قاموس مملوحة للكلمات المفصوحة
داخل/داخْلة القوري
وتقال عندما يكون الشخص في مزاج سيء جدا وضيق
الخلق وما تقدر تطلعه من المود اللي هو داخل فيه
واذا كان وايد متعسر نقول متقلقص بالقوري
المزاج قرنبيطي
وتقال عندما يكون المزاج متعكر جدا جدا جدا
وما يعدله اي شي
أرجنتيني
وتقال لما واحد في الشارع يلف عليك خوش
لفة ويعر عليك ويمكن يركبك الرصيف
او انت تسوي هاللفة الملقبة باللفة الارجنتينيه
وجاء اللقب من اللاعب الارجنتيني مارادونا
أمأس من
وتقال لما تبي تبين ان الشي شديد القبح
اوغير جيد او غير متقن
مأساة المآسي
المتمأسة
ولها نفس الاستخدام السابق لكن اكثر قوة في الوصف والتعبير
مالج / مالك موديل
وتقال للانسان او الشي اللي لا يوصف من عدم التناسق والتبهذل
وخير مثال الصورة اعلاه هذي ملكة اللي مالهم موديل
مديرة/مدير
المدراء المديرين
وتقال للي يتشيحط بمركزه العالي في الشغل وانه الكل في الكل
شنو عندكم كلمات مفصوحة مثل كلماتي؟؟
يا ليت تشاركوني فيها علشان نحطها في القاموس
ولو سمحتوا تحطون معاها الشرح
اللي يبين حق شنو نستخدمها
101 comments:
ههههههههه ... ولالالالا اللي مالها مووديل هههههههههههههه صج مالها موديل من وووين مطلعتها !!!ههههههههه
انا عندي
يامال الدقم : يعني ياااحليلهااا
خرتم : يعني حسينه يعني دايخه
مدوودم : يعني لونه وسخ
يلاااال : لا بردة الحليبه القشطه اللي فوقها انسميها يلااال
هذي الكلمات اللي تحضرني ألحين
:)
بوووست عجييييب وخفيف طينه مثل صاحبته
:)
مشتااااااقيييين
:***
هلا والله في غلاتي
اليوم طاقة الكرت اول وحدة
وبهذه المناسبة راح نحط
اسمج في اول القاموس
ههههه
شعليييييج ؟؟ راح تصيرين مشهورة
حلوة خرتم واااايد حلوة
اما اليلااال الله يحشم يلالج
انا خابرة اسمه ملاي
بس كل شي جايز عند العيايز
مو انتييييي
عيايز الفريج
:))
من بعض ما عندكم من خف طينة
واااااااااااايد
مشتاقييييين
:****
وانقز : لما يصير الشي بسرعه
او اسوي شي بسرعه
وانقز الا يه الصبح
يعني بسرعه
هذي اللي في بالي الحين
خوش اضافة للقاموس
خل انقز احطها
قبل لا انساها
ههههه
شكرا للمرور والمشاركة
مسااء الانوار مملوحتى
البوست عجييب موتينى ضحك
اما داخل القورى هذى يوم سمعتها منج
لووووول حدى تعجبت
انتيكه الكلمه
ههههههههه
شوفى انا داشه اقرى البوست وبنام حدى دايخه كرفت كرف اليهد اليوم
باجر باذن واحد احد مع قهوتى الصباحيه اتمخمخ عدل واطلع لج قاموس العايله الكريمه
:)
تصبحين على الف خير قلبى
:**
يا حلو الى منوره اول كووومنت
دلى ولهت عليييييييييييييييج
:**
خربوطيه...بنيه مو خوش*
كيكة...بنيه حلوة *
متقوقعه...متعسره وبقعد بروحي
كاسره خاطر نفسي...هذي قمة ضيقه الخلق
عايش الدور...لها عده استخدامات ،حق الشخص اللي متسانس على الشي اللي يسويه بزوده وعايش الدور
:))
واشاركج بماله موديل
بوست عجيب صراحة
charisma:
---------
مساء الانوار والليتات والكشافات والسبوتلايتات عليج
احلى شي تنامين وانتي مستانسة
انطر مساهماتج حق تأليف القاموس بفارغ الصبر
وانتي من اهل الخير وتلاقين الخير ان شاء الله
:****
esTeKaNa:
--------
ههههه
لا ان شاء الله القاموس بينترس
حلوة المتقوقعة
حسيت فيها
مشكورة حبيبتي على المشاركة العجيبة
هيهيهيهيهيهيهيه
مدير المدراء المديرين
هاذي أنا
:P
tomorrow morning adezlich kalemaati il ghareeeba
la'ana mokhi imgafl al7een
:)
warda:
------
هلا والله في وردة حبي
ههههه
ايه والله هذي انتي
يلا شدي حيلج الصبح وطلعي لنا المخفي
:**
والله ضحكتنى :)))
متأنتك :))
يعني واحد يايب اليهدة بالكشخة :)
هههههههه تذكرت كلمة كلا تقولها امي كلمة
قطــــــــع او قطيعه تقطعهم ههههههههههههههه ونقولها اذا منغثين من احد لووول
اممممم بعد شنو اكو ؟!!
خليني افكر ولما القى شي برجعلج...^___*
Mishari:
--------
ههههه
حلوة متأنتك
عجبتني
عساك يا خوي متأنتك
Q8ya:
-----
هلا والله بالغايبة عنا
الله يعافي هالبوست اللي خلانا نشوفج
اي والله قطيعة تقطع كل اللي يغثوننا
ههههه
يلا شدي حيلج وانا بالانتظار
لا تقاطعين
هههههههههههههه
واااااي موتيني ضحك
بس تعالي انا أشاركج بكلمة مالها موديل
وعندي كلمه مرادفه لها هلاقه ستايل نفس المعنى
اللون الموديماني : يعني اللون العنابي اللي يلوع جبدي واللي احسه سخيف
اشمعزه : يعني اشمعنى
انشر غسيل : آنسر مشين
بعد مادري نسيت لأنه اغلب كلامي محرف
خوش موضوع وخفيف الدم
charisma
الحمدالله على السلامه حبيبتي ... ياااا حلوج انتي والله
وأنااااا ووولهت عليييييييييج
:***
warda
ههههههههه .. حتى أنا مدير مدراء المديرين
:)
مملوحه
تذكرت وحده
سويلته : يعني مملووح ههههههه
:)
ههههههههههههههههه
حاليا ماعندي
بس اوعدج بكلمات تعجبج :)
مشكور من كل قلبي
SOOOOO cute
post thanks
4 putting a smile on
my face :)
Q8DOLL:
-------
اي اي صاجه
هلاقة ستايل وانا بعد ساعات اقول هلاقة سبنسر
هههههههه
ما ادري من سبنسر؟؟
اشمعزة سبنسر ما ادري؟؟؟
هههههههه
حلوة حلوة انشر غسيل
خوش مشاركة حلوة وخفيفة طينة
الله يعطيج العافية
DiLLi O MiLLi:
---------------
ههههههه حلوة
يعني انا سويلتيه اللحين
طلع الحجي طلع
يلا انطر الباجي
^ _ ^
ابو شملان:
---------
كل الشكر لك اخوي على المرور والمشاركة
وننطر الكلمات
اللي وعدتني فيهم
هاااا ترى وعد الحر دين
وعقب ادخل القوري وما اطلع
hamdol:
-------
اشوا خليتك تضحك مو تدخل القوري او يصير مزاجك قرنبيطي
ههههههه
يعني بوستي
سويلته
على قولة اختي ديللي وميللي
شكرا للمشاركة
صباح الخير
يعطيج العافية على القامووس الحلو
أهم شي الموديل
لوووووووووووووووووول
صبااح الخير يا ويه الخير
اول شى
ديللى الله يسلمج من كل شر حبيبتى
:**
الملح وقبله
صباحج عسل الى اذكرهم كالاتى:
منحشره : يعنى لابسه لبس غصب داشه فيه
احب هالوسع: يعنى متييينه لابسه لبس ضيج
قصة العاافيه:يعنى براااد اللبس
كاافيه اولييه: يعنى سكراى الموضوع حاااالا
يا بوو فهد : يعنى وخروا عنا الاخ لالالاكه شارب
ليلى طاهر : يعنى حمرتج رايحه زيديها او مشيها
بروح انقرف : يعنى بروح نسبح
اقطييييعه : يعنى واحد وااايد حلو يعنى قطعه بالجمال
احبه وما يحبنى: لابسه لبس وغصب لايق على وابيه واهو اييب اليهد عليها
اصبووره ومسجف: يعنى وااحد عصل عصل بيموت من الضعف
زلابطا : اصلع
اراك لا ترانى : يعنى قاعد يطالع من تحت النظاره السوده
فلافل : شعرها خشن
خواتم : شعرها كيرلى من الله
باشطه: امبلتعه
ساحره : يعنى ياهل كل شى اتعرف سابقه سنها
هذا الى يحضرنى واذا ذكرت شى اكتبه بعدين
physio-80:
----------
صباح الورد
الله يعافيك اخوي
ههههههه
هذي ملكة اللي مالهم موديل
charisma:
---------
صباح الخير يا ضحكة قلب انا اغليها
ههههههه
لا الظاهر بسوي القاموس من جزئين
ههههه
حلوة احبه وما يحبني
عجيييييييبة
ابدعتي يا كاريزما
أنا يالله أحجي كويتي، بعد تبيني أخترع تعابير؟؟
قلقصتيني بالقوري
:)
White Wings:
------------
ههههههههههه
لا لا كلش ولا تتقلقصين بالقوري
عاد شلون عقب نقدر نطلعج
هههه
^_*
كلهم كلمات أول مره أسمع فيهم
يالله نكتسب معلومات
^^"
مديرة المدراء تصدقين عبالي آنا مألفتها؟
لأن اقولها حق رفيجاتي مرات
^__^
قواج الله
جنون احساس:
-----------
هذي الكلمات المفصوحة
واكتشفت اني مو بروحي االفهم
طلع وايد اكو مثلي
هههههه
ايوا يا مديرة المدراء المديرين
الله يقويج ويحفظج
شاكرة لج زيارتج اللطيفة
هههههههههههههه
مصطلحات حلوة..
عادي استخدمها والا حقوق الطبع محفوظة
تسلمين الغلا
لوووول
مصطلحات فضيعه
خصوصا المزاج قرنبيطي حدها عجيبة
ساعات تطلعلي كلمات ما ادري من وين يايبتها بس تكون لحظتها وتروح
معجم حلو واذا كمل ابي منه نسخه اذا ممكن :)
الفجر البعيد:
--------------
استخدميها على كيف كيفج
حلال عليج يالغالية
وراح اعطيج نسخة
مجانية من القاموس
انا موقعة عليها
ههههههه
اجاثا كريستي مو مملوحة
ههههه
اشرايج؟؟؟؟
تسلمين يا حبيبتي
بنت الكويت:
-----------
اي والله قرنبيطي
الله لا يوريج اياه
تامرين امر يا الغاليه
بس يكمل نعطيج نسخة
وعليها توقيعي بعد
ههههههه
جني صرت مديرة المدراء المديرين
هاهاهاهها
بوست خفيف طيييينة
ممممم ....بحاول اتذكر
بس اللي في بالي الحين
خرارة تخركم مع تشديد اول راء في اول كلمة
معناها مااااالت عليكم
او خرارة تخرك
يعني مالت عالبامية
ههاهاهاها
ما ادري من وين طلعت بس تراث عائلي
هاهاهاهاهاها
======
طراق على عيييينك
يعني راشدي محترم بس لا ينفذ
يعني تهدييييد قوي بس خرطي
=====
الوجه المنطليطي
او الضحكة المنطليطية
مالها تفسير لازم اشوفها
على احد عشان اقولج عليها
مممم ...? تخيلي واحد مليييق
يسوي نفسة مستحي
تصير ابتسامته منطليطية
هاهاهاهاها
=====
لون دشداشته شاي حليب
يعني لون راااايح فيها
======
لما نوصل مكان
اول ما الكل يبطل بيبان
السيارة لاااازم اللي تسوق
اتقول
انتشرواااااااااااااا
ما ادري ليش ??هاهاهاهاها
حشى ذبان مو اوادم
هاهاهاهاها
loool,
salfat "intashiro" 7ita i7na min a7ad iba66il bab ilsayyarah igol intashiro:)
wi "'7alliloh" lamma awazi3 shy 3la majmo3ah,
ana 3indi kilmat "wadig nay ba3ad" le 7aseet inna salfiti 6alt wi bnheha anheha bhalkilmah madri lesh:)
"il3alim b2mrah aw amirha aw faylasofat zimanha" 6b3an lili itshee76on wayed ibma3lomathom:)
keep in touch agolha "keep in 6asht",
any time agolha "any timizzzz" lazim tshdeed il z:)
itha fe shy mi7taaraah feh agol "ashrab il39eer ma ashrbah"
"7abbah fo2 wi 7abbah t7t" li 9ar modi ishwaya wayed m3fos,
"hee9a wi zambalee6ah" le sim3t salfah wi feha tfaseel wayed wi ba3athha mo fahamtha aw mo imtab3atha,
ee wi kilmat ishwayah madri lesh lazim titba3ha kilmat wayed 3indi, i have no idea leesh:)
hatha ba3thon min il'7bal illathi 3indana witha tithakkart shy ba3ad ra7 arid a3alliq:)
امكوكس او امكوكسة يعنى المزاج مقلوب
مقندليز يهنى مكدونلد باللهجة الفلبينية لوووول
يهنى = يعنى :p
Vancouver:
----------
ههههه
مشكورة حبيبتي من ذوقج
وكلماتج كلها خف طينة والله
وايد عجبتني الوجه المنطليطي
روعة احسها جدا معبرة
ههههههه
حلوة انتشروا
حشا قوات مسلحة
وانتوا مش حتنتشروا
ههههههه
شاكرة لج هالمشاركة العجيبة
salfa3ajeeba:
-------------
ههههههه
حلوة حلوة كيب ان طشت
هههه ناوية تعطينهم وش غسيل
ههههه
لا لا لاتشربين العصير وانتي محترة
وان شاء الله كله حبه فوق وماكو حبه تحت
هههههه
مت مت من الضحك
حلوة منج بعضن من الخبال اللي عندنا
انتظر مشاركتج الحلوة مرة ثانيه بفارغ الصبر
Anonymous:
-----------
ههههههه
لا عسانا ما انكوكس من شر
مقندليز شيصير حق كوندليزا؟؟؟
لووووووووووول
مت مت من الضحك خاصة على قرنبيطي أكثر شي حبيته اهو ومتقلقص بالقوري
اما يا هويلة تهولي اللي حاطتها عجيبة
صراحة مخي مو معاي باجر اييبه واقولج مع اني اتوقع ماعندي قاموس تويتي انا ردة فعلي غريبة بس مصطلحات مادري ما اتوقع
كاريزما
ابدااااااااااااع مت من الضحك خوش قاموس
tweety:
-------
هلا هلا في الغايبة
حيا الله تويتي الغاليه
هههههه
اشرايج في قاموسي ؟؟؟
القرنبيطي اقوى ترى من اللي متقلقص في القوري شوفيه شلون متلاصق ما يتفجج لكن المتقلقص تقدرين تطلعينه
هههه شفتي كاريزما قاموس خاص فيها
الله يحفظها
يلا ننطر كلماتج المفصوحه بفارغ الصبر
looooool wala tha7ktenee
nice post realy
ewanson el kalemat yabela njarbhom :P
madry lool bs 3endi
مأستكه: يعني الوضع او المزاج مو شي
loool
salamz...
تذكرت بعد
عقديشن : فئه ضاله في المجتمع في قمة الهلاقه وهالايام يسوون روحهم كشخه بس ماكو فايده ينجكون
سعبوليشن : الجل اللي يحطونه هالصبيان اللي لمعته لمعة هندي مكثر دبل أملا
حاطه ديودرينت أباطيشن : وحده صنتها تصك الراس
كويت عقد : كويت ماجيك
ورعان مول : أجيال مول
مركز جمعان : مركز سلطان فرع سلوى
5roofa:
--------
عساج دوم تضحكين ومستانسة
جربيهم صراحة تحسين محد يفهمج
لا يا معودة لا تتمأستكين علينا
هههههههههههه
وعليكم السلامز
Q8DOLL:
-------
اهلا اهلا
ههههههههه
حلوة حلوة
ابدعتي
خوش كلمات
وايد عجبوني
مشكورة واااايد
على هالاضافه العجييييبة
لووووول خوش موضوع ;p
عاد عندي مصطلحات واااااااايده بمعجمي الخاص ;D
بو تشه : يعني بوكرشه
هذي وحده منهم ;p
Dana_23:
--------
ههههه
حلوة بوتشه
يا حافظ عطينا شويه
من معجمج نحطه فوق قاموسي
شاكرة لج مشاركتج الحلوة
اختى الكريمة
اتمنى المشاركة التصويت عندى على افضل نائب
شاكرلج مقدمة
كلك وبس
قوة مملوووووووحة الموضوع عجيب قريب كل التعليقات ومت من الضحك وعندي لج كلمات وايد بس موقدارة اتذكرهم كلهم ومنهم
عقدنه: المكان او الناس العقد
تهلقن: لما نطلع ومالنا خلق فنلبس اي شي ونهلقن
المود واصل حده او المود تحت الصفر: يعني معصة حدي واللي بايع عمره خل يحاجيني واللي يبي يعرف تفاصيل أكثر عن هالحالة يسأل خروفة لووول
فاصلة: يعني يانة وقاعدة وقاعدة تقط خيط وخيط
مخرفة: تشبه فاصلة شوي
ميأسة: قمة اليأس
منو كلب: مصطلح نقوله يا إما اذا احد تحجى وما فهمت شي اقولها او اذا كنا قروب ومرة وحدة شكلها غلط فبدال لا اقولهم التفتوا و بدال لا أأشر بس اقول منو كلب لازم يعرفون القصة لوول
معاج على الخط: يعني متابعة معاج وشايفة وعارفة شقادعة تفكرين فيه
قود ناخت: يعني قود نايت
المهلق: المهلب
طاش ما طاش: سوق شرق
أفينو: أفنيوز
ستاربكس العيم: ستاربكس الدعية لوول
عنيف: اذا شفت شي وحده عجبني اقول واااو عنيف
فاهي: حده برووووود ويبط الجبد وبمووووت من كثر ما اهوا فاهي وسخيف
انتشروا لازم نقولها بالسوووق امي وايد تقولها
الأطفال: بدال اليهال
منو هذا: الأكل اللي شكله غريب الله يزيد النعمة
الصراحة البوست إينن وقاعد يخليني اعصر مخي بس صدقيني بس هذا اللي طلع معاي وانا متأكدة ان فيه اكثر من موراضي يطلع بس اتذكرهم ارد احطهم سي يووو :)
متقلقص بالقوري وايد تييني هالحالة هيهيهي
سوري مملوحة على البدلياااات بس ميخالف طوفيلي
واتذكرت صي يوو بدال سي يوووو :)
عليج فناتق
شي
Mishari:
--------
ان شاء الله اخوي
راح نصوت عندك
بس ما عرفت تشكرني على شنو؟؟؟
Sara:
-----
يقويج حبيبتي
هههههههههه
مصطلحات عجيبة شديدة المفصوحيه
عادي عادي حبيبتي ما فطنت بالبدليات انتي نبهتيني
وانا اختج بدلي على كيفج
تسلمين على هالمشاركة الحلوة حبيبتي
Sara:
-----
صي يو صوووووون
barrak:
-------
هههههه
شفت شلووون؟؟
الله يسلمج مملوحة تذكرت جم مصطلح منهم
كوسة اذا تبين تذمين احد تقولين عنه كوسة والبنية بيديانه
اكشنات أو مأكشن: يعني حركات ولوية
بومة خرايب: عن النية المهلقنة وشكلها غلط وكله مبوزه ..
تكتك: مصطلح اقوله اكون بردانة
صيييي يووووووو
البوست حده عجيب
بس مالها موديل
هاذي اعجبتني وايد
بتسلفها منج
اذا بعبر عن إستيائي من ذوق وحده والله بلشها فيني ويات تسألني عن رأيي
:P
من انحية الإضافة
حد الشسمونه شسمه : لما أبي أعبر عن شغله في قمة الجمال أو في قمة اليع أو في قمة قلة الأدب فالازم إتيي هالكلمة تلقائية
طووووز : لما اتصحك فيني الدنيا واحد يسألني شلونج
ترالالي : يعني حد الشسمونه أي شي وحالة ليس لها موقع من الإعراب مثل لما يلتمون عندج كوكش يهال ولا تقدرين السيطرة على شطانتهم
وميغسي
Sara:
-----
يا سلاااام عليج يا سارة
اثريتي قاموسي
شكلي بسويه من جزئين
يعني اكشنات
هههههه
صي يووو صووون
نون النساء:
-----------
اهلا بنون
مشكوره من ذوقج والله
تسلفيها ومعاها بعد مديرة المدراء المديرين
هههههه
شكرا على الضافات
وعسى الله يبعد عنج الطوووووز
وميغسي لج على هالمشاركة العجيبة
المملوحة .. شهالغيبة؟؟
مشتاقين .. الصراحة البوست خوش فكرة
قعدت أعصر مخي .. وهذا اللي طلع معاي
وإذا طلع بعد شي بأرد
كريه كره العمل .. يعني كره العمى
زفت الطين ... لما محترة من أحد وأبي أسبه وخصوصا الأولاد
حقج .. كنت أستخدمها قبل .. وأقولها حق صديقتي اللي تكون معاي لما أشوف وحده لابسة شي وايد قبيح أو شعرها عفيسة وشكلها كلش مو حلو .. يعني هالباكيج هذا حقج
مالي خلقي: يقولها "بيدو" لما يكون ماله خلق وعيزان
دايس: يقولها أيضا "بيدو" لما يكون دايخ
عبيط والا شكلك شذي؟ .. واعتقد معتاها واضح
أبي صندويييكة .. اقولها الصبح في الدوام لما اكون يوعانة
بنت عمتي لما بتروح تنام تقول حق أمها: يما آنا باروح أخمد .. لأن امها وهي صغيرة كله تقوللها روحي خمدي
ولي زميلة تقول: مستطيل هذا الكلام .. ومعناتها مستحيل هذا الكلام دليل الاستنكار
Alia:
-----
يا هلا في عاليه
اي والله طالت الغيبة
واحنا اكثر مشتاقين
ههههه
والله اننا دايسين من هالحر
وكله خامدين
لا الظاهر بسوي القاموس من 3 أجزاء
واحد منهم للأطفال
جميل والله
قاعد أقرا الكلمات
وإحنا بذكرى الغزو
اللي دخل علينا ألفاظ يديده
أحمد ربي إنها إنقرضت
تسلم إيدك على هالبوست
butterflier:
------------
شاكرة لج مرورج
hamdool:
--------
لو كنت قاري البوست في يوم غير يوم الذكرى الاليمة كان له وقع احلى
بس في هاليوم بالذات
ما نقدر نعلق حتى بابتسامة
تسلم على مرورك ومشاركتك
و منكم نستفيد سيدتي
بركان
خوش مصطلحات والله
هههههه شكلي بستخدمهم لوووولواايد استمتعت بالبوست
وبالردوود بعد
حدهم شي
مشكورة يا حلوة
مساج الله بالخير اخيتي المملوحة
خوش مصطلحات ...مادري من وين يايبتهم!!؟
ممتعة بصراحة
مصطلحات غريبة عن كمصري
:)
لكني سعدت بالتعرف عليها
تحياتي اختاة
بوست ممتع وحلو ..!! عسى الله يحلي دنياك ..!!أحنا عندنا وايد مصطلاحات لكن راح أذكر منهم شويه
متفونع = يعني متطور ومتجلي
زيُد = بالشده على الياء تعني كذبه
يطير صواريخ = يعني يكذب
فيل = يعني نحيس وما ينسى
مصعوي أو عصل = يعني نحيف الجسم
بوتمبه = تعني سمين الجسم
واخيراً "شوكو"أو "شكوكو" = يعني شعرها خشن ....... هاهاهاها....!!؟
بركان:
------
شكرا اخوي على الزيارة
SHAHAD:
-------
هههههه
استعمليهم واستانسي
مشكورة حبيبتي على مشاركتج الحلوة
عثماني:
-------
هلا والله في اوخيي
والله ياخوي بدليات وعقب قمنا نستخدمهم للتمويه
امتعتنا بزيارتك
صاحب البوابة:
-------------
اكيد حتكون غريبة عليك ده احنا نفسنا بعض الاوقات ما بنفهمهاش
تحياتي لك اخي
Freeq8:
-------
هههههههه
هلا والله في الغالي
هلا في اخوي الحبيب
وعسى الله يحلي دنياك
هههههه
شوكو وشكوكو
حتى قنفذ القنافذ بعد
الله يسامحك
طلعت الفضايح
لكن انا فيلو ما انسى راح اخشها لك
عساك دوم مستانس وتضحك
مملوحتي
فضيتي عالم المدونات، الكل قاعد "متقلقص" عندج، شسالفة؟؟
:)
انما تعلمنا كلمات بتخرب أبو اللغة العربية
:)
مدير او مديرة تغيرت عندنا بالدوانية واقتبسنا تعبير يديد من عبدالحسين عبدالرضا وهو
هاااااا مديروووووووووووووه
White Wings:
-------------
هههههه
ليش الحسد ؟؟؟
ما شاء الله لا قوة الا بالله
قاعدين نألف القاموس
علشان جذي الكل جزاهم الله خير يساعدوني
اي والله بتخرب ابو اللغة ازيد ماهي مختربة
:)
حمد:
---
هههههه
اي والله مديرووووو
حلوة
نقدر نضيفها معانا في القاموس
تشرفت يا خوي بزيارتك لي
اختى مملوحة
بدء المرحلة الثانية من التصويت للاختيار افضل نائب فى الدور الانعقاد الماضي
الرجاء التفضل بالزيارة عزيزى والتصويت
ما شاء الله تبارك الرحمن .. الفصاحة تقطر من هالموضوع لووووووووول !!
:P
Kuw_Son:
--------
ههههه
مشكور ياخوي
ما شاركتنا في بعضن من
الكلمات المفصوحه
ساج ج الله بالخير
وليش ما تقولين عطاني حركة زيدان
احسن من ارجنتيني :ٍ]
Maximelian:
-----------
مساك الله بالنور ياخوي
حركة زيدان تصلح لما يدعمك بالسيارة بس الارجنتيني تصلح لما يعر عليك او يلف عليك
:)
شاكرة لك مشاركتك
مملوحة شخبارج؟ اليوم تذكرتج وانا قاعدة اكلم امي .. لأني هابتلي بكلمة يديدة ضيفيها بالمعجم مالج ..
الله يسلمج هاليومين صايرة اقول كلمة خازووووووق وايد واهم شي نطق القااااف عدل آخر شي ومعناتها اذا رحت مكان بعيد اسمي هالمكان خازووووق لووول عد من وين يايبه الكلمة مادري لوول
بس هليومين صايرة احوس وايد فإذا اسئلوني من وين ياية اقولهم من الخازووووووق لوول
Sara:
------
حلوة الخازوووووق بس احنا نستخدمها استخدام ثاني
لما تطيحين بمصيبة ولا مقلب قوي من احد نقول خذينا خازوووق او طحنا بخازوووق
وايد مشكورة على زيارتج الحلوة على قلبي ومشاركتج الاحلى
ههههههه
قاموسي صار معجم من كثر الكلمات
أحنا نقول "منسف الغتره" يعني معدلها..!! ونقول "كاشخ" يعني لابس حلو ومتهندم ..!! ونقول "قطعه" عن المراه الجميله ..!! هذا ما لزم وشكراً...!!؟
2 u ALL:
--------
ههههههه
حلوة منسف الغترة
وايد عجبتني
شكرا اخوي على المشاركة الحلوة
راح نضيف الكلمات للمعجم قريبا جدا
أتوقع أغلب الألفاظ تأتي من نتائج
تعلوقة تصير على موضوع .. وننسبها
لمواضيع محد يكون فاهمها الا افراد
الجماعة ;)
عجبتني القوري ..تشرح الوضع عدل
المآساة لما ألفاظ المسنجر والانترنت تنتشر بالحياة العامة ..
مايوس
=
يعني ميونيز + لتس
ناس متعوة على المطاعم والاكسترا مايووس
موضوع ظريف وعجبني قائمة كريزما
مملوحة شكلج ابلشتي فيني كل ماتذكرت كلمة قلت لازم احطها حق مملوحة
Ngayez: يعني نقز
6a7oona: الشاحنة اللي تقلب السميت
kelelix: كليليكس يعني كلينيكس
omy tgol sala6 y3ny sala6aaa
لوووول
ادري يننتج
qesat_5ayal:
------------
صح يا وخيتي هذي الطريقة اللي تألفت فيها الكلمات
القوري هذا قصته قصة
هههههه
حلوة المايوس وايد عجبتني
شاكرة لج مشاركتج الحلوة
Sara:
-----
هههههههه
ما يننتيني ولا ابتلشت فيج
انا وايد مستمتعه بمشاركتج
هههههه
راح اسوي ملخق حق المعجم بسميه اضافات ساره
اشرايج؟؟؟
حبيبتي مشكوووورة وايد وايد
وترا اذا تبين بعد قوليلي وانا أكتبلج هيهيهي أموت على هالسوالف
والله خوش فكرة ليش لا هيهيهي :)
Sara:
------
العفو حبيبتي
تستاهلين .. صراحة اكبر مشاركة كانت منج انتي
hehehe
خوش مدونه و خوش بوست
والله مادري اشعندي ..
انا اتكلم و انتو لقطوا من وراي :P
تسلميين
يعطيج العافيه خوش بوست
وسعتي صدرنا على هالصباح الباكر
تألقتي بهالبوست العجيب
Shather:
--------
هههههه
مشكورة حبيبتي من ذوقج والله
خلاص بتابعج والقط من وراج ونشوف مفصوحاتج
عتيج الصوف:
-----------
الله يعافيك ياخوي
عساك دوم مستانس وصدرك وسيع
صباحا ومساءا
barrak:
--------
رأيك وايد مهم عندي ياوخيي الغالي
مشكور على هالمدح وشهادة اعتز فيها
خوش مصطلحات
عيل أنا صار لي فترة
متقلقص بالقوري
:)
ودمتم بحب وود بلا تقلقص
sologa-bologa:
--------------
شكرا اخوي سلوقا
لا لا يا وخيي كل شي ولا التقلقص بالقوري
دمت بسعادة بدون مزاج قرنبيطي
Post a Comment