قواعد
للقلـوب قواعـد خاصـة
----------------------
لكل شيء في هذه الحياة قواعد وأسس
فالقاعدة أشبه بالقانون
فمثلما للحياة ضوابطها أيضا لأساليبنا وسلوكنا ومشاعرنا قواعد
منا من يحبها ويفضلها ومنا من يمتنع عن الأخذ والرد بها
********
الفتحة
-------
نحن دائماً نفتح قلوبنا لمن نعزهم ولهم مكانة غالية في قلوبنا
كُنا نطمع بأن نعطيهم الجميل على قلوبنا حتى تنبسط وتقر عينهم
لانريد سوى الفرح والابتسامة تلازمهم وإلى الأبد
*******
الضمة
-------
نعيش حياتنا حتى نضم أروع الذكريات التي عشناها مع
أخوتنا وأصدقائنا نضم بها حنان ألأم و عطف الاب
نضم تلك الأماني الرائعة ونضم سُكر أحلامنا المجنونة الصغيرة
*******
الكسرة
-------
تتحدانا الحياة بمرارتها لننكسر
نقف من جديد ننظر لشروق الشمس
نراه ونتمعن بمنظره الساحر
نراه ببزوغة القوي يواعدنا ويهمس لنا
ليقول: سأعود فلن يكسرني ذاك الظلام
لاتكسرنا أصعب الأشياء مهما كانت قوتها
*******
الشدة
-------
نلتفت إلى اليمين لنجد من يسندنا
ليشدنا بألطف كلمات المؤازره
ونلتفت من يسارنا لنجد من يمد لنا يده بعون وإخلاص
مشاعر دافئة وصادقة توشحت وتعطرت بالوفاء
يفوقها شعور أصدق هو أن ننظر إلى الأعلى لنمد كفينا إلى الله بالدعاء
*******
السكون
--------
يسكنون في أعيننا
ويسكنون في قلوبنا
ويسكنون في روحنا
ومن يسكن القلب صعب أن يخرج منا
لا نراه إلا في عيون قلبنا
ولا تتغنى روحنا إلا بأسمائهم الوفية
*******
منقول من: طـارق فـاروق
35 comments:
:) سلمت يداك
بس هم الثقة الزايدة اللي تعزينهم مو زينه :)
الله يا مملوحه على هالاختيار
السكون
من يسكن القلب صعب ان يطلع منه
ذكرتينى باغنيه لعبدالمجيد
يقولج
ساكن القلب لاتحمل هموم .. دامني لك ف هالدنيا عوين
اييه يا مملوحه
بس فى ناس ادخلينها قلبج ويجرحونج بالصميم ويطلعون مع ترك اثر كل ما ذكرتيه نبش الجرح
:(
نقف من جديد ننظر لشروق الشمس
نراه ونتمعن بمنظره الساحر
نراه ببزوغة القوي يواعدنا ويهمس لنا
ليقول: سأعود فلن يكسرني ذاك الظلام
لاتكسرنا أصعب الأشياء مهما كانت قوتها
هذى الفقره عجييبه
نومت العافيه ادرى انج نايمه
:*
ينفع نضيف قاعدة يديدة؟
حذف حرف العلة
مثال
الانسان مجزوم بالحب وعلامة جزمه حذف حرف العلة
اللي يعل قلب المحبين
:)
ودمتم بحب وود
Mok:
----
الله يسلمك
ليش ؟؟ ليش؟؟
لا والله الا ثقتي فيهم فوق ما تتصور
وكل اللي يجيني من اللي اعزهم
زين وفوق الزين
charisma:
---------
هلا في ضحكة القلب
:))
اسم الله على قلبج الطيب
اللي يجرحج تركيه وربي حسيبه
اي انا مثلج حبيت هالمقطع واااايد
يعافي قلبج حبيبة قلبي
:**
sologa-bologa:
---------------
حيا الله اخوي الغالي
ضيف ياخوي على راحتك
اي والله خوش اضافه
ما نبي شي يعل احد
:))
مشكور على هالاضافه الحلوه
ايهبل
اعجبتني كل الحركات خاصه السكون
:)
الخيلاء:
------
هلا والله
والله انتي اللي تهبلين
:))
الحمدلله عجبتج ونستيني
السكون صج صج عجيبه
:)
تسلم ايد الي حاطتهاا
لوول المرة اليايه درس بالانقليزي بليييز
تدرين احنا كلش مو راعي الكسرة و الشده لوول
:p
لا تبطين علينا بالبوستات خيتووو و طمنينا عليج انشالله صرتي احسن
salamz sis....
ممتع التجوال بين قواعدك اخيتي مملوحة
نحتاج المزيد من هذه الكلمات التي تعيد الينا الهدوء
5roofa:
-------
هلا والله حبيبتي
تسلمين يالغاليه
ان شاء الله
وطلباتج اوامر
ما راح ابطي كلش
وانا ولله الحمد باحسن حال
مشكوره وايد على السؤال
عثماني:
-------
مشكور يا وخيي الغالي
والله من ذوقك الراقي
اي والله نحتااااج الهدووووء
ما شاء الله
احلى درس نحو وقواعد
سلمت يداك
:)
استخدام جميل جدا لعلانات التشكيل العربية :)
شكرا لك
ومن يسكن القلب صعب أن يخرج منا
لا نراه إلا في عيون قلبنا
ولا تتغنى روحنا إلا بأسمائهم الوفية
الله
وايد حبيت السكون
مشكوورة مملوحة
وايد حلو البوست :)
ManalQ8:
--------
تسلمين حبيبتي
من ذوقج الحلو والله
Kuw_Son:
---------
كل الشكر لك يا خوي
على مشاركتك الحلوه
Najmah:
--------
اي والله صعب يخرج منه
الله على اختيارج الحلو
حبتج العافيه والله
وجودج الاحلى حبيبتي
القلب شغال نص دوام عندي
كلام حلو..القلوب اسرار ويبيلها مفاتيح :)
أنت قاعدتك السكون
تدخلين القلب وتسكنين الى الأبد
:*
ياسلاااااااااااااام!
روووووعه وربي روعه يا مملوحه
;**
يسكنون في أعيننا
مملوحه
ضربتي علي الوتر وكانج تقرين الي بقلبي
صج صعب نسيانهم
صعب العيش بدونهم وان رحلوا عن عالمنا الي عالم آخر
ونسيانهم صعب أكيد
أكيد
ويسكنون في قلوبنا
ويسكنون في روحنا
ومن يسكن القلب صعب أن يخرج منا
لا نراه إلا في عيون قلبنا
ولا تتغنى روحنا إلا بأسمائهم الوفية
ButterFlier:
------------
ليش يا وخيي؟؟
ليش نص دوام ؟؟
kazmawy:
---------
ذوقك الحلو يا خوي
اي والله يبيلها مفاتيييح
White Wings:
-------------
بعد عمري اخجلتي تواضعي
:**
والله انتي اللي تدخلين القلب
وتقعدين فيه وتتربعين بعد
RelaaaX:
--------
هلا هلا في ريلاااكس الغاليه
يا سلاااام على طلتج الحلوه عندنا
وجودج عندي اليوم هو الاروع
:**
صبا:
-----
ما ادري شنو اقول؟؟؟
غير الله يرحم موتانا وموتاكم وموتى المسلمين
وفعلا لا يمكننا نسيان من احببنا بسهوله
حلو البوست
وقواعده وايد حلوة
ياليت درسونا وفهمونا ياهم عدل بالمدرسة
على الأقل أحسن من قواعدهم هذيج
اللى ما تفيد بالحياة الاجتماعية
روووووووووووووووووووووعه
ابداع الصراحه
حده مبدع الكاتب
وانتي مبدعه باختيارج الموفق
يعطيج العافيه
Aldenya:
---------
مشكوره حبيبتي ذوقج الاحلى
اي والله صاجه وخاصه اني كلش ما كنت شاطره بذيج القواعد
ياليتهم معلميننا هالقواعد الزينه
ShaLaLat:
----------
اي والله ما شاء الله عليه
خلى القواعد لها معنى
مشكوره حبيبتي من ذوقج
والله يعافيج يا رب
خوش حصة عربي
فتى الجبل:
---------
حيا الله وخيي فتى الجبل
اشوا عجبتك الحصه
:)
Post a Comment