كلمة شكر 2
*************************
انتـم ترهمـون لي وانـا لكـم مـرهـم
ارهـم مع اللي لجرحي بلسـم ومـرهـم
وأرهـم معَ اللي يْتشـرَّه ليش ما مُـرهـم
وأرهـم مع من فقـدنـا سـاعـةٍ مَـرنا
وأرهـم معَ اللي يشـارك حلـونا ومُـرنا
وأرهـم مع الابتسـامـه وكِلْمِتـه مـرنا
ولا منّي مـرّيت يعاتبنـي بَعَدْ مُـرْ هَـمْ
"عبدالرحمن الضويحي"
***************************
كلمة شكر 2 لصديقات عمري الحبيبات
=================
أولا : للغاليتين للقلبين الكبيرين
"حنه " و "رنه"
الله لا يخليني منكم ومن محبتكم
انتو صديقات العمر اللي ما يغيركم الزمن
اصيلات وماكو من يساويكم في الطيب والسنع
لقيت القلب الكبير فيكم والمحبه الصادقه
اللي كانت اكبر من ما توقعت
عرفت قدري ومعزتي في قلوبكم الوفيه
ما انلام لي صارت معزتكم بقلبي كبيره
وان محبتكم وغلااااكم غييير
الله لا يبين غلااااكم يا غلا حياتي وروحي
يا صديقاااات قلبي الصدوووووقيييين
وقفتوا يمي في مرضي ولكم من بعد الله الفضل الكبير
في تقبل المرض ومحاولة تغلبي عليه
كنتم لي الامل والتفاؤل والايمان
الله يقدرني وارد جزاكم بالافراح يا رب
******************
ثانيا : للغاليين " شهرزاد 1 " و"شهرزاد2" و"خف الطينه"ء
و"اللولو" و" نور حياتي "ء
صديقات طفولتي وبنات خالتي ونور قلبي الغاليين
شاكره لكم حبكم وتعاطفكم ورعايتكم لي
وجودكم في وقت مرضي كبييير
وما راح انساه طول عمري
مسجاتكم و مكالماتكم وطلعاتي وياكم
كانت تنسيني همومي وضيقتي
كنتم لي البسمه والفرح في وقت حزني
كنتم سندي وعزمي بأن أتغلب على مرضي
احبكم حب كبييير وصادق
ومتحسفه على كل يوم كنت فيه بعيده عنكم
لكم مكان في قلبي لا يمكن احد يمليه
الله لا يحرمني محبتكم ولا يفرقنا من شر
**********************
ثالثا : الغاليين "عطر دنيتي" وبناتها
يا صديقة طفولتي
وصديقة شبابي
وصديقة عمري
مهما قلت فيج شويه يالغاليه
يا اختي اللي ماولدتها امي
كنتي وبناتي بلسم لكل ضيقه
كافي لهفتكم وخوفكم علي كان ينسيني همي وضيقتي
كنتم داير مداري وما تركتوني
تتضايقون بضيقتي وتفرحون بفرحي
ومحبتكم وعواطفكم الجياشه كانت دايما موجوده
الله لا يفرقنا ونظل صديقات لحد ما نصير عيايز
والله يبلغنا ونشوف بناتنا عرايس وفي احسن حال
********************
مشكوووورين كلكم
تحملتوا تغير مزاجي المفاجيء
أبتعد وأصد عنكم وتنقربون لي
أبتعد وأصد عنكم وتنقربون لي
وتصرون على التواصل معاي
بالمسجات او الاطمئنان عن طريق أهلي
مشكورين لتفهمكم ظروف مرضي
مشكورين على تحملكم أفلامي الهنديه
مشكورين على مشاركتي بحزني وفرحي
مشكورين لوجودكم بحياتي
أحبكم وايد والله يخليكم لي
الاسماء متنكره
:))
بس شنسوي لزوم التخفي
