إلا الهوى ...... ما للهوى عندي عذر
Tuesday, November 28, 2006
مع برودة الجو
أحاول البحث عن بعض الدفء لقلبي
في صفحات ذكرياتي
في البوم صوري
أتصفح بعض كتبي
وأجد بها هذه الأبيات
التي صورت أجمل المعاني للحب
هل الحب اختيارنا ؟
........
هل الفراق اختيارنا؟
........
أم انه القدر ؟
..............
أبعتذر .. عن كل شي
إلا الهوى .. ما للهوى عندي عذر
أبعتذر.. عن أي شي
إلا الجراح .. ما للجراح إلا الصير
إن ضايقك إني على بابك أمر
ليلة ألم... إني على دربك مشيت
وأنا قلبي القدم
أبعتذر .. أبعتذر .. كلي ندم
عن كل شي .. إلا الهوى
ما للهوى عندي عذر
اتصدقي.. ما اخترت أنا أحبك
ما أحد يحب اللي يبي
سكنتي جروحي غصب
يا حبي المر .. العذب
ليت الهوى وانت ... كذب
كان اعتذر لك عن هواي
ما أقول أنا .. كوني معاي
ان ضايقك اني على بابك أمر
ليلة ألم
وإني على دربك مشيت عمري وأنا
قلبي القدم
أبعتذر.. أبعتذر .. كلي ندم
عن كل شي .. إلا الهوى
ما للهوى عندي عذر
الله كريم .. حبك يكون .. همي القديم
وجرحي القديم
والله عليم .. يا أحلى العيون
ان الفراق .. جزا الفراق
أبوعدك .. كان الطريق بيبعدك
بامشي الطريق
وكان الجحود بيسعدك
مالي رفيق
أبجمع أوراق السنين .. وأودعك
كان الفراق اللي تبينه .. الله معك
بدر بن عبدالمحسن
Subscribe to:
Post Comments (Atom)
15 comments:
كنت احاول ان اجد اغنية اسمعها وانا اقرأ قصة قلب
الان وجدتها
شكرا للإختيار
offff
يبيتياها ييبه
ذكرتيني ب
الحب تدري بي ماهو بيدي ! سيدك تراه الهوى و سيدي
barrak:
-------
العفو وحياك الله في أي وقت
نحن بالخدمه
kitty:
------
هلا والله بالغاليه
انا وايد احبها ولها ذكريات خاصه عندي
انا أؤمن انه من قدر الانسان
cr8ivia:
---------
مشكوره حبيبتي
ايه والله
ماهو بإيدنا
كلج ذوق
اختيار رائع :)
الله على اختيارج يامملوحه
بالضبط
اتصدقي.. ما اخترت أنا أحبك
ما أحد يحب اللي يبي
سكنتي جروحي غصب
يا حبي المر .. العذب
kuwaitia:
---------
مشكوره حبيبتي هذا من ذوقج
mishari:
--------
مشكور يا مشاري
وذوقك الرائع
سالفة قلب:
----------
والله يالغاليه من بعض ما عندكم
ومشكوره حبيبتي
ااااااااااااااااااااااااالله
روووووووووووووووعه
احلى دفي في احلى حضن
رووووووووووووووعه
lawyer:
--------
مشكوره حبيبني
والله انتي اللي روووووووووعه
يا سلام
انتقاء رائع يا مملوحة
تدرين غير اسلوبج اللي احبه شنو احب فيج !!!؟
انج ما غيرتي ل بيتا مثلي مع ان الكل غيروا وبيتوا النيه
لووول
دمت بدفء الحب
tweety:
-------
مشكوره يا حبيبتي هذا من ذوقج
حبتج العافيه
شفتي شلون حولوا وخونوا فينا
لا فعلا بيتوا النيه
قمة بالرومانسيه
ما للهوى عندي عذر
-------
هل الحب اختيارنا ؟
........
هل الفراق اختيارنا؟
........
أم انه القدر ؟
الحب قدر
هو من يختارنا و ليس نحن
reema:
------
هلا والله طولتي علينا في الزياره
فعلا الحب قدر
والفراق قدر
وانا دائما اكون في قمه رومانسيتي في الشتاء
وااااااااااو اختيااار موفقققققققق
من اجمل القصاااايد الصراااحه...:)
احلى شيء لما يقول
اتصدقي.. ما اخترت أنا أحبك
ما أحد يحب اللي يبي
سكنتي جروحي غصب
يا حبي المر .. العذب
ليت الهوى وانت ... كذب
كان اعتذر لك عن هواي
ما أقول أنا .. كوني معاي
^____*
q8ya:
-----
مشكوره حبيبة قلبي
اشتقنا لتعليقاتك
Post a Comment