السلام عليكم يا حبايب قلبي الغالين

صباح الخير والصحه والعافيه والمطر العجيب

من وصلت والمطر والخير بزياده عسى ايامكم

كلها خير وصحه وعافيه ورزق وفير

وعسى الله يبعد عنكم المرض والهم والضيقه

**************

رجعت يوم الاثنين بعد عمل الفحوصات وتبين

ان أغلب الفحوصات اللي سويتها بالكويت

عقب الجلطه غلط والتقارير ناقصه

" صج فشلوني جدام المملوح الامريكي د.جوزيف"

سنه ونص وأمراض قاعده تزيد في جسمي وكل ما شكيت

قالوا ماكو شي وهذي تهيؤات وأوهام

وخلوني أحس إني مريضه بالوهم والخوف

*****************

بس سبحانه ربي لطيف بعبده

سهل لي أمور السفر

وسخر لي هالدكتور الشاطر اللي عطاني تشخيص

لكل ما أحس فيه وخلاني أتطمن وأعرف شنو علتي

حتى لو كانت الأمراض اللي أمر فيها مو شي سهل

لكن على الأقل عرفت شنو فيني

وإني مو قاعده أتوهم

*******************

أنا الحين راضيه بالأمراض التي لا يملك

داءها ودواءها إلا الله - سبحانه وتعالى

"واذا مرضت فهو يشفين"

والحين أنا في فترة تجربة الدواء لمدة عشرة أيام

وعقبها عندي مراجعه لمعرفة تأثير الدواء

**************

إدعوا معاي إني أستجيب للدوا

ولا أوصل لمرحلة العمليه

وعسى ربي يشافيني ويشافي جميع مرضى المسلمين

*************

من كل قلبي شاكره لكم اهتمامكم ودعائكم

تعليقاتكم أثرت فيني وايد والله لا يخليني منكم

سامحوني على التقصير

بس إن شاء الله اصير احسن ارجع لكم مملوحتكم اللي تعرفونها

وعقب يا خوفي لا تقولون لي بس ذبحتينا بوستات وتعليقااات

:)