أحلام طفولة
عقب ما خليت الوالدة تقرى البوست السابق دمعت
عيونها تأثرا بما كتبت وكانت بتبدي الفلم الهندي
فحبيت أغير الموضوع وأخليها تضحك جان أذكرها في النقاش اللي دار بينها
وبيننا مجموعة اليهال عن مواصفات أزواج المستقبل اللي نتمناها
وكانت أعمارنا بين ال12 وال14 سنة
"ما أدري الله يهديها شهالأحراااج؟"
بس من كثر ما كنت وايد لاصقة فيها وقريبة منها ما كنت أستحي إني أسولف معاها عن أي شي
المهم أنا فلتة زماني كانت إجابتي كالتالي
أبيه يلبس نظارة و عسماوي"يكتب بايده الشمال" وألتغ " لا ينطق حرف
الراء بطريقة صحيحة"وضروسه بارزة مثل الارنب
امي ماتت من الضحك وقالت مملوحة شهالمواصفاااات؟
صراحة مواصفاتي خالف تعرف أو إني كنت أبي شي غير عن المألوف
حكييييييييييييييييييمة اسم الله علي
************************************
الموضوع هو ماذا كانت مواصفات زوج /زوجة المستقبل وأنتم أطفال؟
وهل تغيرت مواصفاته / مواصفاتها الآن أم ما زالت على ما تمنيتوه في الصغر؟
أسئلة أتمنى أشوف إجاباتها
52 comments:
صباح الخير
مرحبا ملايين و لا يسدن فيج و في الوالدة الله يحفظها لج
اتمنى تقرا كلامي الوالدة
بنتج فعلا حبوبه و كلامها و مواضيعها جدا مميزة و مفيدة
صباح الخير يالملح وقبله
التغ اوكى ممكن يشوق واتحلى عليه
بس اضروسه ناطه بره !!
مملوحه عسى ماشر
ههههههههههه
امم اذكر كنت ابى واحد يشبه توم كروز لان كنت اموت عليه وانا بهالعمر
قزرت مرحله التين ايج ابى شبه توم كروز
بعدين كبرت
ويا ليتنى كنت ياهل احب توم
:/
فى الكبر يا مملوحه
لا تعليق
انا نوعى لى قلبى حب ما اشوف الا بقلبى
:/
قراده بعيد عنك
يا حلو الصغر بس
ما كل ما يتمناه المرء يدركه
تجرى الرياح بما لا تشتهى
السفنووووووووووو
:/
الاستاذ بلاليط:
-------------
مرحبا بك
الله يحفظك ويحفظ لك كل غالينك
مشكور وايد يا خوي
بس ما جاوبت على اسئلتي ؟؟؟
charisma:
---------
احلى صباح
لأغلى الناس
هلا بضحكة القلب
شفتي مواصفاتي عجيبة
بس واااايد تغيرت بالكبر
خوش مواصفات
توم كروز ولا عنه
علامج في الكبر ؟؟
بس بعد هذا احلى شي
انج لقيتي الحب اللي
يخليج ما تشوفين غيره
الله يهنيج ويسعدج ويخليكم لبعض
ويبعد عنكم عين الحساد
هههههه
احلى شي السفنووووووووو
مملوووووحه !!! أشهالمعوق اللي تبينه فارس أحلامج ياااا حااافظ !؟
والله أنا ماااا كانت عندي مواصفات ألا أنه طوووويل .. ومملوح .. طبعا أهني نتكلم عن الشكل فقط .. غير الشخصية والأخلاق هذول يبيلهم قعده
:)
وأذا على تكلى الحب ... ترى الحب أعمى وقايده مينوون
عجييييب موضوع البوووست .. مشكورة
:)
ana awwal kan roshdi abathah,
ama 3ogob fsar faris a7lami oho magnum ilmazyoon (Tom Selleck) shofeh 3ind vancouver w ma zal.
shkli ba'3ayyer nikki ila 3ashiqat magnum ilmazyoon:)
DiLLi O MiLLi:
--------------
هههههههه
سمعت اسمي وانا هني
انا كنت صغيرونة يا غلاتي
هذا اللي كنت ابيه شسوي بروحي
خوش مواصفات
كلش مو متطلبة بعد عمري
اكيد الاخلاق والشخصية
شي ثاني وفيها شروط ومواصفات كثيرة
صح لسانج قايده مينون
انتي اللي مشكورة على المشاركة
salfa3ajeeba:
-------------
والله خوش فارس احلام
ذوقج وااايد حلو
بس تصدقين ما تغير ذوقج وايد
لان توم سيلليك يشبه رشدي اباضة
خوش اسم عجييييب
حياج الله ولا تقاطعيننا
أنا بسألج سؤال ؟
هل تغيرت مواصفات زوج المستقبل في عينج أم للحين تبين نفس المواصفات !!؟!؟؟
:P
عفوا بس أظن سؤالج موجه للإناث مو
علشان جذي ما جاوبت
kuw_son:
--------
ههههه
طبعا تغيرت
سؤالي يا أخوي العزيز للاناث والذكور
لا تتهرب من الاجابة
ههههههه
انتظر اجابتك اذا ممكن
مواصفاتج كانت عجيبة
بس الاعجب اذا مازلتي تبين نفس عالمواصفات
بالنسبة لسؤالج
كنت اتمني ان يكون زوج المستقبل
يشبهه أخوي في كل شي يعني شكلا ومضمونا
والحمدالله لقيته بس فييه اختلاف في الشكل طبعا هههه
بس المضمون نفسة تقريبا مع اختلاف بعض الاشياء
يعطيج العافية
لا لا تغيرت كليا
كانت شقاوة طفولة
الله يخلي لج اخوج
والحمدلله انج لقيتي ما تمنيتي
شكرا لمشاركتج
:)))
الله حتى انا كنت ابي عسماوي بس ماحصلي
لووول
بس كنت ابيه يحب كرة القدم
والديوانيه
والحمدالله تحققت
بس
امنية الديوانيه تراجعت عنها خلاااص
لوووول
يعنى ما ادرى الصراحة شنو هالموصفات والحمدالله انها تغيرت والا جان الصج الصج لصج غيرت نظرتى عنج :))
في احد يدور الجكر :))
what will be , will be:
-----------------------
هههههه
اشوا شكيت بنفسي
اكو احد غيري
الحمدلله انج لقيتي اللي كنتي تحلمين فيه
وان شاء الله تنحل مشكلة الديوانية
مشكورة على الزيارة والمشاركة
Mishari:
--------
ههههههه
والله كنت صغيرة
وما ادري شنو هالمواصفات اللي اخترتها
بس تعال ليش ما جاوبت على اسئلتي؟؟
انطر الاجابات يا وخيي
تصدقين فكرت واااااااااايد وعصرت مخي المشكلة إني مااذكر تصدقين ؟ والله جد مااذكر يمكن لأن ماكنت افكر بهالموضوع!؟
واليوم ياوخيتي ماكو شي معين في بالي على قولتهم أهم شي الاخلاق :))
واذا على سالفة الحلاة او الجكر فيعني يمكن جيكر بس الله يحليه بعيني؟ ;)
--
والله مايندرى اللي كاتبه ربي بيصير ^_^
--
سلمي على اميمتج سلامن جثير ;))
Relaaax:
--------
الله يرزقج باللي يسعدج ويهنيج ان شاء الله ومثل ما قلتي الشكل آخر الهم
الله يسلم عمرج حبيبتي
شوفي مملوحتي
أنا كنت ابي اسمه عادل، وبعدين غيرت رأيي وبغيت اسمه عماد
طويل ودايماً يلبس بدل، وكله يرقص معاي سلو
غني وكله يقول لي روحي اشتري وابعثي الفاتورة على مكتبي
يحبني وايد ودايماً يسفرني درجة أولى وأكون لابسة قبعة في المطار وبايدي جنطة مكياج مالت أول، عرفتيها؟؟
والحين
اسمه لا عادل ولا عماد
طويل بس ما يلبس بدل وايد، واذا لبس صار زوغة
يرقص طل بعيني
الغنى غنى الروح (حجي فقارة) بس على طول يشتري لي هدايا...كله على الفيزا
يحبني ويسفرني، درجة الواحة مو الأولى، وأعتقد اذا لبست قبعة وشلت جنطة مكياج بيضحك ويضحك كل المطار علي فما في داع
فاهم، محترم، عقل متفتح، والوحيد الي يعرف كل شي عني
هالأيام حاط سكسوكة باطة جبدي، يقول ما يحلقها لما شعري يوصل خصري
رياييل، ماكو فايدة فيهم
:)
ولهانة حبيبتي
بوست جميل
انا فاهمة قصدج تصدقين
انتي قصدج ما يضيع بين الريايل لانه صفاته جدااا جدااا نادره
hehehehehe
:))
انا كنت دايما احلم بواحد اسمر سمار الكويتين السنعين
ومستعيل وحاط جرميبه
ليش الجرييييييمبه؟
مادريّ!!
يمكن عشان يعطيني احساس انه رجل بمعنى الكلمه ماعنده وقت حق الكريمات والتكشخ
هذا من ناحية الشكل
من ناحية الشخصيه كنت دايما اقول ياربي يرزقني واحد سوالفه حلوة ودمه خفيف،لانه وايد يكسر خاطري الريال القراق ودمه ثقيل وينكت
ولا احب الريال لللي يحب قعده الحريم:)
السؤال الثاني:
هل وجدته في الكبر؟
نوووو
ما زال هو يبحث عني وما زلت انتظر
وتدرين الشوارع كلها زحمه فانا ناطرة وعاذرته وعندي احساس انه بنجر بالطريج:))
السؤال الثالث:
شنو اللي تغير؟
وايد وايد اشيا تغيرت
يكفي اني ما قمت احط مواصفات
اتمنى التوفيق وفقط:)
White Wings:
------------
اعتقد ان بو طلال مليون مرة احسن من عادل وعماد ولا شرايج؟؟
واهم شي انه اذا لبس بدلة يصير زوغة
يلا ننطر شعرج يوصل خصرج
الله يخليج لبو طلال ويخليه لج
والله يحفظكم لبعض
واااااااااايد ولهاااااااانة
:**
butterFlier:
------------
مشكورة عزيزتي
esTekaNa:
---------
هههههههه
انتي الوحيدة اللي فاهمتني
سؤال ليش مستعيل؟؟؟
صاجة يالغالية كلش والله الريال الهذار ثقيل الطينة
لاااااا يحوووووشج
ايه انا متأكدة ان بنجر في الطريج
الله يوفقج باللي يستحقج ويستاهلج
واللي تتمنينه
سؤال صعب وقوي
انابجاوب عن هذا بس
ماذا كانت مواصفات زوج /زوجة المستقبل وأنتم أطفال؟
وانا طفل كنت اتمنى اتزوج وحده شعرها طويل وتكون معوقه
ماتقدر تمشي
لاتسألوني ليش
بس كان حلمي اني اتزوج وحده اساعدها واخدمها
واخذ اجر
انا احب الجمال البسيط ولا احب الخبة ولا احب البنت اللى تلطخ ويها مكياج يعنى تقدرين تقولين دقة قديمة
لو كانت مو متحجبة احب تكون بلبس خفيف
واذا متحجبة احب تكون متسترة عدل
والويه افضل الجمال الهندي
وفى شاعر قديم قال
احببتها سمراء كالخمر والشعر اسود ناعم كالعطر :)
صباح الخير ابنيتي :)ا
بدعتي مملوحه على هالمواصافات :) صكيتي على فصلاتي
حبوبة بالنسبة لسؤالج خل اتذكر لأن بيييييه من سنة الطواعين هالحلم شيطلعه وسط هالغبار :)بس عشانج برد
همممم ما كنت مهتمة بالزواج بس كنت لما يبون الطاري اقول لو اتحطون ريل بالسما وريل بالأرض ما اتزوج من نفس الفئة ولا راح اتزوج الا عقب الماجستير !! اخاف بس !! تزوجت من نفس الفئة وعلى آخر كورسين طلعت !!ا
بس كنت دايما ادعي ان بواعيالي يكون ذكي وشجاع وكريم ولا يكذب واسمر السمار الحلو :)والحمدلله الله رزقني بهالمواصفات بس فوقهم طلع مزيووووون من كثر زينه ابتلشت :)لكن حسبي الله ونعم الوكيل في صدام :( ما وهلنا :( الحمدلله على كل حال الله ..امبيه جنه صار فلم هندي؟! خل ارووووح :)ا
حافظج الله ياسكره :)ا
barrak:
-------
يا سلام عليك يا براك
حتى في احلامك عطوف
وتبي الاجر
الله يعطيك على نيتك
Mishari:
---------
خووووش مواصفات
بس هذه مواصفاتك اللي تتمنيتها وانت كبير... صح؟
بس شنو مواصفاتهااللي تمنيتها وانت صغيرون؟؟
والسؤال الاخير اللي تمنيتها في الصغر.. لقيتها في الكبر ؟؟
om-bukhnag-zare:
----------------
صباح النور وخيتيي
هههههه
هذي فصلت الطفولة
أي فئة؟؟؟
اللقافة اشتغلت... هههه
الحمد لله اتج لقيتي ما تمنيتي
:(
شنو صااار؟؟
جنج يالغالية علقتيني
عسى ماشر؟؟
حسبي الله الف مرة على صدامو واعوانه
صبحج الله بالخير ابنيتي المملوحه :)ا
الحمدلله اني شفت في عالم المدونات ملقوفة مثلي :) اللي اقصده اني كنت رافضه آخذ إبدوي .. وأخذت :)أما عن شنو صار .. فالله قدر عليه الأسر .. والحمدلله على كل حال حبوبة
حافظج الله حبوبة
الســ عليكم ــلام
و الله اعتقد ان حلمي و حل كل شاب ان
يتزوج وحدة هادية قليلة الكلامة
وما تغير حلمي ولا راح يتغير
مدونة جميلة و مواضيع حلوة وايد
الله يوفقج
om-bukhnag-zare:
----------------
صبحج الله بالخير وخيتي ام بخنق زري
هههههههههههه
والله انا في الحياة ماني ملقوفة
بس دخلت عالم المدونات زادت اللقافة
بعد عمري انتي
اي والله الحمدلله على كل حال
الله يخلي لج عيالج ويبلغج فيهم يا رب
الله يحفظج حبيبتي
خسرتني للأبد:
-----------
وعليكم السلام ورحمة الله وبركاته
خوووش اختيار
شكرا وهذا من ذوقك
الله يسلمك
مملوحة البلوغات .. اولا الله يخلليلج الوالدة وتظلون قراب من بعض شذي دايما
وسمعي الله يسلمج
أحلامي كانت كالتالي: طويل أشقر عيونه خضر ويحبني موت وما يتغير علي حتى بعد 50 سنة
الحين لو تقولين لي كويتي أشقر وعيونه خضر أقول : لا يحوشك
هل وجدت حلم الطفولة: أقدر اقول ان اللي حصلته وايد أحسن، يعني شبسوي في الاشقر بو عيون خضر إذا ما يحبني وإلا اذا تافه وغبي، وشبسوي بللي عنده فلوس بس بخيل أو يلعب بذيله
خلينا عالفقارى، ما عندهم فلوس يفتحون بيتين
هل تغيرت مواصفاته عن الصغر: 100% غير
يعني مو وايد طويل، مو أشقر، عيونه مو خضر ... بس فاهمني عدل، يحب بيته، طيب، عقله كبير، متفتح، ووووو (عن الحسد) بس اهم شي انه يحبني مووووت
كثير حلو الموضوع
في الطفولة كان توم كروز
هو فارس احلامي
اما في الكبر
صار جورج كلوني
لووول
ما اذكر اني كنت افكر بهالفارس يوم كنت صغيرة
بس كل اللي اعرفه انه كان يركض على حصان ابيض.. لول
ولازلت انتظره :)
تحياتي
t9adgeen a3arif wa7id bnafs muwa9afaatich bil'9ab6 bas mo 3a9mawy ..!!! '3areeba !
awal ayam a7lam il6ufoola kinna ana o wild 3ammy mfakreen intizawaj :D
bs al7een walla ma yindara ildinya kbarat wayed w '9i3na feeha
Alia:
-----
هلا والله في الغالية عاليه
مشكورة والله يخلي لج اهلج
هههه
حلوة المواصفات وايد
بس مو على كويتي
ايه والله لا يحووووشك
الحمدلله انج لقيتي اللي احسن مو اسوأ
والله يخليكم لبعض
هههههه
اتقلت لج العدوة من الطويلة
الفلوس كلش مو مهمة اذا لقيتي اللي يفهمج ويحبج ويقدرج
الله يبعد عنكم عيون الحساد ويديم الحب والسعادة بينكم
الوجد:
-------
خوش مواصفات
ان شاء الله
تتحقق لج
مجرد انثى:
----------
الله يرزقج اللي يسعدج ويهنيج
وياخذج معاه بحصانه الابيض
Anonymous1:
-----------
حسافة مو عسماوي
لا مش ممكن لازم جميع المواصفات
Anonymous2:
-----------
الله يرزقج بالزوج الصالح اللي يسعدج
ان شاء الله
الموضوع هو ماذا كانت مواصفات زوج /زوجة المستقبل وأنتم أطفال؟
عمري وانا ياهل ما فكرت هالتفكير او احد وجهلي هالسؤال ولكن يوم كبرت شوي وصرت احليوه كنت ابيه يشابه خالد الحربان
وهل وجدتي/ وجدت حلم الطفولة في الكبر؟
اي وجدته وغيرت رايي
وهل تغيرت مواصفاته / مواصفاتها الآن أم ما زالت على ما تمنيتوه في الصغر؟
لا تغيرت ونص ...بس صج كنت احب خالد الحربان ومازلت
مساء الخير مملوحه..
انتي زين مواصفاتج معقوله انا شتقولين عني؟؟؟
انا من عمري وانا اتخيل فارس الاحلام يجيني لابس ابيض وراكب فرس ابيض ماشالله علي متأثره بالافلام الكرتونيه :)))
بس الحمدلله كبرت وتغيرت نظرتي عرفت ان الاشياء تفاهات وكلها رسوووم مو صج ^_^
hehehe
بوست ممتع
واستمتعت بقراءه الردود بعد
:)
3ateeja:
--------
عاد مو ياهل كلش
يعني فترة المراهقة
خالد الحربان كشخصية او كشكل؟؟
امبراطورة اشعاري:
----------------
ههههههه
لا انا اهون منج واااايد
شاكرة لج مشاركتج
nescafe:
--------
مشكورة عزيزتي
من ذوقج
اممم مملوحه ماكنت افكر بزوج المستقبل كنت دايركت افكر بالاطفال ..!!!
والحمدلله ان اطفالي ماطلعو مثل ماكنت ابي جان قالو عنهم معقدين والحمدلله ان تغيرت نظرتي او تصوري لهذا الشيئ
س: هل تغير تصورج عن زوج المستقبل او لي الحين تبينه مكطسره ضروسه ؟؟
afyaa2:
-------
هههههه
شنو كانت مواصفات اطفالج؟؟؟
لا لا كلش تغيرت
هذي كانت احلاااام طفولة
والحمدلله تغيرت مع المراهقة
ونضجت مع الكبر
كنت ابيه غير عن الناس .. فيه شى يميزه عن غيره
في علمه .. في شخصيته
ابيه مميز و الا اللحين ابيه مميز
عسى الله يرزقني اللي في بالي
san3a_wa_laken:
----------------
يا سلااام
خوش مواصفات
صعبة يا سنعة ولكن
الحلو ما يكملش
الله يرزقج اللي في بالج يا رب
قوةالصرااحة خوش موضوع يعطيج العافية
كنت أتمناه في الطفولة طويل أسمراني حلو ويحبني وايد وايد وايد طيب فيه شوية ينون دمه خفيف وكنت اقول حق امي انتي اختاريلي اياه لووووول حدي بدعت
ولما كبرت تنازلت عن وايد أشياء لانه خوش ولد :) ومواصفاته أبيضاني مو أسمراني ومتبتب مو ضعيف ومو طويل بس الحمدلله انه طيب ويخاف الله دمه خفيف فيه نوع من الينون اللي فيني لوول وأهم شي واللي كنت أبيه صار انه امي شافته قبلي :)
أهم شي الأخلاق مو الشكل :)
مشكورة على الموضووع العجيب والمواصفات اللي كنتي تبينها مو صعب تلاقينها ;p
والله يخليلج الوالدة يارب ويطول بعمرها انشالله :)
Sara:
-----
الله يقويج عزيزتي
احلى شي فيه ينون
ايه والله وانا اختج الاخلاق اهم من الشكل
مشكورة وايد على مشاركتج
ويخلي لج من تحبين يا رب
Post a Comment