الشوق جابني

حبايب قلبي اصدقائي المدونين الغاليين

اعتذر لكم عن انقطاعي عن التدوين هالمده الطويله

والله كنت وايد مشغوله وتبوأت مناصب كثيره في هالفتره

(حلوه "تبوأت" وزيره ما شاء الله علي)

اول صرت لمدة شهر تقريبا منسقة حفلات اعراس

كان عندنا زواج اخوي الغالي وانا المسئوله عن الاستعدادات كلها

وعقب الله يسلمكم ويسلمني تحولت بقدرة قادر الى مقاول

لتجهيز شقه المعاريس

وطبعا هذا بحد ذاته يشغلني 24 ساعه في اليوم

وما تصير الساعه عشر الا مافيني عرج ينبض

وناهيكم عن النجره

(ما ادري شسالفتي مع الكلمات الفصحى )

مع معلم الادوات الصحه والصباغ والنجار ومعلم البورسلان

يستنفذ طاقتي كلها ويصير مالي خلق اسوي شي

(ههههه انا مو ذابحني الا هالكلمات اللي باللغه الفصحى)

الظاهر قاعده اجهز نفسي للوزاره

وعقب بعد خذيت منصبين ثانيين بس ماني قايله اخاف تنظلوني

(ههههه سبع صنايع والبخت ضايع)

المهم ما اطول عليكم الحين الحمدلله تفرغت لكم وراجعه لكم

وكلي شوق ووله مع انكم ما غبتم عني

كنت اتابعكم واقرا لكم واعرف اخباركم بس مع المشاغل

اللي ذكرتها ما قدرت اتواصل معاكم عدل

بس يلا تزهبوا كاني رديت مملوحه الاوليه

وان شاء الله ما اغيب عنكم مره ثانيه

الا اذا .......؟؟!!؟؟

V
V
V
V
V

طلبووووووووووووووني للوزاره