قلبي ياللي .....ء

قلبي اللي لواه من الصواديف لاوي

جرحته الليالي والحظوظ الرديه

........................

اي والله لوته الصواديف وجرّحته الليالي بعد

:(

طول عمري شايله هم الناس والدنيا

افكر في نهاية كل يوم عسى ما كدرت احد بكلمه

وعسى كل اللي حولي راضين عني

احاتي الكبير والصغير والناس كلها

اعيش مع هموم اللي دار مداري وأخفف عنهم

وأتأثر معاهم ويصيبني الهم والكدر

!!!!

كل اللي يعرفني يعرف اني اتسخر للكل

واحط الكل قبل نفسي ولا يهمني التعب

ووايد مهمله نفسي ....ء

بس هالشي بسعدني شسوي ؟؟؟
.
.
.

متعتي اني أسعد اللي حواليني

وألبي لهم كل اللي يبون

ما أحب اقول حق أحد لأ ولا تعبانه ما أقدر

.
.

صفّعتني الدنيا خوش طراقات وصدمتني لياليها

وكل مره أطوف و أسامح وأتغاضى وأدوس على قلبي

وأصير الأحسن !!؟

الدنيا زايله وانا أ سوي اللي يرضي ربي وينفعني بآخرتي

.......................

قبل اسبوعين سويت مصالحه

مع كل اللي أعرفهم

وتصافيت مع روحي وأرضيتها

إتصلت في كل اللي أعرفهم

اللي أنا زعلانه منهم

واللي صار لي فتره منقطعه عنهم لظروفي الصحيه

واللي هم منقطعين عني

..

..

البعض وايد استانس من مكالمتي

واستمتعت في ردة قعله

:)

والبعض ضايقته مكالمتي ورد ببرود

والبعض استفسر عن مرضي وسأل

والبعض كان بين هذا وذاك

ما همتني والله ردود الأفعال في لحظتها

لأني كنت في حالة صفا مع نفسي

وسعيده ومستانسه في اللي كنت أسويه

وارتحت وارتاحت معاي نفسي وروحي

:)

وأرجع مره ثانيه لعوايدي اللي ما أعتقد بتتغير

وأبدي افكر بردود الافعال مره ثانيه وأحاتيهم

وأحط اللوم على نفسي بعد

@@

ما أريح نفسي وأرتاح

وأرجع اتعبها مره ثانيه

ويزيد الألم في قلبي

وترتفع معاه نبضاته العاليه والمؤلمه

حتى وصلت لهالمرحله

.......................................

المملوح الأمريكي في أول فحص

وعقب ما سردت له أختي الغاليه تفاصيل حياتي

قال لي : يا مملوحه حاولي تحبين نفسج اكثر

ولاّ راح تهدمين صحتج أكثر وبسرعه

حاولت بس ما قدرت

مو طبعي اني احب نفسي

................................

ماني قادره انام من القلق

صليت الفجر ولحد الحين ما نمت

ساعات وأروح المستشفى

ودقات قلبي متسارعه أكثر من الأول
.
.
أوقفت الدواء فجأه

مع ان هذا الدواء يجب ان يوقف بتدرج

وزادت الرّقعه "تقول سمرة شباب في قلبي"ء

بس لأن الدكتور يبي هالسمره بقلبي

يقول وده يشوفها اليوم في القسطره

@@

........................................

صار لي جم يوم من قررت اسوي عمليتي

وأنا هالأغنيه لاصقه في لساني

العمليه جدا بسيطه في القلب

الكل قال لي انها سهله

اللهم لا سهل إلا ما جعلته سهلا"

فإنك تجعل الحزن إن شئت سهلا"ء

ومافي داعي للخوف والقلق

وراح أسوبها اليوم إن شاء الله

عن طريق القسطره والمنظار

بس فيني خوف مو طبيعي

ما أدري ليش؟؟؟

يمكن تجربه جديده مجهوله ؟؟؟؟

وانا عندي فوبيا ضد المجهول

ادعوا لي الله يسهل الأمور

وتمر هالعمليه بسلام

سامحوني وحللوني اذا ضايقت أحد ولا كدّرته

برد ولا تعليق ولا بوست انا كتبته

اللهم رب الناس ، أذهب البأس ، أشفني أنت الشافى

لا شفاء إلا شفاؤك شفاء لا يغادر سقماَ

اللهم آمين

.................

راح أغيب عنكم أسبوع

"مع إني غايبه عنكم من فتره"

يومين راح تكون في المستشفى

وعساها ما تطول اكثر !!؟

وخمس ايام راحه واستجمام

...........................

استمتعوا بالأغنيه مع بو نوره

وكلمات الأمير خالد الفيصل الراقيه

التقي معاكم على الخير ان شاء الله بأسرع وقت

قلبي ياللي

قلبي اللي لواه من الصّواديـف لاوي

جرّحته الليالـي والحظـوظ الرديّـه

والله أني بوسط الناس كنّي خَـلاوي

من يلوم المفَارِق عقب فرقـا خويّـه

أشهد أن المفَارَق من عظيم البـلاوي

مير هذا نصيبك يا العيـون الشقيّـه

اتجَلّد واقول انّي على البعـد قـاوي

والله أعلم بقلب(ن) فيه الأشواق حيّه

كيف راحت يا بوتركي حياتي شقاوي

وين درب السّعاده والحيـاة الهنيّـه

ليت لأهل الهوى والحب قاضي دعاوي

كان أداعي عيون اللي فراقه خطيّـه

كنّي المبلي اللـي قطّعتـه المجاوي

كل مـا جـظّ بالونّـات زادوه جيّـه