كلمة شكر 1
من محنة المرض
عرفت قدري عند الناس اللي حولي
في ناس ما توقعت وصلهم
ولقيتهم من اول الناس اللي سألوا عني
وفي ناس توقعتهم معاي في هالوقت
بس للاسف مالقيتهم يمي
.................................
والحمدلله اكتشفت رصيد كبير من الحب
من الاهل خاااااااااااصه
والأصدقاء وأصدقاء الأصدقاء عامه
وشفت لهفتهم وخوفهم علي واهتمامهم
بالسؤال والدعاء والنصح
والكل كان يعرض مساعدته بطريقته الخاصه
والحمدلله على هالمرض
اللي خلاني اشوف غلاتي
عند هالناس الطيبه
وعرفت ان كل اللي يقسمه ربي خير على عبده
وان للمرض فوائد وايد
منها اني شفت وعرفت محبة الناس لي وذكرهم لي بالخير
*+*+*+*+*+*+*+
"من لم يشكر الناس لا يشكر الله "
لازم وواجب علي اني اوجه رسايل شكر
لكل من وقف وياي في مرضي وما تخلى عني
اولا : أختي الكبيره
شكرااااااااااا
على سفرها معاي وعنايتها لي
وحنانها وهدوئها وطيبتها
على ابتسامة الامل اللي كانت توجهها لي
في كل صباح وقبل كل فحص وقبل كل مراجعه
على تحملها لعصبيتي وبكائي ومزاجي المتقلب
شكرا يا ابتسامة عمري الغاليه
ولو ان هالكلمه قليله وما توفيج يالغاليه حقج
********************
ثانيا : أختي الثانيه
شكراااااااااا
لاهتمامها ودعائها وحبها وحنانها
لكل نصيحه وجهتها لي لأتحمل ما امر فيه
لايمانياتها العاليه اللي كانت ترفع من روحي
وتصبرني على المرض
لوجودها بقربي طول الوقت
وسؤالها الدائم عني
شكرا يا ندى عمري وحياتي
وعسى الله يقدرني وارد لج اياه بالفرح
***************
ثالثا : أخوي الغالي وزوجته
لوجودكم معاي في سفري
ضحيتوا بإجازتكم وراحتكم
وجيتونا تشاركوني في
تعب مرافقتي في رحلة فحوصاتي وعلاجي
وجودكم معانا كان له اثر كبير
في مواجهة خوفي من نتايج الفحوصات
نسيتوني المرض والمحاتاة
ونستوني وتعبتكم وياي
كنت احس بخوفكم علي وحبكم الكبير
اللي ما راح انساه طول عمري
ما تكفيني كلمة شكرا لكم
********************
شكرا لكل من سأل عني ودق واستفسر
وعذرا لمن ما قدرت أرد عليه وأطمنه
الله يبعد عنا وعنكم المرض
ويرزقنا واياكم الصحه والعافيه
