانون وين يحترم الناس
والله ما الومك يابو صالح سخافاتهم وكلامهم يرفع الضغط .. انا احسهم مو صاحين ورايحين فيها وقليلين حيا
وان لم تستحي افعل ما تشاء
حسبي الله عليهم على هالبرنامج المسخره مو كافيهم سخافات فجر السعيد وملاقة حليمه كملوها بديوانية المرينا
الله يعيننا ويصبرنا
محطة مارينا وفندق مارينا !
انا اول مره اشوف محطه غنائية الهذره فيها اكثر من الاغاني .. ومثل ما قلتي ملاقه وثقل دم وقلة ادب على بالهم يونسون
الشرهه على اللي مخليهم يسوون جذي
fuzzy:
-------
صج والله ما تسمع اغاني بس هذره
قريت تعليق بوصالح ؟؟
.. كاملين والكامل ربي
لا وحضرتك بتغسل وسيلة النقل الطائره والله انا بحط بالتب شي اقوى من التيزاب ... واقول الجو بدى يتعدل والمشي وايد احسن!!! وبالنسبه للحطه راح اساهم بخمسة الاف فلس فقط لا غير
استغفرت ربي وصكيت الراديو علشان ما استاثم ويروح صيامي
زين ماسويتي
تحياتي
:)
لكل زمان دولة ورجال
ولو ان بعضهم مو رجال
المصيبه في ناس تدزز لهم و اتصالات و حاله!
الله المستعان
أولا أحب أباركلج عل النيو لووووووووك
زوووووغة
كتبت عندي تعليق علي إنج مسكرة الكومنت
أشوة ألحين أقدر أعلق
صراحة وايد شرح غير هذاك البني
جنج رايحة البحر مو بلوق
وايد حلو و الأوراق معبرة على إنها مذكرات
تسلم إيدج
أما الرادو و التلفزيون بالكويت يبيلهم أربي جي و نواوي
كل ما أبطل الرادو ألاقي صراخ!؛
إشدعوه هالشطة!؛
أنا فاكه عمري
CD
و إنقز
يوم عبدو
يوم عبادي
يوم إليسا
يوم وائل جسار
و إذا بقيت شي الله يعافي النت
i-pod
من زمان ما أخلي هالأشكال إتحكم بسمعي و عقلي
سالفة قلب :
------------
اي والله يا سالفة القلب لازم كنت اسوي جذي والا الصيام يروح
ولكي مني اجمل تحيه
fuzzy:
------
صح لسانك يا فزي يبتها عدل .. ايه والله
cr8ivia :
---------
الله يهداهم يتمسخرون ويتطنزون عليهم ويتصلون فيهم ؟؟
والله هالناس غريبين انا مرتين سمعتهم وما قدرت اكمل
reema:
------
قريت الكومنت وقعدت اليوم اعدل فيه لحد ما ضبط
الحمدالله انه عجبك وشكرا للوصف العجيب (جني رايحه الشاليه) وهذي الالوان اللي احبها وتعبر عن شخصيتي اكثر من الاولي
اما بالنسبه للراديو لان سيارتي بالجراج يسوون لها سيرفيس وجايبين سياره بديله و ما عندي الا الراديو وسمعت هالسخيفين اللي يبيلهم كاز وتشبين فيهم
:ملاحظه
انا من عشاق عبده وعبادي وعبدالمجيد
وايد حلو ستايل صفحتج
حسيت براد وشراحه
سالفة قلب:
----------
مشكوره حبيبتي هذا من ذوقج الحلو والله يشرح ويبرد على قلبج وجميع المسلمين
كلنا توسمنا فيهم خير كأول محطة إذاعية خاصة لكن المتتبع للنهج اللي ماشين عليه يقول انهم شلة شباب بيقضون وقت بالتمسخر والحجي الفاضي المليق
اما الاغاني فتييب اليهد ما قط سمعت منهم اغنية سنعة
استغرب وين الاغاني الرومانسية والموسيقى الهادية يعني الناس ناقصهم ازعاج وتلوث سمعي !؟
وليش مافي برامج حوارية هادفة!!؟
tweety:
-------
هلا والله في تويتي لا والله طلعوا مقلب وسخافه وقلة حيا
وانا مو من عادتي اسمعهم بس صدفه وكانت اتعس صدفه
اما التلوث السمعي تخصص مسلسلات التعيسه فجر واللي على شاكلتها يعني تحوشج لوثه عقليه اذا شفتيهم من المناظر والحوار اللي ما ادري من اي بيئه يايبينه
والله سمعت عنه هذا البرنامج .. بس الصراحة اختي.. خاصة في هذا الشهر الفضيل .. افضل انج تحطين على اذاعة القرآن الكريم ابرك من هذي المهازل!! يمكن تلقطين معلومة حلوة او تسمعين قصة طيبة صدقيني راح تحبين الإذاعة.. جربي منتي خسرانه
i_live_in_q8:
------------
انشاء الله نسمعها ونستفيد وشكرا اخوي على النصيحه
شوفى اذا تبين تتسلين وانتى صايمة وتبين الراديو
عندج 9,75
فيها برامج زينة
وبعدين وين هالغيبة طولتى على ما كتبتى بوست يديد
واما المارينا واللى قاعد يصير فيها
فحدث ولا حرج
اذاعة النص كم
mishari:
---------
شكرا اخوي مشاري على النصيحه وانشاء الله بسمعها واقول لك عجبتني ولا لأ
ومشكور وايد انك متابع للي اكتبه بس كنت شويه مشغوله في تغيير اللوك للبلوق واللحين راجعه لكم يألوان جديده وكتابات جديده
اما الاذاعه يا مشاري استغفر الله مسخره
أنا بطلت أسمع اذاعة كويتية أو أشوف قنوات كويتية، أحتر وأتنرفز وما يسوى علي أبداً
المهم قوليلي، شخبار اللقيمات؟ :)الي الآن متصدرة قائمة الحلويات؟
salaaam
9ara7aa anaa atefg weyaach enaa marina FM feeyhaa sa5afaa methal ed3'aishm oo alshaay3 (maraa oo maraa alshay3) bs 9ara7aa aldeywanya alansaree oo alyagoot 3ajeebean 3ala alagl almokaan alwa7ed elly tesam3 alnaas tetkalm 3alaa 6abey3at'haa mafeehom ta9an3 oo tamtheal methal albajee laken al3aks wayed 7eloo oo eywans yamken sa3aat ey5ooronaa bs hatha al7eloo enaa kel shy 3alaa 6abey3taa fee shy zain oo fee ashyaa2 te6l3 ay shy
anaa ashje3 enaa alnaas etkoon 3alaa 6abey3at'haa moo nfs albajee elly yet9ana3oon ;)
white wings:
------------
هلا والله بالغاليه
والله احسن لج وفكيتي عمرج من التفاهات والسخافات
اما اللقيمات فمازالت في المركز الاول انتي شلونج وياها عسى صار لها شكل ثابت وواضح ؟
cosimfree911:
--------------
3uleekom elsalam
walla ana elli seme3teh kan sa5afat o gelat adab o elensan 7elo eykoon 6abee3i bes be7dood mo te6ennez wa temes5er eb 5alq allah
ana mo min motabeenhom bas sema3t'hom 2 times o 7arramt
bonaviita:
----------
ee wallah they r shallow and sakhefeen ba3ad
أستغفر الله، القائمون على هالمحطة وغيرها يحسبون المكسب في توظيف من لا منطق له، المشكلة إننا عندما نقلد الغرب نتمادى في التقليد، يعنى مثل قناة إم بى سى أول ما طلعت محترمة وما فيها خرابيط، بعدين لما إنتشرت المحطات وصار الدش مسموح طلعت علينا قناة ال أل بى سى ، وصارت كل المحطات تبى تقلدهم باللبس والطريقة في الكلام والغشمرة والضحك، زين مو زين في وقته ولا مو في وقته ، المشكلة إن فكرة برنامج منوع يعنى مهازل ومسخرة، ما أدرى من علمهم جذى، بس الشرهة على اللى يسمع لهم ويتصل ويشارك، شوفى برنامج المسابقات مال الويس وحليمة ، الناس مستذبحين يتصلون لأن ضامنين جوائز ببلاش إهيا تسأل وتجاوب نفسها، الله والجوائز خمسين دينار ولا موبايل، والله فشلة شنو خمسين دينار ولا موبايل يعنى اللى إتصلوا مو صارفين أكثر من هالمبلغ ولا عندهم بدل الموبايل عشرة، كل ما طلع جديد شروه، لكن بنى آدم ما يشبع. جنى إشتطيت بس شسوى ما كو غحترام لا حق رمضان ولا غيره
العين الساهرة:
-------------
ايه والله يالغاليه ما قلتي الا الكلام الصحيح وفعلا الموضوع وايد يبط الجبد
واللي يرفع الضغط اللي يتصلون ويشاركون والتميع والضحك والسخافات مع المذيعين وانا سمعت اول مره وقلت يمكن بس هالحلقه وسمعت ثاني مره وتأكدت ان الجماعه مستمرين فاستعذت بالله من الشيطان الرجيم وقلت اللهم اني صايمه وسكرت الراديو وما راح افتحه مره ثانيه
walaa anaa goolch 3a6eeyhom for9aa thanyaaa traa wala 7eloo alshow oo wayed 6abeeyy3ee
cosimfree911:
-------------
walla ya o5ooi aasfaa cant a36eehom for9a elli seme3tah more than enough for me
thanx alot
مصخره حدهم يابولج ناس لا تعرف تحاور ولا شيء ...
q8ya:
-----
حدهم مسخره ولا سالفه ولا منطق
الحد الفاصل بين المسخره وخفة الطينه .... شعره
الحمدلله اني مو من ربع الاف ام
حسام بن ضرار:
--------------
فعلا يا اخوي حسام والحمدلله مفتك من مسخرتهم
londony:
--------
ما علي اي امر احنا في الخدمه وفعلا وايد تأذيت على ما سويته عدل بس يسوى التعب
go to the help of blogger and ask for "how to enable the archives?"
and they will tell u the code
and the same for the comments
and if didn't work send me again a comment .
Post a Comment