Tagged by 2 u All
بما اني انصدت من
2 u All
who tagged me
لازم اذكر 10 اشياء ما تعرفونها عني
*****************
(1)
عندي شهادتين ميلاد وحده اصلية ووحده بدل فاقد
والمشكلة انهم بتاريخين غير بعض
وانا احتفل مع اهلي بتاريخ
ومع صديقتي الصدوقة بتاريخ ثاني
أشرااااايكم فيني ؟؟
(2)
لي طقوس خاصة في الاحتفال بالعيدين
الفطر والأضحى
لازم كل شيء يكون جديد
ملابسي ،شراشف السرير ،المناشف ، الشنطة والحذاء
حتى لو كنت مسافرة
(3)
أحب الطبخ وااايد واحب آكل طبخي
وأغلب الوصفات مأخوذة من كتب طبخ
لكن دايما عليها اضافاتي
وما اعلم الاضافات لما اعطي احد الوصفة
فدايما يقولون لي طبختج طعمها
غير عن اللي علمتينا
هههه نحييييييسة
وفي اوقات وايد اخترع اكلات
وأسميهم على كيفي
عندي كتاب فيه تأليفاتي
(4)
أموت على الشوكولاته في كل اشكالها
أموت على الشوكولاته في كل اشكالها
والوانها يعني شوكولاته سادة او بالمكسرات او بالبسكوت
واحب كيك الكاكاو وايسكريم الكاكاو
وحتى في الرجيم استغني عن أي وجبة بس ما استغني
عن الشوكولاته
(5)
أحب آكل الأيسكريم في الشتاء اكثر من الصيف
أحس طعمه ألذ ؟!!؟
هل من مؤيد ؟؟
(6)
أحب الشتاء والبرد اكثر من الصيف
وكل ذكرياتي الحلوة شتوية
وما أحب ألبس و أتدفى ؟؟!!؟؟
أحب أحساس البرد
(7)
وسواسية جدا جدا
ولي شنطة خاصة للتنظيف حق السفر
وشنطة صغيرة في شنطة ايدي تحتوي
على منظفات ومعقمات
أدور أحدث المنتجات في كل سفراتي
(8)
أخاف من الزحمة والظلمة والأماكن الضيقة
والأماكن المرتفعة المفتوحة
واذا ما لقيت أحد يمسكني يغمى علي
ههههه الهروب من الواقع
(9)
أحب السفرات القصيرة وشعاري في أسفاري
الجماعية لا رجال لا أطفال أونس اذا سافرنا بدونهم
لا حنة ولا رنة ولا اشرايكم بنات ؟؟؟؟
(10)
أحب الجمعية في الكويت والسوبرماركتس
في السفر وأحب أشتري بهارات وصلصات للشوي
من كل بلد أروح لها وعندي مخزون استراتيجي
في خزانتي المطبخية
************************
أعتقد اني علمتكم كل أسراري
60 comments:
ههاهاهاهاها لما قريت آخر معلومة طرت على بالي مسرحية ضحية بيت العز اللي دازين السايق للسفارة الكويتية بلندن يطلب منهم دارسين هاهاهاهاها
والله معلومات قيمة وغريبة جدًا مشالله .. حدج تونسين :]
بس أنا ما أءيد السفر بدون ريال .. عيل منو يشيل الجناط ويدز العربانة ويسوق السيارة وآخر شي يروح إييب التيك أواي تالي الليل؟
وسواسية جدًا عجبتني .. وريتج جنطتي الصغيرة مالت التعقيم أنا بعد والا لا؟ هاها
ومعاج بالشكولاطه والإيس كريم .. بس لابد 31 وأصلا يا حلاااااته في البرد :] أنا من المؤيدين :))
إلا سؤال عفية ... ليش أكو براحة جدام موضوعج هالمرة؟ حق نلعب فيها مقصي؟؟
(إشرايج بملاقتي إللي ما تطلع إلا عندج لأنج انتي الوحيدة اللي تقدرينها هاهاهاها)
Witty:
------
هلا والله في الطش والرش
هلا بصغيرونتنا
:))
حلوة ضحية بيت العز
ههههههه
مشكورة حبيبتي على المدح
"حدج تونسين"
لا يا صغيرونة السفر بدونهم راحة
صدقيني
الجناط يشيلهم الحمالي
!!!!
والسيارة احنا نسوق وعادة انا السائق
اشرايج اني استمتع بقيادة السيارة في الخارج
وماله سالفة تيك اواي آخر الليل
نطلب مت الروم سيرفس
اما التعقيم فونستيني لان في احد مثلي
يختج معقديني من نفسي الجماعة
شكرا يالغالية على التأييد
والبراحة حبيبتي ردمناها علشان ما تلعبين مقصي وتخلين دراستج
ههههه
هاهاهاهاهاهاها ليييش شلتي البرااااحه؟؟ حسافه! :/
بس ما عليه .. شكلج اليديد حده "الدنيا ربيع والجو بديع" يهبل الورد جدًا مدًا :)))))
إنتي أكيد مو برج الحوت؟؟؟ :))
وبعدين العلم لا يكيّل بالبتنقان .. بآلي عشر سنين بادرس شسمه :) راح أتخرج والقوى العاملة توزعنا على المقابر lol
Witty:
-------
ههههه
وقفلي على كل المواضيع
"تكملة الجو ربيع"
وانا اكيد مو برج الحوت
اسم الله عليج من المقابر
انشاء الله عدوج يا صغيرونة
انا معك في موضوع الأيسكريم في الشتاء
احلى من الصيف..
محمد بن سالم:
------------
نشكر لكم تأييدكم
في موضوع الايسكريم
:S 7adha strange list !!
No.9 7adha 3ajeeba !! No men !!
ma5tha ra7tech !!
w el mo3aqemat !! shay mo 6bee3i !! 7adech wswaseya !!
ما شاء الله عليك ..!! خوش أختيارت ..!!؟
الضاهر عليك تحبين الأكل ..!! وبالذات "الحلو" ..!!وأكيد أنتي "بتمبه كسر اللمبه صحن صين وصحن همبه" ..!! لأنك تحبين الأيسكريم والكاكاو ..!! حلوه النظافه فهي من الأيمان ..!! عيل ما تحبين أغنية "عدويه" زحمه يا دنيا زحمه ..!!ههههههه..!! السفر بدون "الأخر" لا يسوي شئ سواء كانت سفره قصيره او طويله ..!! وتحبين الأكل كله في الجمعيه والسوبر ماركت ..!!؟
عليك بألف عافيه ..!! ومشكوره على الأجابه ..!!؟
مالي ويه أعلق عندج
طلي ببلوقي وأنت تعرفين
:p
Kuw_son:
--------
ليش يا خوي غريبة
ما غريب الا الشيطان
أحلى ما في السفر ان تكون
مع مجموعة من البنات
يجمعهم نفس الاهتمامات
وطبعا آخذ راحتي في التسوق بدون حنة
هههه ايه والله وسواسية الله لا يبليك
في ما بلاني
2 u ALL:
--------
شكرا اخوي بعد شنسوي طلعنا الفضايح
هههه احب الهمبة بس كنت بتمبة
وكنت فعل ماضي عساه ما يرد
الحمد لله صار لي سنة ماشية على نظام غذائي والحمد لله ما بقى لي الا القليل
وأوصل للوزن المثالي
أموت على الطبخ وطايحة في الاهل اوكلهم
لا لا لا الرجل بالسفر وخاصة اذا كانت رحلة تسوق او ريلاكس كلش ما يصلح
الله يعافيك ومشكور على المرور والمشاركة
tweety:
-------
ههههه
حسبي الله على ابليسج
طليت وانصدميت
بس مثل ما قلت في التعليق عندج مقبولة منج يالغالية
وبعدين علقي واخذي راحتج
يهمني رايج
الله خوش لسته ;"p
صراحه أنا أايدج بنقطه 5 وإهيا آكل آيس كريم بالشتا وااايد ألذ وأنا من الناس إلي تاكل أيس كريم بالشتا ;")
dana_23:
--------
حيا الله من زارنا
هههه أشوا عجبتج
ونشكر تأييدكم لنا في اكل الايسكريم شتاءا
ولا تقاطعيننا
لووووووووووووووووووول
#1 ضحكتني
هههههههههه
وناااااااسه
خوش لست الصراحه و أنا متأكده مو هذه كل أسرارج بل في جعبتك المزيد
ههههههههه
وتعالي دامج ذاكره هني 10 أشياء
و تويتي تبي منج 5
فلا تعبين عمرج خصميهم من اللست
و أكيد تو يو اوول ما راح يمانع
ههههههههههه
أشياءات حلوة :))
وفي بعض الأشياء متشابهة بينا :)
دمت بخير
أأيدج أحب الآيس كريم في الشتاء ... لذييييييييييذ
آنا مزاجية جدا بالطبخ .. إن يه على بالي أطبخ .. طبخت طباخ سنع بشهادة الذويقة .. ويهمني جدا تزيين الطبخة وإن كان مزاجي مو على موجة الطباخ .. حدث ولا حرج
بس الطبخة الوحيدة إلي ما أتقنها
المجابيس والدقوس والمرق .. ولا يمكن في يوم من الأيام أتقنها لسبب إني ما أحب هالأكلات .. تكرش الواحد
لكن غرامي الحلو ... الله
بوست لطيف خفيف عالقلب
Purplecious:
-------------
هههه
نحيسة
والله بس في الطبخ
هههههههه
أشوا عجبتج اسراري
لا لا لا عاد بسنا فضايح
والله خوش فكرة
بس ما اقدر أرد طلب حق تويتي
Breeze:
--------
أهم شي أشياءاتي حلوة وعجبتج
هههههه
ما قلتي لي شنو المتشابه بيننا؟؟؟
بلاغة شف
احب أعرف اذا ممكن ؟؟ ولا أسوي لج تاغ؟؟ :))
دمتي بحب وود
:)
أعجبتني فكرة السفر بدونهم
حلوة من جد ،،
بس أنا عكسك
ما أحب الشتاء أبداً
أحب الصيف
،،
ومن الأشياء اللي عرفتها عنك
تحبين الطبخ والترتيب والنظافة
شكلك ربة بيت اوكي
ولا ؟
Almas:
-------
اهلا وسهلا بالمؤيدين
ايه والله يا الماس الطبخ مزاااج
انا أطبخ المجابيس والعيوش لما ازور أحد في الغربة سواء يدرس او يشتغل
يكسرون خاطري فأطبخ لهم الاكل الكويتي
بس بالكويت أحب المشويات والحلويات
شكرا عزيزتي واستمتعنا بالمشاركة اللطيفة
ولا تقاطعينا
MiaMi:
------
ههههه
أحلى شي سفرة مع الصديقات
أنا ما أكره الصيف بس أحب الشتا أكثر
أحب الطبخ وااايد
والابتكارات وتأليف طبخات جديدة
ههههههه
ما أدري؟؟
ما أقدر أجاوب وأمدح نفسي
احب التاجات اللي تعرفنا اكثر على الناس اللي نحبهم
:)
nescafe:
----------
هههههه
اشرايج فيني
حبتج العافية
واذا صج تحبيننا لا تتركينا
ومتعيننا بكتاباتج الممتعة
واذا بتطاعين بلاغة شف الناس وفضولهم وايد راح تتعبين
مرحبا مملوحه
آآآآآآآآآآآآ عرفنا أسرارك طحنا عليج شهالخزانه المطبخية حدها عجبتني شكلي بزورج على يوم عزميني عليها بشوف شكو ماكو وإذا ناقص شي أييبه معاي مع إني عكسج تماما مالي بالسوبرماركتس كلّش ماأتمتع بتشري سوالف البيت آخذ أشياءاتي الخاصة وأطلع بسسسسسس والباجي عالماما ولاّ البابا ولاّ اختي الصغيرة تمووووت على شوبنج السوبرماركتس
بس جد عجبتني خزاتني المطبخيه بس عاد ديري بالج خلّيج بالدايت على طوول نبيج بتيييييييت وسمبتيييييك
تحياتي لج
ana_sokkarah:
--------------
مرحبتين يا سكره
هذا اللي يجيبه التاع
نشر الفضايخ
هههههههه
خزانة تقولين كنز
من كل سفرة بهار وسوسات وخلطات
يلا انتي معزومة عندي اعرفج على خزانتي
ابتلشنا بالدايت بس الحمدلله النظام اللي ماشية فيه مافيه حرمان
ووايد مرتاحه منه
وانشاء الله تشوفيني سمبتيك بس مو بتيييت
كل الحب والود
نتشرف بطلاتج الحلوة علينا
خوش تاغ
أنا وعيالى بالعيد نلبس كلشى يديد
أحب الطبخ ما هالأيام صايره كسلانه
أحب الآيس كريم بالشتاء لأنه يعطى إحساس بالدفء
أخاف من الأماكن المرتفعة والمزدحمة جداً والمغلقة
أحب الجمعية ، لكن هالأيام صايرة زحمة ما تنبقى
العين الساهرة:
-------------
هلا والله
هههههه
طلعنا معلومات عنج
ووايد في اشياء متشابهة بيننا
تشرفنا بزيارتج عزيزتي
ولا تقاطعينا
طقــــوسك كلها تونس الصراحه
وانا مو مؤيدين وجماعه الكاكاو بعنف
خصوصا بالحالات النفسيه السئيه
يعطيج العافيه :)
my sold:
--------
عسى الله يونسك بالعافية عزيزتي
عاشوا مؤيديين الكاكاو
هههههه
والله انه يوسع الصدر في ضيقة الخلق
الله يعافيج
وخلينا نشوفج دايما
لا تقاطعينا
تهبلييييييييين
معلومات تونس
1. نبي نعرف التاريخين .... ونبي نعرف تاريخ ميلاد ديللي بعد
2. من ناحية الملابس الجديدة . آنا معاج على طول الخط .. يختي الود ودي كل يوم ألبس ملابس جديدة
3. ليش النحاسة .... ما خبري فيج نحيسة .. كريمة وحبيبة
4. ومنو ما يحب الكاكاو؟؟ يا شاكالاطة أنتي
5. الآيس كريم في الشتا يدفي
6. لا لا ... ما اتفقنا
7. وسواسية .. تصدقين باين عليج
8. هههههههه ... يقولون اقصر طريث لعلاج الأمراض النفسية .. هي اعتراف المريض بمرضه .. وانتي ماشاالله عليج .. قلتيلنا عقدتج وحللتيها بعد
9. على حسب المكان
10. ونااااااااااااسة
الصراحة شوقتيني اذوق من طباخج
Alia:
-----
ههههه
والله انتي اللي تهبلين
التواريخ سرية للغية جدا جدا
الا في الطبخ نحيسة
شسوي؟؟
بس مو على الكل على البعض فقط
أشوا الاغلبية يحبون الشوكولاته والايسكريم شتاءا
هههههه شفتي شلون دكتورة نفسية
وانشاء الله وضروري لازم نذوقكم طبخي
وان شاء الله يعجبكم
مملوحتي ... طافج أمس.. ذكرتج وقمت أتبوسم بالشارع بروحي :)))
أمس مريت باسكن روبنز .. مشتهية نكهة معينة عجيبة .. والله وجان ألقاها .. جان أقوله أبي سكوب كبير مع الكون البسكوت
وعينيج ما تشوف إلا النور ، جني ياهل معطينها هدية .. وآكل هالايس كريم وأنا ماشية بهالبرد تحت رذاذ المطر .. طعمه شنو لذيذ بالشتا ..قلت صاجة المملوحة يابتها :))))
Love Potion
OR
Cupid's Catch
جربيها .. خوش نكهة
مادري ليش اسمين مع انهم نفس الشي
مملوحتي
السفر بدون أطفال ورجال روعة، معاح عالخط وبانتظار سفرة هونغ كونغ
بس يا مملحتي انتي تحبين البهارات والصلصات؟ يعني بالسفر نروح الجمعية؟
قولي جواتي، قولي جنط (أحر بعض الناس) قولي هدوم، قولي أي شي الا البهارات
الله يبهر أيامك ويملحها ويحليها دايما
قولي آمين
وااى الفال لى يا مملوحه
ما ادرى شكتب عنى انا بعد تااااقد منا
ههههههههه
حاولت اساحل يشيله عنى بس ما كو فايده
بس خوش طقوس عندج واعجبيتنى طقوس العيد
شكلى بغش منج مملوحه
وايد فيج منى
:)))
مملوحة,,,
الكاكاو,,,
قرأت مرة أنه يعطيك نفس أحساس الوقوع بالحب!!
فوبيا الاماكن والزحمة,,,
لها علاج وعلاجها مو صعب,,,,
سفرة بدون يهال,,
الله يحفظهم,,,
ما فيش أحلى من كدة
؛)
وهابي بيرثردي كل يوم
:)))
يا مملوحة
زادك الله ملحا وجمالا,,,
هههههههههههههههههه سالفة السفر والله صااااااااجه انا اايدج بهالشي ونفسج احب السفرات القصيره احلى...^___*
Witty:
-------
هلا والله في صغيرونتنا الحبيبة الغالية
الله يذكرج بالخير حبيبتي
والله القلوب شواهد
:**
انا اليوم ماكلة ايسكريم من باسكن روبنز
وحرمت روحي من العشا والسبة هالغبر
هههههه
عذاااب
:"(
بس بدون رذاذ مطر للاسف
حبيبتي ويتي
اكيد هذااسم ايسكريم مو افلام ولا مسرحيات
هههههه
:))
White Wings:
------------
هلا بالغلا والحب
والله حبيبتي هذا دايما شرطي على صديقاتي في السفر
راحة واجازة رائعة بدون ازعاج
:)
هههه أكيد
ان شاء الله بعد ما نحصل الجائزة ونعالج صديقتنا من الخوف
يوم أروح الجمعية أخلص أشغالي وعقب اجابلج في الاسواق الازيائيه
آمييين
وايامج يا حبيبة القلب
charisma:
---------
هلا والله في الغالية
ان شاء الله تتسهل معاج
والله يعيتج
طلعت فضايحنا
ههههههه
غشي حبيبتي واخذي راحتج
لي الشرف في اني اتشابه وياج
:))
ناطرين الفضايح
amal:
-----
هلا فيج يا الامل
ايه والله انا في عشق ابدي مع الكاكاو
ان شاء الله اتعالج عنهم بأقرب وقت
راحة واستجمام وهدووووء
مشكورة حبيبتي
وشرفتي مدونتي بوجودك
يا كل الامل
q8ya:
-----
هههههه
جربوها مرة
تعشقونها وتعيدونها كل مرة
ههههه
خوش دعاية
عاد شيفكني من الاخوة الرجااال؟؟؟
هاهاهاهاهاهاه مملوحة؟ يا شقوول! أقص عليج يعني؟
لا والله حشى هذا اسم النكهة بس مو دايما تلاقينها .. أنا أتصيدها أصلا وأييب منها وأخزن بالفريزر :D
معلوماتج كلها موضوع واحد
البلعه
بس مال عيد ميلادج فهميني ....ممكن؟
3ateeja:
--------
هههههه
بذمتج معلوماتي كلها
موضوع واحد البلعة؟؟؟
ههههههه
غلطانة حبيبتي
اربع من اسراري بلعة والباجي معلومات عامة
اشلون افهمج ان عندي شهادتين ميلاد؟؟
نبدأ الشرح
ضاعت الاصلية وانا صغيرة وطلعوا لي بدل فاقد
وعقب لما بقوا يسوون لي الجنسية لقوا الشهادة الاصلية
وتوته توته خلصت الحدوته
وصلت ؟؟؟؟؟
بوست جديد يبا
:)
اجابات مرحه
فيج مني
الاماكن المرتفعه شي يضيق الخلق
barrak:
-------
شكرا اخوي براك
لي الشرف ان فيه تشابه بيننا
ايه والله يضيق الخلق
White Wings:
-------------
تأمرين أمر
يا ينحان بيضاء
هههههههه اتفق بالنسبه للسفر بدون يهال و بدون رجال
ماعدا اطفال معينين طبعا :P
ليلحين ما حليت واجبي :S
هههههههه
الحمدلله في اتفاق بيننا
يلا حبيبتي حلي الواجب خل نشوف الاسرار
آآآآآ في تآمر هنيييي آنا بروح معاكم والله آنا خوووش بنيه ما أذيكم ماماتي أصير عاجله بس بسااافر بغيّر جو
تحياتي لج وباتنظار جديدج حبي
اووووووووالله يعني بعد 18 سنه لقوها ...عسى ما لقوها اببطل عالبحر ههههههههههههههه
والله قصه
ana_sokkarah:
--------------
ههههههه
والله ما في تآمر
خلاص حبوبة ناخذج معانا مرة نجربج
الف تحية وود لج
وانتي تأمرين عزيزتي
جديدي قريبا
3ateeja:
---------
تصدقين بعد 15 سنة فقط لقوها
بس للاسف مو في بطل لقوها في ملف في الوزارة
شفتي شلون القصة صارت مشوقة
بركـــان يعز المرأة التي تتفنن في عمل الحلويات .. مو مهم الأكلات الدسمة ..
أهم شئ الحلو .. و أفضل حلو اللي يكون شكله حلو :)
بركان (المدرسه الفرنسية)
فرصه سعيده لتعرفنا على مدونتك
مريني يا مملحة عالم البلوغ :) عندي اقتراح وأبي رايك فيه
إنتي وينجججججج؟؟؟؟
ياللا تعالي وإلا أحن عليج نفس ما حنيت على ديللي !!
:/
witty:
------
انا هني كاني
وين اروح؟؟؟
حني حبيبتي
حلوة حنتج يا صغيرونة
هاو يا شقووووول!!!
إهني؟ عيل وين منخشة؟ لا نشوف تعليقاتج ولا موضوعاتج!!
هااااااا ... طحت عليج .. شمشغولة فييييه؟؟؟
عيل شكلي بحوّل حنتي عندج علشان تغيريين هالموضوع!!
إيه والله اهني وأنا على بالي مسافرة :P
witty:
------
ويتي يا حبيبتي
هههههههه
ماني منخشة ولا شي
بس شوية اتغلى
هههههه
حني على كيف كيفج
عسل على قلبي من الصغيرونة
وان شاء الله راح اكتب البوست اليوم علشانج
Post a Comment