من بدايع الكويت 2008
من بدايع مستشفياتنا في الكويت
2008
**************************
صديقه عزيزه مصابه بورم سرطاني بالغده
(الله يكافينا وياكم الشر)
يحددون لها العمليه لإستئصاله يوم الاربعاء صباحا
تدخل مستشفى حسين مكي جمعه يوم الثلاثاء بالليل
وهي بأسوأ حالاتها النفسيه من الخوف طبعا
وينومونها بالغصب بحبة فاليوم
ويقعدونها الاربعا الساعه خمس الصبح
ويسبحونها ويعقمونها ويجهزونها للعمليه
ويلبسونها لبس العمليات ويعطونها حبة مهديء
وقبل موعد العمليه بقليل .....ء
يقولون لها السسترات: خلااااس إلبس هدوم روووه بيت ؟؟؟؟
دكتور ما في فيه هداد ؟!؟!؟
تآل يوم اهد بالليل امليه يوم اثنين سووه ؟؟؟؟؟؟
لاااااااااااااااااااااااااااا تعليق
****************************
صديقه ثانيه زوجها مصاب بمرض السرطان
شفانا واياكم من جميع الامراض
متعالج في مستشفيات فرنسا
ورجع الكويت يكمل علاجه الكيماوي
حتى يكون بقرب عائلته واولاده
يحتاج كل اسبوع ياخذ ابره من العلاج الكيماوي
ولما راح مستشفى حسين مكي جمعه عشان
ياخذ الابره يقولون له مافي اطباء الكل في حداد
لااااااااااااااااااااااا تعليييييييق
***************************
تورم ريلي فجأه وبدون مقدمات يوم الثلاثاء العصر
وألم شديد في القدم والركبه واتصل في دكتوري
في مستشفى خاااااااااااص
واخذ موعد من السكرتاريا حق يوم الاربعاء صباحا
ويتصلون فيني الاربعا الصبح يلغون الموعد
ويقولون الدكتور ما داوم و راح يداوم يوم السبت بعد الحداد
لاااااااااااااااااااااااا تعليق
******************************
يا ربي لا تعوزنا إلا لويهك الكريم
الله لا يعوزنا حق دكاترة العازه
حسبي الله ونعم الوكيل
35 comments:
Hello, Mamloo!
I loved this post.
Have a nice day
لا حول ولا قوة الا بالله
يعنى الطب مهنه انسانيه قبل لا تصير وظيفه ، يعنى هذا الدكتور شلون طاوعه قلبه يترك مريض كانسر اليوم الى يحتاج للدقيقه فى علاجه مو يوم كامل
هذا يا مملوحتى من ردا مستشفياتنا والى فيها
ما ادرى لى متى هذا حالنا والله شى يحر ويعور القلب
الله يشافى كل مريض
شنقول غير حسبى الله ونعم الوكيل
تخلّف
الله يرحمه
بس عيب يعني يستغلون الحداد على حساب صحة الناس
لا حول ولا قوة الا بالله
قمة الاستغلاليه حق الحداد
!!
يعني هذي اشيا مهمة
ضروريه
استثناء على كل شي يصير بالبلد
صحة الناس تتأثر بالوقت والثواني
:(
اخييه يا ديرتي
!!
انا بعرف منو الاهم،، الجمعيات والخبابيز والا المستشفيات؟
لا حول ولا قوة الا بالله
هم يضحك ،، وهم يبجي
كل مافيني يحب هالديرة ،، الشكوى لله
ما تشوفون شر إن شاء الله
لا اعلم ما علاقة فترة الحداد .. بوظيفة انسانية يجب ان تستمر على رغم جميع ما يحصل حالها حال الشرطة او المطافي و رجال الانقاذ ما ادري شلون بعض الناس تفكر؟؟
الثائر
حبيبتي انتي ... سلامتج من المرض
شلون ريولج الحين؟
استغفر الله هالمرض صاير جنه نشله بالدرية
الله يشافيهم و يبعد عنهم كل شر و يصبرهم الشي مو سهل
:(
و المستشفيات استغفر الله تلوع الجبددددددددد اكرهم اكهم اكرهم
لوول اهم شي اني عصبت
انتي طمنينا عليج يالغاليه انشالله ريلج احسن؟؟
salamz sis...
david santos:
--------------
thanxs
charisma:
---------
هلا والله بضحكة قلبي
شفتي شلوووون؟؟؟
يعني يموت المريض والاخ ولا عليه
كلنا حزينين لفقدان الاب الغالي الامير الوالد
بس في بعض المهن لازم يكونون متواجدين مهما كانت الظروف
مو ماخذين اجازه وقاعدين في البيت ويستغلون فترة الحداد ومنهم الاطباء
المرض والعمليات تتأجل لهالاسباب
لكن شنقووووول؟؟؟
حسبي الله عليهم
Q8 chili:
---------
قمه في التخلف
والله يستر علينا
Mr_CHoCoLaTe:
-------------
اي والله عيب
هذه مهنه انسانيه
وهذي مناسبه حزينه عيب استغلالها بهالطريقه
الشكوى لله
esTeKaNa:
---------
آااااااه ثم آاااه
شقول يالغاليه قولي لي شقول؟؟؟
حسبي الله على هالناس
اللي بدون ذمه ولا ضمير
:''(
Solaiman:
----------
اعتقد اذا مانب غلطانه الجمعيات والخبابيز اهم في ديرتي
الكويت يا وخيي الغالي
عوااااااااااااار قلب
نحبها ومانحب ديره غيرها
ومثل ما قلت الشكوى لله
Kuw_Son:
---------
الشر ما يجيك ياخوي
بركان:
-------
والله ما ادري يا وخيي
تفكر باجازه 3 ايام واللي يموت يموت واللي مريض يتعذب وهو مرتاح
وسلامتك
Alia:
------
هلا وغلا
حياتي انا الحين
وايد احسن الحمدلله
ولهانيييين
5roofa:
-------
اي والله منتشر بطريق تخوف
الله يسلمج حبيبتي
عوااااار قلبي يا حبيبتي
لا لا كلش ولا تعصبين
انا الحمدلله واااايد احسن
الم خفيف اقدر اتحمله
احسن من اول بوايد
ما شاء الله على الوطنية
ولو تسألينهم، نصهم ما يعرفون ان الشيخ سعد رحمه الله حتى كان رئيس وزرا
بس "الهداد" راحة
:)
والست ديللي قاعدتلي بالقوري
هذا القوري سالفتج انت، صح؟
يلا امشي خل نطلعها
:)
White Wings:
-------------
اي ذكري الله لا تحسدينهم على وطنيتهم الطافحه عن الحد
اي والل اي والله
بس الاجازه حلوه
اي اشوفها ومتقلقصه بعد
اي سالفتي بس انا خليت قاموسي مجاني للبلوقرز حبايبي وهي تموووون
ان شاء الله نطلعها منه
حالهم صعب دكاترة هالبلد ولا اقرو لهم الكادر على شنو مادري ؟؟
نفسياتهم الزفت ولا خدمتهم الازفت
لاحول ولاقوة الا بالله العلي العظيم
يعني اللى اعرفه انهم لازم يداووون المرضى حتى لو كنا بعز الحرب لان اهم اطباااء
لاحول ولاقوة الا بالله
الله يشفي جميع المرضى
شهالخبال
يعني الناس اتموت الانه الدكاتره بحداد
الحزن عمره ماكن بالعطله الحزن بالقلب
بس اهما يبونها من الله
ماصدقوا لقولهم حجه عشان مايداومون
الله يمشينا بالعفو و العافيه ولا يعوزنا حق هالدكاتره
ويشفي مرضانا و مرضاكم و مرضى المسلمين
حبيبة قلبي مملوحة
ما تشوووووووووفين شر
سامحيني يالشيخة على الغيبه
والله مو بيدي
مريت اسلم
بحفظ الله
الف لا باس عليج
وماتشوفون شر ان شا الله
واجر وعافيه
حساه فيج يا وخيتي
وهذا محور جديد ظيفيه للنائب الفاضل المتكفل بقضايا الصحه د.وليد الطبطبائي
مرفق معاه اسمج ورقم تليفونج وان شا الله ما يخيب ظنج مو علشانج بس
علشان هالديره
Nachla:
-------
صعبه وبس
الا ميئوس منها
اذا هم بهالسوء ويكافئونهم
شتتوقعين منهم؟؟؟
Shaima'a Alkandari:
---------------------
اي والله
لا حول لنا ولا قوه الا بالله
الله لا يحوجنا لهم
ويشافي مرضانا ومرضى المسلمين
اللهم آمين
الخيلاء:
--------
اهو خبال هو جنون اهو مادري شنو؟؟؟
عندنا وفي بدايعنا تموت الناس بسبب الحداد
الله يبعدنا عنهم ولا يعوزنا لهم
اللهم آمين ... اللهم آمين
Vancouver:
----------
هلا وغلا
هلا فيج حبيبتي
الشر ما ييج يا رب
بعد عمري على طول مسامحتج
ان شاء الله تعدلت الامور وخلصت الامتحانات والدراسه؟؟
وعليكم السلام ورحمة الله وبركاته
مشكوره على هالطله السريعه
حافظج الرحمن
3ateeja:
--------
مشكوره حبيبتي
والشر ما ييج ان شاء الله
والله يعافيج من كل شر
ولا يا وخيتي الشكوى لغير الله مذله
ومتنا واحنا نشتكي وما من مجيب
ما اقول الا الله لا يعوزنا لهم
عزيزتي مملوحة
الناس فيها فوبيا من هالامراض وانت قاعده تسطرينها:)
لو قايلة امراض بسيطة افضل
وتسوين نفس القصة
:)
mok:
-----
عزيزي موك
كلنا ما نحب هالامراض ولا نتمناها لأحد
بس هذي قصص حقيقيه مو انا مألفتها عشان اختار نوع المرض ؟؟!!؟؟
واسفه اذا ضايقتك بقصصي
محشومة مملوحة انا ما اتهمج ان القصص من تاليفج
القصد من كلامي بدلا من ان تقولين سرطان قولي عملية بالقلب او في الحنجرة:)
لا ما تضايقت بالعكس ولا يهمني:)
بس في ناس تتضايق
Post a Comment