Tuesday, January 30, 2007

هَزُلَت.... يابنات


يا جماعة شنو هاللي وصلنا له؟؟؟
شنو هالمهازل؟؟؟
"كيف تصطادين عريسا"
"هذا الكتاب يوزن ذهب"

الزواج يا جماعة قسمة ونصيب

واللي ما تتزوج ما اعتقد انها نهاية الدنيا

اشدعوه يا حافظ ؟؟

مسوين كتاب علشان تحدقين زوج ؟؟

لا واعلان في الوسيط

ومحتاج موزعين

والله فااااضين

ليش صار هالموضوع هو الشغل الشاغل برأيكم ؟؟

ما أقول الا لا حول ولا قوة الا بالله

والله يثبتنا على قوله الثابت


54 comments:

cosimfree911 said...

LAAAAAAAAAAA 9ej hathaa walaah mas5araa 9ara7aaa bs tabean al 9ej wedy agrah 3ashan laa yenga9 3ali oo et9eeednee wa7daa LOL
walaah aljahal moshkelaaa

the tooth.fairy said...

Aham shay enna al zawaj "aham" hadaf fi 7ayatik :P LOOOOL

elli katba/kateb il ketab 3induhum majmoo3at 3uqad nafseyya :P

tweety said...

لووووووووووووووووول

لأ لأ لأ هذا غلط هذا بلدنا ما تبيه ..شنو هذا !!!؟ لا وشبح العنوسة انزين حوت العنوسة ينفع !؟

اهم شي كيف تزيدين عدد خطابك !!!!؟

لا هذا لازم اشتريه انا ..بشوف الدرر اللي كاتبينها فيه اشلون وحدة اتزيد خطابها بالله تسوي مزاد والا شنو يعني !!!؟ الحمدالله والشكر

SAJA.S said...

شوفي اليوم كتاب شلون تصيدين المعرس ,.. باجر اشلون تييبين يهال عيونهم زرق وشقر واذكيا
الحمد الله والشكر ..
تنبط جبدب لما يقعدون يتكلمون عن العنوسه
يعني مثلا واحده صار عمرها 30 سنه .. قالوا ويييييييه مسكينه عانس . اتزين يمكن ما تبي التزوج زعندها هي صغيره على الزواج

ما اقول الا الحمد الله الشكر

nEo said...

اتوقع ان تعليقات البنات راح اتكون اكثر في هذا الموضوع


اكثر من الرجال

و ماراح يعجبهم

غريبة

:/

لو خاشة الرقم احسن

(كتبت البوست بنية صافية جدا)

:/

albandry said...

agool ma 7a6 ele3lan ella yadry ennah lah nasah


allah kareem
nas fathia

BaNgBaNg2 said...

هههههههههههههههههه
hahahahahhahah
والله اني ميته من الضحك عاد يريت بجريده سنعه
بالوسيط
ههههههههههههه
ويعطيج العافيه
وسن

Mamloo7a Q8ia said...

cosimfree911:
--------------
hala walla
long time no c ?!?!
sheft eshloon ???
mas5raaa ma ba3ad ha mas5ara
walla 5oosh fekra lazem tegrah 3alashan la ten9ad


the tooth.fairy:
-----------------
ee wallah 3uqad la lha awal wala tali

Mamloo7a Q8ia said...

tweety:
--------
هههههه
خوش تعليق
احلى شي حوت العنوسة
شفتي شلون يا وخيتي
والله هزلت
سخافة ما بعدها سخافة

Warda said...

هزولت

منو شاكي لهم الحال ؟؟

LOL

Mamloo7a Q8ia said...

Smile:
-------
الف الحمدلله والشكر
ينوا وقعدوا
مو عارفين شنو يسوون بحياتهم




nEo:
-----
اتوقع انهم راح يعلقون اكثر لأن الموضوع يهمهم
والله انا نقلت الاعلان نفس ما هو موجود في الجريدة
وراح عن بالي اخش الرقم
بس راح احاول اليوم

Mamloo7a Q8ia said...

albandry:
-----------
9aja walla
nas fathia

Mamloo7a Q8ia said...

BaNgBaNg2:
-----------
الله يعافيج
يا وسن
انا وايد بط جبدي على السخافة والتفاهة

Mamloo7a Q8ia said...

Warda:
------
هلا في وردة حبي
شفتي شلوووون
هزوووولت
مصخوها واااايد
خلوا البنات بحالهم
واللي تبي تتزوج تدور لها خطابة بدل ما تقعد تحدق لها زوج

Hitman1 said...

I'm interested to know what could be written in there. I mean what is the idiot author opinion on how to assist women catch a husband.

Do you remember the old kuwaiti series with so3ad 3abdullah and mariam el sale7 trying to catch 3abdelelhussain 3abdelretha ? :)

Mamloo7a Q8ia said...

hitman1:
--------
for sure you will find some silly things like him .
heheheh
yes i remember
its dars kho9o9i
may be he took his ideas from them

سالفة قلب said...

ماصدق..ماصدق
لالالالالالالالا
وافشلتاه
واعيباه
جذي صرنا؟؟؟

Mamloo7a Q8ia said...

سالفة قلب:
-----------
شفتي شلون يا سالفة يا غالية؟؟
يا للعار يا للفضيحه بعد
والله يستر من الياي

chatterbox said...

من صجهم هذيل؟؟؟؟؟
منو المتخلفة اللي راسها متروس عقد اللي راح تشتري هالكتاب؟؟؟؟

بعدين من قال ان الزواج اهو الهدف من حياة البنات؟؟؟؟
يعني اللي مو متزوجة مانها فايدة والا شنو؟؟؟
حمدلله والشكر على نعمة العقل
لووووووووووووول

Mamloo7a Q8ia said...

chatterbox:
-----------
والله ما ادري شنو الهدف من هالنوع من الكتب؟؟؟
انا دايما اقول الزواج قسمه ونصيب واذا ما تزوجت مو معناه انها انسانه ناقصه ولا فيها عيب
ويمكن تكون من احسن الناس باخلاقها وعلمها وتكون بأعلى المراكز
والف حمدلله على نعمة العقل
ومثل ما يقولون
العقل زينه وفاقدته حزينه

Kuw_Son said...

شفيج .. هذا كتاب أسرار الحداق الناجح .. شنو نوع الييم اللي تحطينه علشان تصيدين زوج يترس العين !!
الله أكبر !! بالله شنو تتوقعين هذا الكتاب يعلم البنات !!؟

nEo said...

ييم(طعم) الزوج معروف

موجود عند ماك بالفنار

:/

الحمد لله اني متزوج

Saakhir said...

ههههه
بصراحة العنوان جذاب

أنا شخصيا أود قراءة الكتاب، مبين عليه أنه ممتع، حلو أن الواحد يعرف كيف ينصاد
:)

وكلامج صحيح، جعلوا العنوسة شبحا مخيفا يهدد البنات، وهذا خطأ

Cr8ivia said...

والله عنوان يرفع الضغط
يفششششل
الزواج و السكينه و نص الدين
صار حداق و صيد!!

احسه تافه ماقدر اكمل صفحه منه

Mamloo7a Q8ia said...

Kuw_son:
--------
مافيني الا العافيه انشاء الله
الله يقطع الزواج الياي من الحداق
اعتقد الييم هيفاء وهبي
هههه
اشرايك؟؟؟؟
:)
والله يا خوي ما يعلمهم الا قلة الحيا

Mamloo7a Q8ia said...

nEo:
-----
هههه
اشدرااااك ؟؟؟
الله يتمم عليك ويخليكم لبعض




Saakhir:
--------
العنوان وانت الصاج كذاب
هل توجد طرق نصطاد فيها الزوج !!!؟؟؟
حسبي الله عليه
ههههههه
لا لا ما يصير تقراه بعدين تخرب على المؤلف
:)

ما ادري ليش صار شغلهم الشاغل الزواج؟؟؟

Mamloo7a Q8ia said...

Cr8ivia:
---------
اسم الله عليج من الضغط
انشاء الله يرتفع ضغط المؤلف

ايه والله يا وخيتي يفششل

والزواج قسمة ونصيب
مو صيد وحداق

bo9ali7 said...

LoooL
ya3ni mathalan shno aln9ay7 elli belktab???

Mamloo7a Q8ia said...

bo9ali7:
--------
i think sa5afat
like him ... elsa5eef
ya3ni bo9ale7 what do u think he will wriet in that silly book ????

3ateeja said...

ههههههههههههههههههههههههه
عجيب الاعلان
...جوابي عليج يقول يا وخيتي
من جعل الدنيا همه ...صارت همه
من جعل الزوج همه صار همه...
من جعل الوظيفه همه صارت همه...
بس الاعلان عجيب
كيف تصطادين زوج ....فار مو زوج
احطله شداخه
لووول
ولا صمغ وعليه جبنه

aaaaaa said...

السلام عليكم
:)

يعني ما ادري شعلق

هالموضوع جوانبه عديده

لكن لو ناخذه من جانب

مشكلة زواج البنات

او مشكلة العنوسه لها عدت اسباب

1- الشاب الي لاقي البنات الشينين يقضي عمره واهو معاهم وبعدين لمه يتزوج يتزوج وحده عمرها 22 مثلا ففي الفتره الي قضاها تخربط شوفو جم بنت عنسة

2- عدد البنات اكبر من عدد الشباب

3- اخذ مفاهيم الزواج بطريقه خاطئه


هاذي الاسباب الي احصرتني حاليا

مع العلم انه الاسباب لا حدود لها

Unknown said...

ما يبون موزع ووكيل معتمد بالكويت وناسة والله خوش كتاب
يا مملوحة
ترى الناس كلها قامت تلعب على هالوتر لان يدرون العنوسة مرتفعه
وفرص علشان يطلعون فلوس

Mamloo7a Q8ia said...

3ateeja:
---------
ايه والله الانسان يجيب الهم لنفسه
والله خوش فكرة الجبن والصمغ
ههههه
وايد عجيبه
:)

Mamloo7a Q8ia said...

انور عبدالله:
-----------
وعليكم السلام ورحمة الله وبركاته
شكرا على المشاركه الرائعه
فعلا الاسباب لا حدود لها ولكن هذا ما يؤدي لتاليف هذا النوع من الكتب الرخيصه
يعني البنت لو ما تزوجت وعنست لأي سبب من الاسباب ما اعتقد انه مشكلة لازم نلاقي لها حل ونسوي كتب تعلم شلون نصيد زوج؟؟؟؟؟

Mamloo7a Q8ia said...

mishari:
---------
ها مشاااااري ؟؟!!؟؟
شقصدك ما يبون موزع؟؟
شنو ناااااوي؟؟؟

حسبي الله عليهم عاد هذي سالفة ؟؟
كيف تصطادين زوجا ؟؟

Expatriate said...

Law of Demand and Supply
Simply put, an increase in the demand will raise the quantity produced/sold.

اللي مألف الكتاب هدفه الأول والأخير الربح .. وقبل التفكير بكتابة ثم نشر ثم الاعلان عن مثل هذا الكتاب اكيد حسبها المؤلف او المؤلفين من ناحية فرص بيع الكتاب ووجود جمهور يطلبون مثل هالنوعية من الكتب

فعلا لاحظت مؤخرا ان الشغل الشاغل للنساء والبنات في الكويت هو موضوع الزواج والعنوسة

معقولة ليالدرجة العنوسة مرتفعة بالكويت ؟

Purplecious said...

مع الاسف وصلنا لوقت صار فيه الزواج سلعه تباع و تشترى

و صدقيني أكيد عليهم طلب

مثل ما الخطابات عليهم طلب

و السبب

هو

تربيه البنت من لما كانت صغيره على ان الزواج هو مصير كل بنيه

و اللي ما تتزوج هذه طايح حظها

و لما تتزوجين سوي اللي تبينه مع ريلج

لما تتزوجين اشتري اللي تبينه

لما تتزوجين

لما تتزوجين

لما تتزوجين


صارت البنت تنطر الزواج بفارغ الصبر

و قبل العرس بيوم يقولونلها ترى الزواج مسؤوليه مو لعبه و من هالحجي

لما تنصدم البنت عقب الزواج

و تنهدم احلامها و امالها

و تقول ليت اللي جرى ما كان

طبعا ما اعمم بس هذه وجهة نظري

aaaaaa said...

اختي اساس المشكله الامهات

يعني الابنيه لو في احد اوجها جان راحت دورت على هذا الكتاب

او جان صار في رغبه على هذي النوعيه من الكتب

الام مدرسة ...

Mamloo7a Q8ia said...

Expatriate:
------------
ماني عارفه ليش صار شغلهم الشاغل الزواج بس انا اعتقد في نوعية من الاهل تشجع هالنوعية من التفكير
بأن الزواج هو كل شيء للبنت وهو اللي يفتح لها سبل الحياة
يعني اذا ما تزوجت تموت؟؟؟

Mamloo7a Q8ia said...

Purplecious:
-------------
ايه والله للاسف
واكيد ان الكاتب عارف ان في مثل هالنوعيات من الناس وألف وطبع هالسخافات واكيد عارف انه وراه مكسب
مثل ما قال أخوي
Expatriate

وفعلا يا اختي مثل ما قلتي
التربيه هي اللي خلت هالبنات
مذابح على الزواج والرياييل
وللاسف شوفي معدل الطلاق شلون عالي عندنا

Mamloo7a Q8ia said...

انور عبدالله:
-----------
صح السانك
فعلا الام مدرسة
وشكرا لتشريفك مدونتي ومشاركتك الجميلة

Anonymous said...

if the book does exist and is not a prank :P

then i say alot of ppl would buy it just to see whats written in it...

bas 3la fekra...wayed mokabreen 7ajem el moshkelah...chena ma fi ela cham kuwaitia mtzawjah....yuba banat el kuwait 3alihom high demand....el zeen 3endena wel sheeeeeen 7awaleeeeeeeeena :)

no offense to anyone of course :D

Mamloo7a Q8ia said...

ghasheema:
-----------
i wish its a prank

physio-80 said...

مرحبه
انا أول مرة أدش البلوق و بصراحه الموضوعات حلوة و يعطيج العافية
أما بالنسبة لموضوع الكتاب العجيب
انا أقول مو ناقص إلا يحطون سحب على البنات بعد
تزوج وادخل السحب
ترا والله هذي مهزله

Mamloo7a Q8ia said...

physio-80:
----------
اهلا وسهلا فيك
وشكرا للاطراء

شفت شلون ؟؟؟
للاسف وصلنا لهذي المهازل
حسبي الله عليهم

Witty said...

LOLLLLLLL Abbaih!!! hahahahahahahahahahahahaha

OK, I couldn't stop laughing LOOLLL

Salam 3alaikom hon :***

44 comments and am the last to comment? :( Sorry.. been very busy.. *hefff*

My comment is: Please buy me the book and I'll send you the money LOOLLLL I swear.. am not kidding hehe, lemme see what am I doing wrong.. o bajarba o bagoolich LOOOLLLL abbaih.. this is really hilarious! Sorry ya amla7 el banat.. I did find this amusing, not the least offensive hahahahahaha

Tell you what, am gonna give it to my friend as well. She's been described as (etkhare3 el reyayeel) men kether ma ehy tough .. she'll hate me for this LOLLLLL

MAMLOOO7A, AM NOT KIDDING ... pls pls buy it for me hahahahahahahaha

Witty said...

Back.. just read Hitman's comment. It was Dars Khosoosi (banat 3abdel ghani sharbat lol).. and I have the series. It was funny back then (still IS) but now it makes a lotta sense.. o ham.. hahahahahahahhaahha

Abbaih.. Thanxxx mamlo7a :*** I woke up today feeling miserable and feverish (guess I caught a cold) but you've made my day today with this post.. ahahahahahahhaha I Can't stop laughing wallah LOL

BUY ME THE BOOK pls hahahahah

Mamloo7a Q8ia said...

Witty:
------
هلا وغلا والله
وسلامات يالغاليه وما تشوفين شوحطي بالج على نفسج
وعساج دوم تضحكين ومستانسة
وبما انه ضحكج ووسع صدرج
صار لازم وضروري ادوره لج واطرشه لج

أقول ويتي الاخ قاعد يدور موزعين اشرايج؟؟؟؟
ههههههههه
يالمجرمه يوزي عن البنت
حرام عليج

Witty said...

Mamol7a :*
thanx ya galbi :D

بس لا لا .. ما أبي أوزع .. أهو بس نسخة وحده توسع الصدر كل ما ضاق خلقج (وديه الخياط.. ملّقت مو؟) أقصد نقرا الكتاب وماكو مانع نطبق خططه الجهنمية ..هاهاهاهاهاها

ياللا حبيبتي .. الشغل ناطرني والا بانزف .. ما يسوى عليّ .. وأنا أرد وأقول: كله من علا .. عيزنا وإحنا نطلب هالعلا ..

Great post as usual ;*

Mamloo7a Q8ia said...

Witty:
-------
ليييش؟؟؟؟؟
تأمرين أمر وكل ما ضاق طرشيه لنا نوسعه لج
هههههه
مافي ملاقه يا حبيبتي
وبعدين الله يهدا هالعلا اللي قاده تراكضين وراااها
وما عاش اللي يزفج
مشكوووووورة حبيبتي
:*

Breeze said...

@@
ما أقول إلا الحمدالله والشكر ثم الحمدالله و الشكر ثم الحمدالله والشكر !!!!!!!!

وإذا الوحدة ما إتزوجت شالمشكلة ؟؟؟؟

ترى لو تلاحظين العالم العربي إهوا إختلق مصطلح وسماه العنوسة !!! وصار المجتمع ينبذ أو يبدي يتكلم عن هالفئة وصارت محط أنظار وجنه مرض معدي لا بارج الله فيهم !!!

يا أخي يمكن البنية ما لقت نصيبها @@ ومن قال سهل إن الواحد يلقى نصه الثاني ؟؟؟؟؟؟؟؟

يبة مو شرط أتزوج !!! الواحد متى ما بغى ربه بيسهل عليه .. إشهالحجي .. والشرهة مو علينا الشرهة على المتخلف اللي كاتب الإعلان

..

لوووووول طمــــاشــــه

:Pp

Mamloo7a Q8ia said...

Breeze:
-------
ايه والله الف الحمد لله والشكر
ما أدري ليش شايلين هم البنات يبونهم لازم يتزوجون بأي طريفه؟؟؟
ماكو مشاكل في الدنيا الا الزواج؟؟؟
يا ليتهم يفكرون بأشياء تفيد مو هالخرابيط
ايه والله طماشة

barrak said...

اعتقد هذه المشكله بدت تظهر بعد تقرير وزارة التخطيط السابقه
خيث ذكرت ان نسبة الاناث بالنسبة للذكور تساوي 4 الى 1

Mamloo7a Q8ia said...

barrak:
-------
والله يا خوي يا براك الجماعة مو ناطرين تقرير
هذا ولله الحمد الشغل الشاغل لهم