الفرق وااااضح
المكان : الجابريه ،عياده خاصه
الزمان : يوم أغبر لما رحت ذاك المكان
الاشخاص : اختي الكبيره ، انا مملوحه والممرضه الهنديه
الوصف : كوميدي رعب
الفيلم مدبلج الى العربيه
الحكايه : دخلنا انا واختي الكبيره عندنا موعد مع دكتور الجهاز الهضمي حق اختي
اللي تعاني من تقلصات والم فظيع في القولون
موعدنا الساعه 5و نص وداقين على اختي تريليون مره يؤكدون الموعد
دخلنا العياده على الموعد بالدقيقه والثانيه والفانيه اللي هي جزء من الثانيه
ويلطعوننا نص ساعه لحد ما تكرمت علينا تخروعة المزارع ويتنا
دخلتنا الى غرفه جانبيه علشان تاخذ الضغط والحراره
والمفروض بعض المعلومات عن المريضه حق الملف
خذت الحراره ولبست اختي قياس الضغط الالكتوني وقاست الضغط
وبحركه مخيفه ووجه عابس
الممرضه : انتي ضغطج على طول نازل ؟؟؟
اختي " وهي مندهشه " : لا والله انا كله ضغطي طبيعي
الممرضه وهي حمقانه : يعني ما شفتي هالقراءه من قبل ؟؟؟؟
اختي : لا والله توني ماخذه ضغطي قبل يومين كان زين
ويييي جهازكم خربوووووطه
قالتها اختي وهي تضحك مع انها كانت تتألم وخايفه
الممرضه والغضب بعينيها : أنا اعرف معنى خربوطه ما يصير تقولين جذي
اختي وعيونها مبققه وحواجبها وصلت الى منبت شعرها : هاااااو بقول خربوطه وكيفي
الممرضه والصوت بدى يعلى ويعلى : لا ما يصير تقولين هالكلام
اختي : بقول خربووطه
الممرضه : ما يصيير تقولين خربوطه
انا : ميته من الضحك على اللي قاعد يصير
وفجأه نقزت من مكاني لأن الممرضه القليلة الادب بدت تصرخ
بس للحين فيني بقايا ضحك على اللي قاعد يصير
أنا : لا يكون الجهاز من باقي اهلج بس وانا ما أدري؟؟؟
كيفها اختي تقول اللي تبي وانتي المفروض تهدينها مو تنرفزينها
وبعدين هذا جهاز الكتروني قياسه مو دقيق مثل جهاز الضغط العادي
قيسي لها بجهاز ثاني مره ثانيه وتأكدي من ضغطها
مو قاعده تتناجرين على الفاضي طيح الله حظج
طبعا الكلام انجليزي على هندي على كويتي وشوي بقيت اقلب لبناني بعد
وقاست الضغط في جهاز ثاني وطلع ضغطها طبيعي
@@
المكان : مدينة دبي الطبيه ، عياده خاصه
الزمان : يوم في الاشهر الماضيه من السنه
الأشخاص : اختي الكبيره ، أنا مملوحه والممرضه الأمريكيه
الوصف : شي عجيب يا ولد منصور
الحكايه : دخلنا انا وأختي العياده الساعه 2 بالدقيقه والثانيه والفانيه اللي خبركم
وتستقبلنا ذيك الشمحوطه وتاخدنا الى غرفه جانبيه عشان تقيس ضغطي وحرارتي
وتاخذ بعض المعلومات اللي راح يحطونها في ملفي عشان يشوفها الدكتور
وتركب جهاز الضغط الالكتروني ويبدأ بقياس الضغط مره وثنتين وثلاث
توموتيكي بروحه خذا ضغطي 3 مرات وعطاها المعدل
وتشيله وتركبه على ايدي الثانيه وهم خذا 3 قراءات وعطاها المعدل
ضغطي كان شويه عالي من المحاتاة والخوف
وقعدت تسولف معاي وتاخذ المعلومات بكل لطافه وأدب وتتغشمر وتسأل
واستأذنتني انها تاخذ ضغطي مره ثانيه
وخذته وشافت ان الضغط نزل شويه وسجلته للدكتور بعد ان تأكدت أكثر
:)
هني عياده خاصه وهناك عياده خاصه
اشرااااايكم مو الفرق واااااضح ؟؟؟؟؟؟
36 comments:
منو اللي قالكم تروحون عيادة خاصة
شفيها مستشفياتنا
:))
أبو الدســتور :
---------------
من صجك ؟؟؟؟
@@
شفيها مستشفياتنا؟؟؟؟؟
فيها زهيويه وجراثيم قاتله
:(
وبعض الاطباء اللي بدون ذمه ولا ضمير
وقلت "بعض" لانها لو خليت خربت
اكيد اكو اكفااااء
بس حظي ردي ما لقيت
الا اللي بدعوا فيني
وخلوني اتوجه للمملوح الامريكي
وااااي وصفج للموقف ابداع بحد ذاته
مصرين أنتي و اختج على كلمة وحده
خربووووووووووطه
خخخخخخ
star :
-------
حياج الله وخيتي ستار
ههههههههههههههههههه
مشكوره يالغاليه
اي والله خربوووووطه
:))
الفرق ان في الكويت الزبون او العميل او المريض دائما على خطأ
بو حامد :
----------
اي والله يابوحامد
صاج والله
مع الاسف هذا الوضع عندنا
أدري انج صاجه ومصدقتج ومجربة
بس فيه فرق بين دبي وألمانيا لأن تجربتي كانت بين هالدولتين مو ديرتنا
إذا المستشفى الامريكي فاهيا اقسام معينة زينه عندهم لأني للأسف جربت قسم من الاقسام !؟ واقول مالت على الدكتور وفوقها 5 كمات بعد
ReLaaaX :
----------
هلا والله بالغاليه
لا لا مو المستشفى الامريكي
انا بعد اكم عليهم 5 كمات معاج
من السوالف والاخطاء اللي قالوا لي عنها صديقاتي وحذروني منها
انا اللي اقصدها عيادة مايو كلينيك في دبي لأمراض القلب
روعه وخدمه وتشخيص عالي
والله يتمم عليهم لا يختربون
ههههههههههه
بصراحة اسلوب تصويري رائع
استمتعت كثيرا بالقصة و ضحكت
هذي اول مره ادخل فيها مدونتج
و اول بوست اقراه مستلمه فيه دكاترة الكويت
الله المستعان
:))
ودي تشرفيني في مدونتي الجديده
و يهمني ابداء رأيج
تحياتي
@@
ممرضه هندية وتراددني
!@$^%^&&
ماكو سيدة ازرد
ما اغشمر
لوووووووووووول ضحكتيني
خربوطه مو خربوطه
والله انا اقول الديرة كلها خربوطة بس علي الراشد يقول مو خربوطه
صبحج الله بالخير مملوحة
تدرين اني مرة اخذت وياي جهاز قياس الضغط وياي .. لان العيادة اللي اروح لها ما عندهم الا الجهاز الالكتروني
:)
الفرق شاسع يا امرأه :P
reemas :
--------
حياك الله اخوي ريماس
شرفتنا بهالزياره الحلوه
:)
هههههههههه
لا لا انا قلت البعض مو الكل
:P
يشرفني ازور مدونتك يا خوي
وشاكره لك مرورك الراقي
الزين :
--------
واي واي
يمه يمه
:))
لا لا ما فيني شده للزراد
الموقف كان كوميدي
وانا لي ضحكت مافيني قوه كلش
:p
شتاقووون
:**
Eng_Q8 :
--------
هههههههههه
عساك دوم مستانس
وتضحك ياوخيي الغالي
:)
الا خربوطه بربوطه
ولا تسألني شنو بربوطه
:p
عثماني :
---------
صبحك الله بالنور والسرور
يا عثماني
:)
شهالحاله؟؟؟
@@
ليش عيل ادفع فلوس لهم ؟؟؟
الله يعطيك العافيه يا وخيي
3BeeDo ;):
-----------
اي نعم انه شاسع يا رجل
:))
الله يسلمج مغثة المريض جزء لا يتجزأ عندنا من العلاج
:)
ألف سلامة لأختك حبيبتي
قبلاتي
:**
ما تشوفون شر
:)
خاص ولا حكومه نفس الشي صاروا
صديقتي كانت نايمة بالمستشفى وارتفع السكر عندها يابين لها جلي وعنب عشان تاكله!! تخيلي
وشلوونج الحين إن شاء الله أحسن ؟؟
:**
مملوووحة
الأمريكاني غير
الأمريكاني يكسب
أي شي شمحوط من بلاد بره غير
بس الأولى ماتنلام
أكيد معزبتها الأوليه إللي انحاشت منها كانت تصارخ عليها
وتقول لها انتي شغل ماكو زين
انتي شغل خربوطة
تعقدت المسكينة
مو فلنا لكم حقوق الإنسان
عاملوهم زين لاتدور عليكم ويزفونكم
قولي لي أكو أحد بالكويت مايزف
حتى سايق أمي يزف
:)
White Wings :
--------------
هلا والله بالحاضره الغايبه
:***
شخبارج؟؟؟
للحين انطرج
;)
لووووووووول
اي والله لازم يغثون المريض علشان يستصح
صج صج ولهااااااانه عليج
:**
حياتي هدف مو عبث :
------------------
الشر ما ييج يالغاليه
اتخيل والله اتخيل
@@
انا بوجودكم بحياتي بألف خير
ولله الحمد والشكر
:*****
U know WHO :
------------
حيا الله بضيفتي الجديده
:)
هههههههههههههههه
هههههههههههههههههه
اي والله انا أشهد
يكسب ويكسب
;)
تهقين هذي عقدتها ؟؟؟؟؟
اي والله صرنا مزفه للي يسوى
واللي ما يسواش
ما اقول الا العيب مو بأجهزتنا الطيبة
المشكلة في ادارة هذه المعدات والطاقم الطبي !! اللي احنا ساعات نعلمهم !!
q8cool :
--------
صح لسانك يا وخيي
ابتلشنا فيهم
:(
ليش مستشفيات وأطبة وضغط يرتفع وينزل
يا زين الحواي
شوية عشرج على حلول على خروع
لين يخروع البطن مرة وحدة وماكو إلا العافية
وما نوصيكم حق النفسة
هالله هالله بالحلبة والحسو
بالشفا إن شاء الله
:)
sologa-bologa :
---------------
هلا هلا بوخيي الغالي
من زمان غاط عنا
:)
ههههههههههههههههههه
اي والله صاج الحواي شفيه
؟؟؟؟؟؟؟؟؟؟
:P
بس عاد الا العشرج
@@
لا ممكن ابدا ابدا
* كلمي الدكتور و اشتكي عليها خل يلعن ابو اسلافها بعد هذا اللي باقي لو انا منج جان طلعت و خليتها تولي
ميمة السبيت :
-------------
هلا والله بميمة السبيت
علمت الدكتور عنها
بس ما شخلها جدامي للاسف
:(
وبعدين يا وخيتي العازه للمعتاز
قعدنا علشان الدكتور شاطر
:)
هههههههههههههههههه حبيتها اختج :)
استغفرالله العظيم
ماحب طاري هالعيادات .. صاروا مايعالجون بضمير بس همهم يسوون لج تحاليل مالها معنى ويفسفسون فلوسج
انا ليلحين مالقيت عيادة سنعه
وماروح لو شنو مستشفى حكومي وقعدي نطري الدور والزحمه اع اع اع
جني تحلطمت وايد :<
سلامات ماتشوفون شر ان شاءالله
هذي الكويت صل على النبي
:)
Fishah :
--------
هههههههههههههههه
حبتج العافيه يا فشه
:)
بعد شنسوي ماكو بديل غيرهم
للحالات الطارئه
ولا انا غاسله ايدي منهم من زمان
تحلطمي يا وخيتي واخذي راحتج
:)
الشر ما يجيج حبيبتي
جنون إحساس :
-------------
اللهم صلي وسلم على سيدنا محمد
وعلى اله وصحبه وسلم
اي والله يالغاليه
:)
طيب ليش ما اشتكيتوا على السستر الهبلة
يبا تدرين شلون ...
الجهاز
خربوطة
خربوطة
خربوطة
دليني العيادي واللي يرحم والديج
ابي اكتب لافته خام مكتوب عليها خربوووطة
mantovani :
------------
حيا الله وخي الغالي
ههههههههههههه
ههههههههههههه
اشتكينا عليها
والجهاز وان اختك
خربوطه خربوطه خربوطه
:)
هههههههههه
خووووش فكره
وايد حلوه
شاكره لك مشاركتك الظريفه
:)
Post a Comment