قرقيعانا غير ؟!؟!؟
في النص من رمضان
وتحديدا في الأيام 13 و 14 و15 من الشهر
يحتفل الأطفال بالقرقيعان ويطوفون على البيوت
يغنون ويجمعون الحلويات والمكسرات
عاده جدا حلوه وما ودنا انها تندثر
************
لكن قرقيعاننا السنه في منطقتنا غير
مجموعه من البنات اعمارهم بين ال11 الى 17 سنه
بدشاديش وغتر وقبعات غريبة الشكل
او بعبي وبراقع وبطولات اماراتيه ونظارات مضحكه
او لابسين جينزات لابسينهم بالغصب ومتقلقصين فيهم
وبلوزات قصيره ولان الجو حر البلوزات حفر
حرام لا تلومونهم حر وايد ....ء
:(
************
ومجموعه من الشباب القزيزه ابو شعر فله
وموديلات قصات شعر من العالم الخارجي
وسيارات اخر طراز وسياكل وبقيات
ويبدي قرقيعانهم على التاسعه والنصف مساءا
بالتشفط في هالشارع بالروحه والرده
عشان يلفتون انتباه الفاتنات
هم لا تلومونهم فرااااغ .....ء
:(
***********
ويوم قررنا امس نطرش عيالنا يقرقعون مشى وياهم وفد رسمي
يتكون مني انا واخوي الكبير و4 خدامات والسايق
عشان نحفظهم من حرب الشوارع اللي صايره عندنا
ونرجع البيت وأعصابنا منتلفه من اللي قاعد يصير
اليوم اشتكوا الاهالي من اللي صار امس
وما قصروا الداخليه قضبوا هالسيارات الطايشه وفكونا منهم
الشرطه في خدمة الشعب .....ء
**********
لكن الشباب أبوا انهم ما يخربون على اليهال متعتهم
وصار المغازل مشيا على الاقدام وجماعات جماعات
ما وعينا عقب شوي الا هوشه كبيره بالسكاكين ومذابح
يا حافظ كل هذا عشان قرقيعان؟؟؟؟
عرفتوا ليش قرقيعاننا غيييير ؟؟؟!!!؟؟؟
19 comments:
يؤ يؤ يؤ !!!
هذا وييين ://
مادري منطقتنا حيييل هادية
مالها حس
حتى اليهال يطقون البيبان ويقرقعون شحلااتهم : )
الله يعينكم بصراحة :/
ويه و اه يا كويت
و الله كاسرين خاطري الجيل اللي جاي
رغم صعب العيش و قلة الترفيه على ايامنا الا انها كانت احلى و اطعم و لها لذه لا يمكن وصفها
و الله اتذكر ان ما كان في اناره بالشوارع انا ماني متكلم عن السبعينات خلنا نقول الثمانينات على الاقل او اواخرها
كان الله في عونهم
والله كاسرين خاطري عيالنا
بس مع هذا راح يتذكرونها بعدين ويقارنوها مع الجيل اللي بعدهم
أحلى مافي الطفولة أنه لايرى خارج محيطه ويستمتع بما حوله فقط
حتى بالقرقيعان صارو يقزون
ماخلو شي !!
اي شي !!
صج عاد جذي صار بالكويت :/
كل هذا بقرقيعان :|
الله يستر
قرقيعانا غير !
الله يحمي عيالكم
يعني حتى قبل ما اقول كانت المدينة الفاضلة .. لا وايد قبل المغازلجية و جليلي الحيا
بس عاد مغازل و قلة حيا يم بيوت الناس !!
هذي ما عمرها صارت الله يستر من اللي ياي
اش هالقرقيعااااااااان !؟
حسبي الله ونعم الوكيل !؟
أصلا كل ماله القرقيعان وينقرض وكل ماله ويصير ماصخ وماله طعم ياحلونا قبل اسمالله علينا
وماتنلامون يوم رحتو وياهم لأن الوضع يخرع :/
يا الله
كل هذا عشان قرقيعان
لو قالولي جان عطيتهم قرقيعاني
ولا تهاوشوا ولا تعبوا اعمارهم
اتوقع السبب تاثر انفلونزا الخنازير
الله لا يبلانا ..
استغفر الله الاشياء الحلوة
بعض الناس يخلونها ....(ماا حلوة) شكراً
SHAHAD :
--------
في اليرموك يا وخيتي
اي والله
الله يعيننا عليهم
:(
والله يهنيكم بمنطقتكم
Enter-Q8 :
----------
فرق بين زماننا وزمانهم الاغبر
كان القرقيعان له طعم ووناسه
كل شي على بساطته كان يونسنا
مو جيل هالايام
مع الاسف ماكو شي يونسهم
الله يعينهم على زمانهم
ابوالوليد :
-----------
اي والله ياخوي مساكين هالجيل
وللاسف يا ابو الوليد انهم مو مستمتعين لا في محيطهم
ولا اللي خارجه
:(
kandroz :
---------
شفت شلون يا وخيي ؟؟
الله يستر على عيالنا
وعيال المسلمين
ويحفظهم من كل شر
mtfa2el :
----------
الله يستر علينا بستره
يا وخيي الغالي
ReLaaaX :
---------
شفتي شلوووون ؟؟؟؟
للاسف ما خلوا طعم حق شي
:(
نمووول :
--------
ههههههههههههه
لو ادري قايله لهم يمرونك ياخذون قرقيعانك ولا هالمذابح
لوووووووووووول
:)
صاج يا وخيي
هقوتي انفلونزا الخنازير السبب
@@
وااااااااي
انا سمعت عن الهوشة ..و طلعنا نعرفهم ..و المشكلة ما ينهونلا شباب ولا ابني .. كل هذا عادي .. قبل جم يوم رايحة غبقة بنات ..و كاشخين اللي فاصخين حجاباتهم ..و وناسة وسوالف .. جان ينطق الجرس ..عبالنا يهال فتحنا الباب ..ولا هالشباب اللى كل واحد اطول من الثاني اقل شي 2 ثنوي ..
داشين دعوم @@
جلة حيا ..
سكرنا الباب بويهم
***********************
aL-NooR . :
-----------
اي والله ياوخيتي
جلة حيا
ماني عارفه هالجيل شموديله ؟؟؟
شي يضيق الخلق
:(
انا كنت موجود باليرموك يوم الخميس و فعلا شفت كل هذا بعيني
و كنت عند واحد صديقي و قتله والله خايف علي اليهال اللي يقرقعون
وايد سيايير و طايشين
دق على الشرطه
و فعلا اتصل بالشرطه
بصراحه منظر مقزز و مقرف
الى هالدرجه وصلت فيهم
لا و موقفين في مواقف المسجد و ملعلعين على الطقطقه
و يقولي رفيجي انه ثاني يوم نفس الشي
و كان واقف مع الضباط و قالوله
ما نقدر نسويلهم شي لان عندنا اوامر بعدم التعرض
خوش تطبيق للقانون
reemas :
--------
ابتلشنا فيهم
شي يضيق الخلق يا وخيي
:(
حتى القرقيعان ما سلم من ينونهم
الله يهداهم ويستر عليهم يا رب
الصراحة في شباب بالكويت يبيلهم تربية بس التربية مالتهم لازم على تهزيء ، علشان ما يشوف نفسه على الناس و يحترم نفسه بتصرفاته.
إنزين يا أخي القز شنو اساسا المفروض ، اول لما الواحد يقول رايح اقز يعني راح اتمشى اشم لي هوا ..
شوي شوي صارت معناها بروح اطل طل على بنات ...
شوي شوي صارت بطل طل و يلي تعجبني بلحقها ..
و تطورت لييييييين صارت ، بقز يعني بطلع واي بنت بشوفها لازم تاخذ رقمي و تكلمني و إلا قسما عظما ..
شالحجي انا عندي من اقاربي البعاد شوي .. بنتين توفوا من سالفة تحرش شباب بالسيارة .
شنو اشدعوا عليكم مو شايفين بنات بعمركم ؟ .. ما عندكم خوات ؟ .. بايعين الدنيا ببيزة ولا شنو ؟
و ترى هم في بنات ما يقصرون يشيشون الشباب .
و نتمنى ان الأهل بالكويت يكون لهم دور فعال .. الاهالي صار دورهم كله شغل و اييب فلوس و ماكو تربية للياهل .. اصلا في يهال الحين ما يعرفون شنو قرقيعان وليش .. و في يهال مع ان يدرسون الغزو .. بس ما يحسون فيه صج .. لأن الاهل اليدد خلاص صاروا مهملين و هذي مشكلة .
وكل شي يصير بمجتمعنا من فساد و مشاكل شباب ترى من مسؤولية كل بيت و كل ام و اب وولي أمر .
و أقول قولي هذا و استغفر الله لي ولكم ;p
سوري طولت بالكلام :p
Post a Comment