الدشداشه
بعد برج العرب
وجزيرتي النخله
وخريطة العالم
وبرج دبي
الآن
الدشداشه
"برج العربي"
ابداع وأفكار عجيبه غريبه
تعتزم شركة "تريبل ايه" الأماراتيه تطوير مشروع عقاري غريب من نوعه يتكلف نحو نصف مليار درهم وسيحمل اسم "برج العربي" وهو على هيئة رجل يرتدي زيا خليجياوقالت الشركه ان البرج الذي سيخصص للمكاتب التجاريه سيشيد في دبي ويتوقع انجازه عام 2009 ليدخل موسوعة جينيس للارقام العالميه كونه اكبر زي مبني من الاسمنت والزجاج في العالم
وقال مدير عام شركة" تريبل ايه" محمد السيوفي : لقد اجتهدنا كثيرا بحثا عن فكرة هذا البرج ليعكس ويجسد تكريما معنويا ورمزيا للمواطن الخليجي على وجه الخصوص والعربي بوجه عام
ويقع مشروع "برج العربي" في موقع ضمن مشروع جميرا فيلج الذي تطوره شركة "ليميتلس" اذ يقع قبالة مطار جبل علي الجديد وسيكون بارزا للعيان و بطريقه فريده نهارا وليلا لركاب الطائرات التي تقلع او تهبط في المطار كما سيتمكن سكان جزيرتي النخله جميرا والنخله جبل علي من مشاهدته
16 comments:
مشاء الله عليهم ما خلوا شي
انا بعد سمعت عن فندق مدري برج دوار
يعني يدور مثل الكوكب حول نفسه كل 7 أيام دوره
ونــــــــــــــــاسه
هههههههههه
و يقولج الناس مجرد ما يشوفونه راح يعرفون جم الساعه
يعني بكون مثل ساعه رمليه عملاقه
والله فكره جميله وايد ومبتكره ...
فعلا شي حلو ....
عشنا وشفنا يا مملوحة:)
هذي دبي صل على النبي
:)
Purplecious:
-------------
شفتي شلون
ناس نفكر وتدفع وتعمر
كل يوم طالعين لنا بمشروع غريب عجيب
والفندق سمعت عنه
قلادين مقلدين ابراج الكويت
هههههه
خلاف يخلف علينا
الى الوراء در
الله يحفظ البلد وشعبها
3ateeja:
--------
المشروع خفيف طينه ويحافظ على التراث
شفتي شلون
amal:
-----
شفتي يا اموله شلون افكار حلوه وغريبه
وماشاء الله عليهم كل يوم فنتق
ايه والله
هذي دبي صل على النبي
عقبالنا انشاء الله
مشاللـــــه.. وباجر كل عربي بشته تحت أباطه .. نوطه بو ألفه بمخباته .. راكب قطاره .. رايح برجه :)
أنا أقول لو يخلون عقاله ليتات سود بحمر يلمعون على شان بس الطيارات لا يرقعون فيه
وعسى هالمرة ما ينقص عليهم والمهندس ما يحط ستار أوف دايفد مالت اليهود على المبني :|
يالله متى الكويت تدش جينس بوك أوف ركوردز بشي غير الطنازة .. (بما إني تطنزت توني هاها)
وعاشت الثوتفل :**
(أكو ثوت-ياسمين؟ .. ملّقت والا بعد؟:))
خلف الله علينا، عبالنا المركز العلمي اختراع عجيب
بس أنا عندي اعتراض، ليش رجل وليش امرأة؟
يا حلو سوالفج
:)
Witty:
------
وبعدين معاكم ليش لما تشوفون مشاريع عجيبه تتطنزون؟؟؟
والله خفيف طينه المشروع
هههههه
حلوة ثوت ياسمين
ههههه
يا خف طينتج
ههههههه
لوووووووووول
White Wings:
-------------
خلاف يخلف علينا
للوراء در مع الاسف
لا انشاء الله راح يسوون مثله على شكل امرأه بس نطري عليهم شوي
ويسمونه برج العربيه
مشكوره حلت ايامك
:)
لا لا ياذا الأجنحة البيضاء .. المرأة عورة.. بكبرها .. فإذا نبي يسوون برج عربية ، أنا أقول يصبغون المبنى أسود ويحطون له برقع.. وهالمرة عيونها اللي كشافات على شان الطيارات
والا اشرايج يالمملوحة؟
تذكرت قصة وحدة أعرفها تقول أكو دكتور بالجامعة يعني ديّن فحتى ما يخلي البنات يسئلونه في الفاينل .. "أصواتهن عورة" .. من تسأل بنت يصرخ "لاااا إله إلا الله"..بس يقول حق رفيجتي اللي تراقب معاه في الامتحان.. شوفي شنو يبون وقولي لي .. هممم!! لولا إني أعرف البنت جان قلت مسترجلة والا شي ..ليش إهي يا خلاف صوتها مو عورة؟؟؟
لحظة.. أكو بنايات راقصة؟؟؟؟؟؟
ignore all that I said then!!
أهل فيلجا ما خلوا شي!
ANGEL HEART:
------------
البلد ما شاء الله في ازدهار مستمر
الله يهنيهم على نجاحهم
والفال للكويت
ايه والله العاصمه تفشل
Witty:
-------
ما شاء الله عليج ويتي خوش تصميم
يلا سوي دراسه وقدميها لهم وتصير خوش فكره
ايه والله ايه والله
اهل فيلجا ما خلوا شي
الله يهنيهم ويبارك لهم لانهم صج يحبون بلدهم وتقدمها
والاهم ان هناك ماكو شئ اسمه مستحيل
كل شئ ممكن ان يصير
بس الحين نحاسة الكويتين الدشداشة بزمه والا من غير زمه
بنت الشاميه:
-------------
والله ما فينا نحاسه والكويتيين خوش ناس بس طالعه علينا سالفة نحيسين
ايه والله ما عتده شي اسمه مستحيل
وكله غرائب وعجائب
الظاهر من الرسمه بدون بزمه
ههههههه
قبل ايام قرات موضوعا يتحدث عن ضياع الهويه الكويتية بصوره خاصه والهويه الخليجيه بصوره عامه
في تصميماتنا الحديثه للبيوت وللعمارات
قلما نجد بيتا او عمارة مصممه على النمط الكويتي القديم او الخليجي
وبعد ان قرات هذا الموضوع استمتعت بوجود بعض الافكار
ولو ان الشكل العام للمبنى لم يعجبني ولكني من المؤيدين لوجود هويتنا الكويتية او الحليجيه في تصميماتنا
barrak:
--------
معظم مبانيهم تصميماتها من بيئتهم او الطراز العربي
مثل مدينة جميره وغيرها من المباني
ما شاء الله تطوروا لكن ما نسوا هويتهم
ووايد يعتزون فيها
Post a Comment