الأسرار الخمسة
اعتذر من كل زوار مدونتي لتأخري في الكتابة
وعدم مشاركتي في التعليق في مدوناتهم
ولطلب من الغالية على قلبي الصغيرونه(ويتي)اللي
ما أقدر أرد لها طلب ووعدتها ببوست جديد
قررت اني ارد على التاغ اللي صادتني فيه الغاليه (تويتي) وما
راح اسوي تاغ حق خمسة غيري لأن أغلب المدونين
انصادوا وطلعوا كل أسرارهم
****************************************
(1)
انسانة وايد حساسة ووايد اتأثر بسرعة ودمعتي سريعة
(2)
أعتمد على نفسي وايد وما أحب أعتمد على أحد
ومع انني آخر العنقود ودلوعة البيت
بس كل العايلة تعتمد علي
وأدين بهالفضل للوالدة الغالية الله
يطول لي بعمرها
اللي علمتني الاعتماد على النفس
(3)
عندي صفة ما ادري اذا زينة او مو زينة
أطلب مرة واحدة واذا ما تلبى طلبي لأي سبب
ما أطلب من هالشخص مرة ثانية لو فيها موتي
(4)
عندي ارتباط رهيب مع اغراضي ما اقدر اتخلص منهم بسهولة
اول سيارة شريتها اختربت وتصليحها جدا مكلف
واستعملتها تقريبا 5سنوات فنصحوني ابيعها
واشتري سيارة جديدةولمابعتها قعدت ابكي
لمدة اسبوع على فراقها
(5)
أحب مصر وايد وأحب مشاهدة النيل
أحس فيه سحر وغموض ورومانسية
***************************
وسلامتكم
27 comments:
الحساسيه لازم تحاولين تخففين منها
لانها ممكن تضايق الاخرين
بالاضافه لكى طبعا
...........
الاعتماد على النفس جميل
يا ليت عيال هالجيل يتمتعون فيه
.................
انا اشوف الصفه زينه
لانها تصف عزة النفس
وشينه
لان ممكن احد يكون عنده ظرف يمنعه
وهو وده ينفذ الطلب
بس فى وقت اخر
................
الوفاء جميل بس ساعات يجب اتخاذ
قرار للمصلحه العليا
وهى عدم تكود اغراض لا لزوم لها
وممكن شخص اخر يستفيد منها
بس سالفة السياره
نقدر نسميها عشره
والعشره ما تهون
..........................
مصر ما ادرى سمحبب الناس فيها
:)
اعذرينى بس ما قط كرهت ديره الا اهى
سلبياتها كثيره
بس يمكن الناس تشوف شى انا ما اشوفه
تحياتى
بو حمود
الارتباط بالأغراض، هذه مشكلتي أنا أيضاً، أكود أغراضي لأني أحبهم ومابي أرميهم، وبعدين؟ نعيش في مخزن؟
:)
يا حلوج
اللـــه طلع اسمي في البوست ,,, وناسه :D
حبيبتي ، أول شي حمدلله على السلامة ما بغينا؟ :****
وثاني شي ، أنتي فيج مني وايد ترى ، بس أنا مو أصغر وحده في البيت ، بس هم كنت دلوعة أمي :)
هممم ، مشكلة تكود الأغراض!! أنا نفسج ، شي مو طبيعي! على قولة وايتي بنعيش بمخزن هيهي
آخ!! يا سيارتي .. ذكرتيني فيها .. قبل لا أبيعها على شان السفر ، شوي ولمها من كثر ما تعلقت فيها :((
وبعدين أشوى ما سويتي تاغ حق أحد ، خو أنا أسراري ما تطلع ، أخاف الناس يحسدوني على شخصيتها المميزة (إي هيّن) هاهاهاهاهاها
قلبي إنتي ، حمدلله على السلامة مرة ثانية وعساج على القوة :***
إي صج ، ما أداني مصر :|
وين رومانسية بهالزحمة الله يهداج؟؟؟
قائمة حلوة ..
بس الأخيرة ما أدري شلون صايرة !!
الناس أذواق
بو حمود:
-------
هلا والله في الاخ الغالي
ايه والله الحساسية الزايدة مشكلة عندي بس أحاول كثر ما اقدر ما اطلعها على الاخرين علشان ما اضايقهم
هههههه
والله مو بس انت وايد أعرفهم ما يحبون مصر
وكان عندي صديقة من كثر ما أحب القاهرة والنيل خليتها تعشقها مثلي
الفال لكل اللي أعرفهم
يا ليت تشوفونها بالطريقة اللي انا اشوفها فيه
شكرا للتعليق القيم ياخوي يا بوحمود
White Wings:
------------
ايه والله مشكلة عويصة
أي مخزن قولي شركة المخازن بكبرها
:))
ياحلاتج انتي
witty:
------
هلا والله في الصغيرونة الحلوة
الله يسلمج ويحفظج
عساج دوم مستانسة ان شاء الله
لي الشرف اني فيني منج وايد
:))
شفتي شلون قلنا نستر على البلوقرز
وحبيبتي انتي فعلا شخصية مميزة
:**
اي صج علامج على أم الدنيا
والله جابلي النيل وشوفي الرومانسية
بعدين ديرتنا صايرة العن من مصر في الزحمة وما زالت الرومانسية موجودة
هههههه
اشرايج ؟؟؟
Kuw_son:
---------
من ذوقك يا خوي
بس شفيكم على أم الدنيا والله تغيرت وصارت وايد أحلى
فعلا اخوي الناس أذواق
لك جزيل الشكر على المرور والمشاركة
فاقدتج من غير شر
:)
1- الدمعه السريعه...مرات تحرج بس صدقيني انها نعمه
4- انا مثلج اكون علاقه مع اغراضي وارتبط فيهم حيل
5- مافيها كلام هذي ام الدنيا وموطن ولادتي
:)
كيتي تسأل عنج
:)
سالفة قلب:
----------
هلا والله
هلا في الغلا كله
عساج يا رب ما تفقدين غالي
بس مريت بظروف وعقب سافرت واللحين راجعة لكم بكل الشوق والحب
وايد نعمة احمد ربي عليها وايد لأنها تريحني لما اكون متضايقة
ولأنني ما احب اشارك همومي مع أحد فدموعي تخفف علي
هههههه
الله يونسج بالصحة والعافية
اول وحدة تشاركني حبي لأم الدنيا
:))
سألت عنها العافية ما تتخيليين شكثر فاقدتها وولهانة عليها
من زمان ما وصلني منها شي
سلمي عليها واااااايد
ويا ليت تعلق عندنا مثل أول أو تطرش لي ايميل تطمننا عليها
ومشكورة على توصيل السؤال يالغالية وعلى الزيارة الحلوة
الحساسيه الزايده تتعب الانسان ..!! أما التاثر السريع والدمعه فهما العاطفه الفياضه ..!!؟
الاعتماد على النفس رائع وجميل ..!! بس لا يتحول الى عدم قبول أي مساعده من الاخر ..!!؟
الطلب من الأخر هو جزء من طلب المساعده عموماً .. وهي تتعلق كثيراً بأعتمادك على نفسك ..!!؟
حلو حب الاشياء والتعلق بها ..!! بس مو لدرجة البكاء عليها ..!!؟
مصر "ام الدنيا" بس الله يهداك لون النيل ما يوحي بالرومانسيه ..!!؟
رائعه وجميله هي أختيارتك ..!!؟
الحساس ما يعيش فهالزمن
يتعب وايد
رقم 3
نفسي بالضبط!
مستحيييييييل
4
لي حكايات كع هالطبع ههههه
5
انا حبيتها يوم طلعت منها :|
2 u ALL:
--------
ايه والله ياخوي تتعب
والحمدلله اني اعتمد على نفسي
ومشكلة اني بدأت احب ان الاخرين يعتمدون علي
واني ما اطلب مساعدتهم
شسوي عندي تلفون من 10 سنوات لحد الان ماني قادرة اتخلص منه
وايد عندي وفاء لاغراضي
والله مع انه خابط لكن فيه سحر غريب
شكرا لك والاروع والاجمل منها مشاركتك
Cr8ivia:
--------
اي والله اي والله
تعب تعب
ههههه أشوى في لي مثيل
ههههههه
ننتظر هالحكايات
مؤيد ثاني لحب أم الدنيا
شكرا للمرور والمشاركة الحلوة
9a7 elsaneech :)
بعد التحيه
سعدنا لعودتك ..
كنت اتساءل و انا اقرأ ردودك .. عن مدى ارتباط الانسان بالأشياء التي يمتلكها .. و ان كانت جمادات ؟؟
يعني مثلا انا اركب خيل .. و مات اكرهه فراقه .. هذا منطقي ؟؟
و لكن الطفل يرتبط بلعبه .. و المراهق بالكمبيوتر و البالغ بسياره عزيزه تخليني افكر شنو طبيعة عقل الانسان هل يفرق بين هل الشغلات ولا لأ؟؟
انا حاشني نفس الشعور عندما بعت سيارتي لما كنت ادرس بالخارج .. من كثر ما احبها كنت مسميها .. (سلمى)
حمدالله مو بروحي اللي افقد جمادات :)
الله لا يجعلنا نفقد حبيب لا من قريب و لا من بعيد
بركـــان ثائر
كثير من الصفات انا و انتي انتشااااااابه فيها
بس انا سيارتي لي الحين ما بعهتها صارلها عشر سنين
و لو شنو ما افرط فيها
صافطتها بالكراج محد يسوقهاا
يمكن ادخلها متحف
بسسسسس هم ما ابيعها
امووووووووووووووت على النيل
و مصر
و حسااااااااااسه
و استقلاليه
صفات وايد راقيه
وايد وايد
ماشاء الله عليج
الله يزيدج عزه يا رب
:))
استمتعت انا وايد
سلام..
حله صفاتكِ..
احب اقرا المواضيع اللي كذا مررره..(وااايد على لهجتكم يا اهل الكويت ياحبي لكم)
اول مره ادخل المدونه..
مجهود راائع..
تحياتي..
ظلال..
loco:
-----
9a7 ebdenek
بركان:
------
شكرا وسعدت بمشاركتك
ههههه
الحمدلله اني طبيعية واكو مثلي وايد يرتبطون في اغراضهم
اللهم آميين عسانا ما نفقد احبابنا
lawyer:
--------
هههههه
حلو اننا نتشابه في صفاتنا
يا سلام على عشاااق النيل ومصر
الله يكثرهم ويزيدهم
والارقى منها مشاركتج
شكرا حبيبتي
ويزيدج من خير ما تتمنين يا رب
عساج دوم مستمتعة
ظلال الياسمين:
-----------
وعليكم السلام ورحمة الله وبركاته
مشكورة عزيزتي انتي الأحلى
حبتك العافية يا رب
مشكوره... وعساها مو آخر مرة
يعني لو ما ويتي جان مارديتي على التاق
:p
شوفي حساسة أنا نفسج
بس ما عندي ارتباط بالاشياء الا اللي لها ذكرى وكله اتهاوش مع امي على هالموضوع أنا أحب أجدد وأحذف اللي ما استعمله واهي لأ
وأحاول أعتمد على نفسي إنتي فهمي يعني القصد لوول
ما أحس جوي مصر مادري ليش
أأأأأووووه ... الله ياهي اغراض مكوده عندي !!! يوم من الأيام راح اسويلهم
Back Yard Sale
بيمع الفريج كله وأبيع كل اللي عندي من خمجره
:)
اي رومانسيه في هالنيل الخابط !!!ء
:)
miss you tara! ayna antee gha6aton 3anna??
:***
tweety:
-------
هههههه
لا والله
بس الصغيرونة حبيبة قلبي ويتي عطتني شوية حنة وما اقدر ارد لها طلب
وقلت ارضي الغاليين علي مرة وحدة يعني ارضي ويتي وارضي الغالية تويتي
ما نقدر نرد لج طلب يالغالية
يا زين الحساسيين والله
هههههه انا بالضبط عكسج امي تجدد وتوزع باستمرار لكن انا وايد عندي ارتباط في اغراضي
بس الهدوم في السنة اربع مرات اوزع
كلش مايهموني ولا ارتبط فيهم
نتمنى لكي التوفيق في محاولة الاعتماد على النفس
لو تعرفين البلدان اللي احبها تقولين قمة في التناقض
بس مصر لها في قلبي معزة وخاصة النيل الخابط هههههه
عفوا الخالد
DiLLi O MiLLi:
--------------
يللا عيل اعطيج اللي عندي وبيعيهم مع اغراضج واللي يطلع نتبرع فيه
اشراااااايج ؟؟؟؟
:p
ههههههه والله هالنيل الخابط له سحر عجيب ان شاء الله راح تكتشفينه وتعشقينه
:)))
Witty:
------
miss u waaaaayed tara 2
:***
ana gha6aton 3enkom fi u know
and ma 3endi waqt a7ek rasi
love u and i will call
cause me walhaaaaaanaaaaa
مملوحه
فيج امو منى
انا حساسه
ودمعتى على طريف
بس انا يالله اشيل عمرى
انا عكسج اهلى كلش ما علمونى الاعتماد على النفس لى درجه لى يومج اعتمد عليهم
:(
كلش مو شى جذى ادرى
الله يخليج لهم ولا يحرمهم منج
وااى كلش ما اشوف النيل رومانسى
ههههههههههه
وصاجه دلى
النيل خابط من الوصاخه
charisma:
----------
هلا والله
زاد حزب الحساسيين
ههههههه
انا اول وانا اصغر كنت وايد انقهر ليش امي دايما تعتمد علي
بس اللحين اشكرها كل يوم ومن اعماق قلبي على انها عودتني على الاعتماد على نفسي وما خلتني اعتاز احد
لحد اللحين ما فات الوقت
تقدرين تدربين نفسج على الاعتماد على النفس
صدقيني راحة ما بعدها راحة
الله يسلمج ولا يحرمج من اهلج واحبابج
هههههههه
قلت لكم انه خابط ما نكرت بس والله فيه رومانسية لحد اللحين ما عرفتوا لها
مشكورة حبيبتي على المشاركة الحلوة
Post a Comment