حبايبنا
حبايبنا وش الدنيا بلاكم ملاه الشوق قلبٍ ما سلاكم
يضيق به الفضا بعض الليالي إلى دور نديم وما لقاكم
حبايبنا ترى الفرقة صعيبة على مثلي مولع في هواكم
حبايبنا إلى يوم اجتمعتوا ومر الذكر في سيرة لقاكم
فلا تقولون يمكن انه نسانا حرام الظن في اللي ما نساكم
ترا يمكن اذكركم واغني ملاه الشوق فلب ما سلاكم
حبايبنا....وش الدنيا بلاكم
42 comments:
حبايبنا ترى الفرقا صعيبه
على مثلى موله فى هواكم
حبايبنا اذا يوم اجتمعتوا ومر الذكر فى سيره لقاكم
الله يصبرنا على فرقاهم والله لا يطول الفرقا
دامهم بخير ومستانسين هذا اهم شى
والله يجمعنا معاهم على خير
امين
:**
عجيبه هلاغنيه وكلماتها اتعور القلب
تسلم ايدج مملوحتى
charisma:
---------
هلا والله بضحكة قلبي
ايه والله .. الله يصبر قلوبنا على فراقهم
وعسى الله يونسهم بالعافية
ويكونون دايما بخير
ويردهم لنا سالمين
الله لا يفرقنا من شر
من ذوقج حبيبة قلبي
ويسلمج يا رب
:**
يا حبيبتي وعمري أنتي
عرفت فيك حلو اللقى
وعرفت فيك مر الفراق
الله يصبرني عليك
مال الحياة دونك مذاق
ماعاد لي منك هروب
ضاقت علي كل الدروب
يا احلى بشر في ناظري حبك تملك خاطري
آن الأوان جيت اعترف ولأجل تعرف إني
أغليك
ومثل ما قلتي الله لا يفرقنا من شر
:**
DiLLi O MiLLi:
--------------
غلاتي ودنيتي
الله لا يطول الغيبة
ويردج بالسلامة
ويجمعنا بخير
شكثر لج وحشة
ولهت عليج من اللحين
خذتي قلبي معاج يالغالية
يا صديقي ولاني يا صديقي مسميك
من غلاك احفظ اسمك واتمثًل سجاياك
يا صديقي ولا احْدٍ بالصداقة مجاريك
ان غفلنا تذكًر وان ذكرنا لقيناك
عسى ربي يحفظج من كل شر
ولا يخليني منج
:**
ويه هالاغنية لها ايام حلوة
اختيار جميل جدا :)
mishari:
--------
اغلب اغنيات عبدالمجيد روعة
ولنا معاها ذكريات حلوة
شكرا اخوي من ذوقك
عبدالمجيد عبدالله...الفنان الرقيق
أحسنت الإختيار، والله يرجع الغالية بالسلامة وبسرعة
يعني ما نشوفج وهي مسافرة؟؟
:)
White Wings:
------------
هلا والله في الغاليين
مشكورة من ذوقج الحلو
اللهم آمين وايد لها وحشة
اكيد لازم بنتشاوف
:*
ذووووق وملح
عساج ما تنضلين
:)
ما تتخيلين شكثر احب هالاغنيه
تدمع عيوني وياها
تذكرني بايام عفست عيال خالتي
واخوي
ومابقى احد ما وصيته
ابي اغنيته ملاهي الشوق
لاحظي ملاهي
يا بنت ماكو اغنيه اسمها ملاهي
ابد الا في
:)))
واخر شي استوعبت انه ملاه
وماحد ياب طاري الملاهي
ههههههه،فشلت منهم والله
تينن الاغنيه بس مع ومسم الصيف والفرقا احسها تبجي
esTeKaNa:
---------
مشكوووووورة
من ذوقج والله
اخجلتم تواضعنا
انا مثلج اعشقها
ووايد اتأثر فيها
ههههههه
ذكرتيني في اغنية نبيل شعيل
متى يوعى ضميره
هههههه
كنت اغنيها انا وبنت خالي متى يوعد منيره
ههههههه
ما يخالف لا يضيق خلقج اكو مثلنا وااااايد
اي والله تبجي وخاصة اذا سافروا غاليينج
سلامت قلبج
خوش اغنيه لكنها تعور القلب
متلف الروح:
-----------
ويسلم قلبج يا رب
اي والله عوار قلب
وخاصة في غياب الغاليين
hahahahahahahaha
:)))
واي ما قدرت مت من الضحك
تصدقين انا تأثرت اكثر بمتى يوعد منيرة
احلى من متى يوعى ضميره
وسألي كريزما ليش
:)
واهم شي انج انتي وبنت خالج
يعني مو واحده بس مو سامعه غلط
لا ثنتين ويغنون بعد
:Pp~
esTeKaNa:
---------
هههههه
ستري على ما قريتي
عن الفضايح
لا لازم اسألها
اشتغلت بلاغة الشف
ههههه
شفتي شلون؟؟؟
ما وقفنا لين زفتنا بنت خالتي وقالت لنا عن الكلام الصح
بس تصدقين انا حبيت متى يوعد منيرة وااايد اكثر
هلا بلي له الخاطر يهلي ومن الفرحه روحي به تهلي :) اشلونج ابيتي ؟؟
الله لا إييب الفرقا لا لج ولا لحبايبج حبوبه فرقاالصيف والدراسة فرقا مؤقته مقدور عليها وإنتصبر
بس اللي ما نقدر عليه ذيج الفرقا اللي تعور القلب :(ا
هالأغنية واغنيته الثانية استكثرك وقتي علي وااايد حلوين بس اصد عنهم لأنهم يذكروني بالغالي
حافظج الله حبوبه
اختيارج لهذه الكلمات بالذات اختيار أقدر اسميه اختيار بالاحساس الشاعري
الكلمات جداً مؤثره وجميله ولها من الأحزان مالها من فرح :))
وإذا تسمحين أدعم اختيارج من الكلمات
باختياري من كلمات أخرى .. = )
.....................
يقول اختياري :
أمّنتك الله يا حبيبي أبرحل
يمكن غيابي يعرّف الشوق قلبك
مع مرور الوقت أرجوووك اسأل
خل الوصل لو يوم من بعض طبعك
أنا بغيب وان كان لك قلب ازعل
اعطيني أعذارٍ وانا أبقى بحبك
كلمة حبيبي في مدى الهجر تذبل
دام الصدود اليوم هو شرع حبّك
لا عاش لك قلبٍ اذا الظيم يقبل
ولا ينفعك زينٍ اذا الغدر طبعك
يا ناسين قلبي ترى الجرح يوصل
دامك تناسى من هو اللي يودّك
يا معلمٍ قلبي ترى الحب أجمل
قلبي حبيبي يعرف الحب قبلك
مع مرور الوقت أرجوووك اسأل
خل الوصل لو يوم من بعض طبعك
آسف عالاطاله وشكراً
om-bukhnag-zare:
----------------
هلا باللي زيارتها لي اكبر تشريف
يا ام بخنق زري وبالحلا مالج وصيف
قمنا نقصد حق الغاليين
اي والله حبيبتي الله يعين
صاجة يا وخيتي الاغنيتين عوار قلب
وآسفة اذا ضايقتج الاغنية
يحفظج ربي من كل شر يا وخيتي الغالية
U_SF:
-----
مشكور اخوي على هالوصف الحلو
الله الله على اختيارك
لا يا خوي اذا جذي اختياراتك
طول على راحتك
اي والله يامملوحه وش الدنيا بلاهم؟
الله اللي يعلم وش الدنيا بلاهم
الله يردهم بالسلامة
لهم شوق ووحشة مالها حد
الله لا يبين غلاهم
الشكر لك العمل وحتى دائما
David Santos
كل شي يهون في هالدنيا الا الفراق..
ويييييييه
غناوي التسعينيات غير
أول ما قريت أول سطر ..
قريته باللحن .. ما يفارق مخي !!
الله خوش كلام والله :)
كله أحساس ومشاعر :)
حبايبنا يا حبايبنا :)
أخ يا هالكلمات
هالاغنية حيل حيل أتأثر فيها
حدج ذوووق
david santos:
-------------
شكرا للزيارة
محمد بن سالم:
-----------
اي والله يا خوي
فراق الغاليين تعب وعذاب
barrak:
-------
الاغاني القديمة تحلى ولو كانت وحلة
وكل القديم أحلى
Kuw_Son:
--------
صاج يا خوي في اغاني ترسخ
من جمال اللحن والكلمات
Danan_23:
---------
اي والله كله احساس ومشاعر
وعبدالمجيد يغنيها بطريق عجيبة
SHAHAD:
--------
أخ .. وأخ .. وأخ
اخييييه عليها
عوار قلب
والله انتي اللي كلج ذوق
مساج الله بالخير اخيتي المملوحة
عسى الله لا يفرق حبيب عن حبيبة
و شكلج تحبين الاغاني الداثرة مثل اخيج
يازين الدثارة
عثماني:
-------
مساك الله بألف خير
اي يا وخيي الله لا يجيب فراق بين احد
شنسوي اغاني هالوقت خرابيط بدون معنى ولا لحن وشوف شلون الاغاني الداثرة ترسخ معاك وكل ما سمعتها تستمتع اكثر
سيدتي
هذه من الأغاني اللي ممكن أسمعها طول الوقت بدون ملل
ارتباطي بالأغاني الجديدة قليل
يمكن ظروف الأغاني القديمة كانت مختلفة
ولا أنا شيبت
ودمتي بخير
الله
ذكرتنا بالذي مضى
واللي مضى ما يعود
:)
ودمتم بحب وود
بالديسار:
---------
اي والله يا خوي
لا يا خوي شباب شباب
بس اغاني هالايام
مالها طعم كلش
قليل منها اللي ترسخ في اذهاننا
دمت بخير
sologa-bologa:
--------------
اي والله ما يعود يا وخيي
دائما الاغاني القديمة لها ذكرى في قلوبنا
دمت بكل الود
خووووش أختيار مملوحة!
وايد تعجبني مدونتج أنج كلج فخر أنج كويتيه :*
الله يحفظلنا الكويت ويحفظ أهلها
دمتي بسلام
Kwaityya:
---------
هلا هلا اهلا كويتيه
طولتي الغيبة علينا
مشكورة من ذوقج حبيبتي
اللهم آآآآميين
دمتي بكل الحب
بصراحة أغنية جميلة جدا
مدونة رائعة سعدت بإكتشافها
أتمنى أن تستمعوا بوقت طيب ومثمر
بالمناسبة أرجو أن تثيروا قضية هامة للغاية
وهي قضية الحملة المثارة في مصر حالياً
هي فكرة حملة بسيطة للغاية وممكن ان تناسبكم جدا في الخليج
الحملة بعنوان ( افضحوا تجار الكيف ) …
التفاصيل في مدونتي
الســ عليكم ــلام
كلمات حلوة و اختبار رائع
و بصراحة يا مملوحة الي زاد الكلمات حلاوة انج حطيتيها في مدونتج
واذا ممكن طلب نبي اغنية للرويشد
اكيد راح اتقولين ما احبه :(((
صاحب البوابة:
-------------
شكرا لذوقك ومشاركتك
خسرتني للابد:
-----------
وعليكم السلام ورحمة الله وبركاته
مشكور يا خوي هذا من ذوقك الحلو
لا لا لا ليش ما احبه
مافي مشكلة تجي مناسبة واحط اغنية حق عبدالله رويشد ان شاء الله
Post a Comment