Tuesday, August 14, 2007

القاموس اكتمل


بفضل مشاركتكم الخفيفة واللطيفة والظريفة



اكتمل قاموس مملوحة للكلمات المفصوحة




وطبعا الكلمات مجانية للجميع



وراح اخلي لنك عندي في المدونة




للقاموس علشان تقدرون تضيفون كلمات جديدة




او تستعيرون بعض الكلمات المفصوحة




داخله او داخل القوري : وتقال عندما يكون الشخص في مزاج سيء جدا وضيق*
الخلق وما تقدر تطلعه من المود اللي هو داخل فيه
واذا كان وايد متعسر نقول متقلقص بالقوري



المزاج قرنبيطي : وتقال عندما يكون المزاج متعكر جدا جدا جدا*
وما يعدله اي شي


أرجنتيني : وتقال لما واحد في الشارع يلف عليك خوش*
لفة ويعر عليك ويمكن يركبك الرصيف
او انت تسوي هاللفة الملقبة باللفة الارجنتينيه



أمأس من :وتقال لما تبي تبين ان الشي شديد القبح*
اوغير جيد او غير متقن



مأساة المآسي المتمأسة : ولها نفس الاستخدام السابق لكن اكثر قوة في الوصف والتعبير*



مالج او مالك موديل : وتقال للانسان او الشي اللي لا يوصف من عدم التناسق والتبهذل*


مديرة او مدير المدراء المديرين : وتقال للي يتشيحط بمركزه العالي وانه الكل في الكل *


يا مال الدقم : يعني يا حليلها*


خرتم : يعني حسينه يعني دايخه *

مدوودم : يعني لونه وسخ*

يلاااال : لا بردة الحليبه القشطه اللي فوقها انسميها يلااال *

وانقز : لما يصير الشي بسرعه *

خربوطيه :بنيه مو خوش*

كيكة :بنيه حلوة *


متقوقعه : متعسره وبقعد بروحي *

كاسره خاطر نفسي : هذي قمة ضيقه الخلق *


عايش الدور :. حق الشخص اللي متسانس على الشي اللي يسويه بزوده *


متأنتك :يعني واحد يايب اليهدة بالكشخة *


قطــــــــع او قطيعه تقطعهم : ونقولها اذا منغثين من احد *


هلاقة ستايل: مالها موديل *


اللون الموديماني : يعني اللون العنابي اللي يلوع جبدي واللي احسه سخيف *

اشمعزه : يعني اشمعنى *

انشر غسيل : آنسر مشين *

سويلته : يعني مملووح *

منحشره : يعنى لابسه لبس غصب داشه فيه *


احب هالوسع: يعنى متييينه لابسه لبس ضيج*



قصة العاافيه:يعنى براااد اللبس*



كاافيه اولييه: يعنى سكراى الموضوع حاااالا*


يا بوو فهد : يعنى وخروا عنا الاخ لالالاكه شارب*


ليلى طاهر : يعنى حمرتج رايحه زيديها او مشيها*



بروح انقرف : يعنى بروح نسبح*


اقطييييعه : يعنى واحد وااايد حلو يعنى قطعه بالجمال*


احبه وما يحبنى: لابسه لبس وغصب لايق على وابيه واهو اييب اليهد عليها*



اصبووره ومسجف: يعنى وااحد عصل عصل بيموت من الضعف*


زلابطا : اصلع*


اراك لا ترانى : يعنى قاعد يطالع من تحت النظاره السوده*


فلافل : شعرها خشن*



خواتم : شعرها كيرلى من الله*




باشطه: امبلتعه*



ساحره : يعنى ياهل كل شى اتعرف سابقه سنها*



خرارة تخركم : مع تشديد اول راء في اول كلمة معناها مااااالت عليكما*

او خرارة تخرك يعني مالت عالبامية




طراق على عيييينك : يعني راشدي محترم بس لا ينفذ يعني*

تهدييييد قوي بس خرطي



الوجه المنطليطي او الضحكة المنطليطية : تخيلي واحد مليييق يسوي*

نفسة مستحي تصير ابتسامته منطليطية


لون دشداشته شاي حليب : يعني لون راااايح فيها*


انتشروا: تقال عندما يفتح باب السيارة*



العالم بأمره او امرها:تقال للي يتشيحط*


حبة فوق وحبة تحت : تقال للمزاج المتقلب*



امكوكس او امكوكسة : يعنى المزاج مقلوب*



مقندليز: يهنى مكدونلد باللهجة الفلبينية*



مأستكه: يعني الوضع او المزاج مو شي*


عقديشن : فئه ضاله في المجتمع في قمة الهلاقه وهالايام يسوون*


روحهم كشخه بس ماكو فايده ينجكون


سعبوليشن : الجل اللي يحطونه هالصبيان اللي لمعته لمعة هندي مكثر دبل أملا*



حاطه ديودرينت أباطيشن : وحده صنتها تصك الراس*



كويت عقد : كويت ماجيك*



ورعان مول : أجيال مول*



مركز جمعان : مركز سلطان فرع سلوى*



بو تشه : يعني بوكرشه*


عقدنه: المكان او الناس العقد*


تهلقن: لما نطلع ومالنا خلق فنلبس اي شي ونهلقن*



المود واصل حده او المود تحت الصفر: يعني معصة حدي*



فاصلة: يعني يانة وقاعدة وقاعدة تقط خيط وخيط*



مخرفة: تشبه فاصلة شوي*



ميأسة: قمة اليأس*




منو كلب: مصطلح نقوله يا إما اذا احد تحجى وما فهمت شي اقولها*

او اذا كنا قروب ومرة وحدة شكلها غلط فبدال

لا اقولهم التفتوا و بدال لا أأشر


معاج على الخط: يعني متابعة معاج وشايفة وعارفة شقاعدة تفكرين فيه*


قود ناخت: يعني قود نايت*



المهلق: المهلب*



طاش ما طاش: سوق شرق*



أفينو: أفنيوز*



عنيف: اذا شفت شي وحده عجبني اقول واااو عنيف*


فاهي: حده برووووود ويبط الجبد وبمووووت من كثر ما اهوا فاهي وسخيف*



منو هذا: الأكل اللي شكله غريب الله يزيد النعمة*


كوسة اذا تبين تذمين احد : تقولين عنه كوسة والبنية بيديانه*


اكشنات أو مأكشن: يعني حركات ولوية*



بومة خرايب: عن البنية المهلقنة وشكلها غلط وكله مبوزه*


تكتك: مصطلح اقوله اكون بردانة*


حد الشسمونه شسمه : لما أبي أعبر عن شغله في قمة الجمال أو في قمة اليع*

أو في قمة قلة الأدب فالازم إتيي هالكلمة تلقائية



طووووز : لما اتصك فيني الدنيا واحد يسألني شلونج*


ترالالي : يعني حد الشسمونه أي شي وحالة ليس لها موقع من الإعراب*



كريه كره العمل : يعني كره العمى*



زفت الطين ... لما محترة من أحد وأبي أسبه وخصوصا الأولاد*



مالي خلقي: لما يكون ماله خلق*



وعيزاندايس: لما يكون دايخ*



أبي صندويييكة :تقال الصبح في الدوام لما اكون يوعانة*



مستطيل هذا الكلام : ومعناتها مستحيل هذا الكلام دليل الاستنكار*


متفونع : يعني متطور ومتجلي*


زيُد : بالشده على الياء تعني كذبه*


يطير صواريخ : يعني يكذب*


فيل :يعني نحيس وما ينسى الاساءة*



مصعوي أو عصل : يعني نحيف الجسم*


بوتمبه : تعني سمين الجسم*


شوكوأو شكوكو : يعني شعرها خشن*

27 comments:

بنت الكويت said...

صج صج يعطيج العافيه

قاموس رهيب

واكيد راح نستفيد منه

Alia said...

خوش قاموس ... صج كويتي
اغلب كلمات القاموس تستخدم للطنازة
هههههههه

المملوحين شلونهم؟؟
;**

5roofa said...

looooooooooooooooool

ya36eeej el 3aaaafyaaaaaaa

زعبوليشن

mawtatny men el the7ek looooooooool

thanks alot sweetee...

salamz...

Mamloo7a Q8ia said...

بنت الكويت:
-----------
الله يعافيج
واحنا بالخدمة

Mamloo7a Q8ia said...

Alia:
-----
هههههه
شفتي شلون؟؟
كويتيين ما كو فايدة

يسلمون عليج
ويسألون عنج؟؟
:**

Mamloo7a Q8ia said...

5roofa:
--------
ههههههههههه
الله يعافيج ويخليج
عساج دوم تضحكين
سلامز

charisma said...

looooooooooooooooooool

مسااء الورد

واى قريته مره ثالثه

ههههههههههههههههه

وكل ما اقراه اموت ضحك

عجيييب

تسلم ادياتج
:***

Anonymous said...

تسلم ايدك على هالقاموس الحلو الشبابي

qesat_5ayal said...

يغير المود
:)

استمتعت بالقراءة

جنون إحساس said...

يا مال الدقم : يعني يا حليلها
---

ههههه صج عاد؟
والله عبالي يامالج اتصيرين قزمة
شووكراان

DiLLi O MiLLi said...

هههههههه .. شي شي القاموس .. صكينااا على المصريين وأفشاتهم !! ههههه


ضحكتني جنون احساس على يامال الدقم .. صاجه الجمله توحي بالمعنى اللي قالته .. يعني دقمه صغيره او قزمه

عجييييب القاموس بقتلي جم أفشه لأستعمالي الخاص ههههههه



مشتااااقييين

:****

Mamloo7a Q8ia said...

charisma:
---------
مساء الرياحين والازهار الجميلة
عساج دوم مستانسة وتضحكين يا ضحكة قلبي
وتسلمين على المشاركة الحلوة

:**

Mamloo7a Q8ia said...

وتر:
----
الله يسلمك يا خوي يا محمد





qesat_5ayal:
-------------
عسى مودج يتغير للاحسن
:)
شاكرة لج مرورج وتعليقج

Mamloo7a Q8ia said...

جنون احساس:
-----------
هههههه
حلوة تصيرين قزمة

اشوا ان ديللي وضحت لج المعنى
ههههههه

عفواااان

Mamloo7a Q8ia said...

DiLLi O MiLLi:
---------------
ههههههه
ويييي من زمان صاكين عليهم
زايدة حلاوة وخفة طينة الكويتيين ما تشوفين نصهم فيهم سكر
ههههههه
اي والله انا لما قريت تعليقها غشيت من الضحك

اشدعواااااا
عطينا اياهم


واحنا اكثررررررررررر
مشتاقوووووووووووون

:**********

فراوله said...

مساالورد والجوري
غاليتي مملوحة
والله صج يعطيج العافية
قاموس ولا احلا
ومنكم نستفيد راح اخذ منه كل شي حلو
الله لا يحرمنا من هالقاموس
دمت بحب وود ابدا
:)

Unknown said...

قاموس صيفي خفيف وعجييب:)

يعطيج العافية

Mamloo7a Q8ia said...

فراوله:
-------
مساء الخير والسعادة
الله يعافيج يا حبيبتي
دمتي بكل الحب



Mishari:
---------
شنسوي؟
نسلي عمرنا بالصيف يا وخيي
الله يعافيك

خسرتني للأبد said...

الســ عليكم ــلام
ههههههههههههههههههههههه
ههههههههههههههههههههههه
انتي شنو هالقاموس
ههههههههههههههههههههههه
موتي من الضحك انا في البداية كنت احسبه بوست و خلاص
طلعتي من صجج و الناس متفاعله معاج بعد
هههههههههههههههههههههههههههه
و الله انج موتيني من الضحك
و عجبتني كلمة
حد الشسمونه شسمه
الله يقدرني و احفظها على شان ودي اقولها اليوم بالدوانية
لان راح يسألوني عن شي حلو وايد

Mamloo7a Q8ia said...

خسرتني للأبد:
------------
هههههههههههه
وعليكم السلام ورحمة الله وبركاته
شفت شلون ياخوي
سوينا لنا قاموس من الكلمات المفصوحة
بمشاركة اصدقائي المدونين
وسويت لكم لنك

Q8DOLL said...

روووووعه روعه القاموس
واهم شي في من لمساتي الخاصه
بس روعه
يعطيج العافيه ويبعد عنج المافيا

Anonymous said...

LOOOOOOOOOOOOOOOOOOOOOOOOL! wintay il Saajjaa, "intasheroow" tengaal itha modeer yeftar bil idara ooo ilzomala' mityam3een LOL, 7addaa Intasherow =p
o beene o beenich kan mazajy MitQawQiz bs lamma garait postich.. Inshekaa7t mn il wanasa lol

Mamloo7a Q8ia said...

Q8DOLL:
--------
حبيبتي انتي
والله انتي الروعة
هو منور بلمساتج الخاصة
شنو هالشعر العجيب؟؟؟
هههههههه
ويبعدها عنج بعد

Mamloo7a Q8ia said...

Very.Q8ya:
-----------
هههههه
عسا مزاجج دوم مستانس
ولا يتقوقع من شر
وعساج دوم منشكحة

SolaimaN said...
This comment has been removed by the author.
نمووول said...

مأساة المآسي المتمأسة : ولها نفس الاستخدام السابق لكن اكثر قوة في الوصف والتعبير

ههههههههه

قاموسج عجيب
يعطيج العافية وكل ما نحتاج
تفسير كلمة بنرجع له

شكراً

hema said...

بلوج مميز ورائع جدا ويتمتع بالحس والذوق المرهف الذى يمتمع بة صاحبة .
أرى أنة بلوج كويتى من الدرجة الاولى ومن الكويت الىمصر فكلها وطن واحد مصر أم الدنيا الكويت بلد الحب والمحبة كلنا عرب واخوة منتديات بانوراما مصر