ولهااااانه عليكم واااايد
لظروف مرضيه وعقبها مزاج قرنبيطي بالاضافه الى التقلقص في القوري
الرجاء قراءة قاموس مملوحه للكلمات المفصوحه لفهم معاني الكلمات السابقه
ابتعدت عن الكتابه واكتفيت بالمرور والتعليق على مواضيعكم والتطمن عليكم
ومع هالجو الحلو.. تعدل المزاج وقررت اكتب من جديد لاتواصل معكم يا الغاليين
ما تتخيلوووون شكثر ولهانه عليكم
طبعا انتو تدرون اني من عشاق الشتا والبرد
والجو هالايام عامل عمايله فيني وخلى فيني نشاط وحيويه
خاصه بعد الخمول اللي حاشني من شهر اغسطس الحار
اللي فيه يوم مولدي واللي السنه صار فعلا يوم ولاده جديده لي
بفضل الله سبحانه وتعالى ولطفه فيني
كنت والله حفظني راح اروح نتيجه تشخيص طبي خاطيء
من دكتور في مستشفى الموت ... قصدي مستشفى مبارك
رحت المستشفى الفجر مع اخوي الغالي الله يحفظه
وانا شبه مشلوله والتشخيص من الدكتور ان فيني التهاب
العصب السابع ( بو الوجوه) وطبعا اللي فيني كان لا بوالوجوه
ولا بو حمير اللي فيني كان جنطه هههه.... قصدي جلطه خفيفه في
الراس وسبحانه ربي اعلم بضعفي سالت بروحها
ولولا لطف الله جان علووووم
حسبي الله ونعم الوكيل فيهم
المهم اني تعافيت منها بعد دخولي الى مستشفى خاص
وعمل الفحوصات اللازمه والتاكد واخذ الادويه
ودخلت لكم في طور اكتئاب ومحاتاة
وعقب فترة رجعت مملوحه طبيعيه بعد ان وكلت امري لله
ولكن رجعت في شهر اكتوبر ودخلت المستشفى مرة ثانيه
للفحوصات والتأكد بعد ان حسيت بالتعب مره ثانيه
والحمد لله على فضله ونعمه كل شي كان سليم و رجعت لكم
وكلي وله وشوووق كبيييير يا احبابي الغالييين
والحين عرفتو الاسباب اللي بعدتني عنكم
واعذروني على التأخير والتقصير
وعساني ما افارقكم من شر
وان شاء الله راح اكتب لكم تفاصيل العذاب في مستشفى مبارك
23 comments:
الملح وقبله
الحمدالله على سلامتج
وولكم باك
والله عداج الشر من هالمستشفى الجهنمى
لا حول ولا قوه الا بالله
انا من زماان امسمييته مستشفى الموت
كله تجارب بتجارب والداخل مفقود الا من رحم ربى الشكوه لله
خطاج السو وكله على اجر يا مملوحه
:*
il7imdillaaa 3al salamaa .. ajir o 3afya yarab
mostashfayatna o a6ibatna kilmalhumn lil7atheeth :/
ilmuhum rabi gawwemach bilsalama il7imdilla
charisma:
---------
هلا بضحكة القلب
الله يسلمج وخطاج اللاش
مشكوووورة يالغاليه والحمدلله على كل الاحوال
اي والله انه مستشفى الموت الله لا يحوجنا لهم
Cr8ivia:
--------
الله يسلمج حبيبتي ويعافيج
عساج ما ترين مكروه في غالي
اي والله صدقتي للحضيض
والحمدلله على كل الاحوال
سلاماااااااااات وما تشوفين شر ...
لاباس عليك طهور انشاء الله
وامه وعدت
عشان ترجعين املح وابدع (مبدعه )
واقوى من قبل
ربي يلبسج لباس العافيه دوم
ودمت بخير وعافيه وناطرين التفاصيل
خطاج السو واجر وعافيه انشالله
ولكم باك :)
والله ما تستاهلين
الحمد لله على السلامة
وحافج الله في كل وقت ومكان
ما تشوفين شر يالغالية
تعالي عندنا
راحة واستجمام
بس لبسي كمبل مع كبوس
الجو عندنا برد ومطر
موفقين
i like the picture on top :)
فنر :
-----
الله يسلمج ويحفظج من كل شر
مشكورة حبيبتي على هالدعوات
Eng_Q8:
-------
خطا ولا يصيبك يا خوي
والله يعافيك
ثانك يو
فريج سعود:
----------
الله يسلمك من كل شر يا وخيي
ManalQ8:
--------
الشر ما يجيج حبيبتي
والله جونا هالايام ما ينطلع عنه
لابسين كنابلنا وقاعدين
مشكوره يالغاليه على الدعوه
الاستاذ بلاليط:
-------------
الشر ما يجيك ياخوي
مشكور ويحفظك من كل شر
Organic Kuwait:
---------------
thanks
سلامات ماعليج شر ان شالله
على طاري المستشفيات والمستوصفات هذي معاناة كل كويتي شيخلون وشيصلحون
الديرة كلها مال شلع وتركيب من يد ويديد
قاموسج صراحة شي, صكيتي على سقراط
يااااا بعد روحي والله
سلامات سلامات
غدا الشر من بعد السخونه
!!
واي اقرا وقلبي يعورني
صج صج فقدتج من قلب ولا كنت ادري شنو بالضبط فيج بس ربي اعلم من قريت مرة انج كاتبه انج تعبانه وانا قلبي عندج وادعي لج
ازمه وعدت
ربي يمتحن صبرج وقوتج
وان شاء الله كل تعب بأجره
والف الحمدله اللي تطمنتي وطمنتينا
عسى الرحمن يحفظج ويحفظ اخوج وأهلج وكل غالي يحبج
:**
ولو سمحتي لا تطولين الغيبه مرة ثانيه
هالمرة عذرناج
نوبه ثانيه ما راح نرضى
لا تطبين بالقوري
ولا مزاج مادري شيسمونه
دام هالبريدات الحلوة موجوده
والجو عليل
فنتمنى ما نسمع عنج الا كل خير ولا تقطعينا
:))
جنون احساس :
-------------
الله يسلمج حبيبتي
والشر ما يجيج يا رب
صح لسانج يبيلها شلاع من العرج واعادة تركيب
هههههههه
اخجلتي تواضعنا
شفتي شلووون ؟؟؟؟
;)
esTeKaNa:
---------
يااا بعد عمري انتي
الله يسلمج ويحفظج من كل شر يا رب
اسم الله على قلبج
وعساج ما تفقدين غالي
لا ما في غياب ان شاء الله
وما راح اطب في القوري ولا مزاج اللي ماتدرين شيسمونه دامج معاي وتسألين عني
بعد اكو اي اوامر اخرى يا استكانه يالغاليه لان طلباتج اوامر
خطاج الشر يا مملوحه
اجر وعافيه
وان شاء الله المزاج دوم 100
واخر تكييف مع الجو :-)
الحمد الله على سلامتج وماتشوفين شر وخطااج السو
تو ما نور المكان الله يحميج ويحفظج ويخليج
ما لقيتي إلا مبارك؟؟
ناطرين جديدج
layal:
------
خطا ولا يصيبج حبيبتي
ان شاء الله ومودكم يا رب
Sara:
-----
الله يسلمج حبيبتي
منور باهله يالغاليه
شسوي اخوي اللي وداني وانا ما كنت اقدر اتكلم علشان ارفض انه يوديني مبارك
Post a Comment